Myanmar

Republik Pasatuan Myanmar (juo tanamo subagai Birma, disabuik "Burma" di dunia Barat) adolah sabuah nagara di Asia Tenggara. Nagara salaweh 680 ribu km² iko alah diparintah dek pamarintahan militer sajak kudeta taun 1988. Nagara iko adolah nagara bakambang dan punyo populasi labiah dari 50 juta jiwa. Ibu kota nagara iko sabalunnyo talatak di Yangon sabalun dipindahan dek pamarintahan junta militer ka Naypyidaw pado tanggal 7 November 2005.

Pyi-daung-zu Myan-ma Naing-ngan-daw
Bandera Lambang
Semboyan: Gabar Majay Bamar
Lagu kebangsaan: Kaba Ma Kyei
Ibu kota	Naypyidaw
Kota paliang gadang	Yangon
Bahaso resmi	Myanmar
Pamarintahan	Sistem presidensial
• Presiden	Win Myint
• Panasihaik Nagara	Aung San Suu Kyi
• Wakia Presiden	Henry Van Thio
Kamardekaan
• Dari Baritania Raya	4 Januari 1948
• Aia (%)	3,06%
Populasi
- Pakiroan 2010	60.280.000 (24)
- Sensus Panduduak 1983	33.234.000
PDB (KKB)	2012
- Total	US$102,622 miliar
- Per kapita	US$1,612
Mato uang	Kyat (MMK)
Zona wakatu	(UTC+6:30)
Lajua kamudi	suok
Kode telepon	95
Kode ISO 3166	MM
Ranah Internet	.mm

Pado 1988, tajadi galombang demonstrasi gadang manantang pamarintahan junta militer. Galombang demonstrasi iko barakhia jo tindak kakarehan nan dipabuek tentara tahadok para demonstran. Labiah dari 3000 urang tabunuah.

Pado pamiliahan 1990 partai pro-demokrasi pimpinan Aung San Suu Kyi mamanangi 82 persen suaro namun hasia pemilu iko indak diakui rezim militer nan bakuaso.

Parubahan namo

Parubahan namo dari Burma manjadi Myanmar dilakukan dek pamarintahan junta militer pado tanggal 18 Juni 1989. Junta militer mangubah namo Burma manjadi Myanmar supayo etnis non-Burma maraso manjadi bagian dari nagara. Walaupun baitu, parubahan namo iko indak sapanuahnyo diadopsi dek dunia internasional, utamonyo di nagara-nagara persemakmuran Inggirih.

Sabagian nagara Eropa sarupo Inggirih jo Irlandia nan indak mangakui legitimasi kakuasoan junta militer tatok manggunokan "Burma" untuak marujuak kapado nagara tasabuik.

PBB, nan mangakui hak nagara untuak manantuan namo nagaranyo, manggunokan Myanmar, baitu pulo jo Parancih dan Jerman. Di Jerman, kamantarian lua nagari mamakai Myanmar, tetapi hampia saluruh media Jerman mamakai "Burma".

Pamarintah AS, nan indak mangakui legitimasi kakuasoan junta militer tatok mamakai "Burma" tetapi mayoritas media gadang co The New York Times, CNN, jo Associated Press manggunokan Myanmar.

Pamarintah junta juo mangubah namo Rangoon manjadi Yangon. Pado tanggal 7 November 2005, pamarintah mambangun ibu kota baru, banamo Naypyidaw.

Parubahan lagu keabangsaan jo bendera

Parubahan lagu kabangsaan jo bendera dilakukan pamarintah junta pado tanggal 21 Oktober 2010.

Kalompok Etnis di Myanmar

• Bamar/Birma. Duo pertigo dari total warga Myanmar. Baagamo Buddha, mauni sabagian gadang wilayah nagara kacuali pakampuangan.
• Karen. Suku nan baagamo Buddha, Kristen atau paduannyo. Mampajuangkan otonomi salamo 60 tahun. Mauni pagunuangan dakek pabatehan jo Thailand.
• Kayah. Etnis nan baagamo Buddha nan bakarabaik jo etnis Thai.
• Arakan. Juga disabuik Rakhine, umumnyo baagamo Buddha jo tingga di pabukikan di Myanmar barat.
• Mon. Etnis nan baagama Buddha nan mauni kawasan selatan dakek pabatehan Thailand.
• Kachin. Kabanyakan baagamo Kristen. Mareka juo tasebar di Cino jo India.
• Chin. Kabanyakan baagamo Kristen, mauni dakek pabatehan India.
• Rohingya. Etnis nan baagamo Islam nan tingga di utara Rakhine, banyak nan alah mangungsi ka Bangladesh atau Thailand.

Caliak pulo

• Daftar nagara di dunia
• Aung San Suu Kyi

Pautan lua

•  Caliak panduan wisata Myanmar di Wikivoyage

• (Inggirih) Situs resmi
• (Inggirih) Situs resmi pariwisata
• (Inggirih) Democratic Voice of Burma
• (Inggirih) Irrawaddy, situs media alternatif
• (Inggirih) Online Burma Library
• (Inggirih) Myanmar Travelnet - Myanmar´s Online Guide and Forum for Independent Travellers Archived 2014-05-17 di Wayback Machine.