Musajik Rayo Medan
Musajik Rayo Medan atau Musajik Al Mashun (bahaso Arab: مسجد المصون) marupoan musajik nan talatak di Medan, Indonesia. Musajik iko dibangun pado taun 1906 dan salasai pado taun 1909. Mode arsitekturnyo khas Timur Tangah, India dan Spanyol. Musajik iko babantuak sagi lapan[1] dan mampunyoi sayok di bagian selatan, timur, utara, jo barat.[2] Musajik Rayo Medan iko marupoan saksi sijarah kamakmuran paradaban Malayu dari Kasultanan Deli di Kota Medan.[1][2][3]
| Musajik Rayo Medan Musajik Al Mashun مسجد المصون | |
Musajik Rayo Medan | |
| Latak | Medan, Sumatra Utara, Indonesia |
| Afiliasi agamo | Islam |
| Deskripsi arsitektur | |
|---|---|
| Jinih arsitektur | Masjid |
| Gaya arsitektur | Kesultanan Deli |
| Pambukoan tanah | 1906 |
| Tahun salasai | 1909 |
| Spesifikasi | |
Sijarah pambangunan
suntiangSultan Ma’mun Al Rasyid Perkasa Alam sabagai pamimpin Kesultanan Deli mamulai pambangunan Musajik Rayo Al Mashun pado tangga 21 Agustus 1906 (1 Rajab 1324 H).[1][2] Kasadoalahnyo pambangunan salasai pado tangga 10 September 1909 (25 Sya‘ban 1327 H) sakalian digunoan nan ditandoi jo palaksanaan sholat Jum’at partamo di musajik iko.[1][2] Kasaluruahan pambangunannyo maabiskan dana sabanyak sajuta gulden.[3] Sultan memang sangajo mambangun musajik karajaan iko sabana megahnyo, karano manuruiknyo musajik labiah utamo babandiang istananyo surang, yaitu Istano Maimun.[2][3] Pandanaan pambangunan musajik iko salain ditangguang dek Sultan surang, konon kabanyo Tjong A Fie saudaga Tionghoa Medan turuik sato juo mambiayoi pambangunan musajik iko.[2][4][5]
Kini ko, salain sabagai tampek ibadah, Musajik Rayo Medan adolah obyek wisata nan tanamo juo bagi para wisatawan, baiak dari dalam maupun dari lua nagari.[3]
Bantuak bangunan
suntiang
Pado awanyo Musajik Rayo Al Mashun dirancang dek arsitek Balando Theodoor van Erp nan juo marancang Istano Maimun, namun kamudian prosesnyo dikarajoan dek arsitek J.A. Tingdeman.[1][3][5] Van Erp katiko tu dipanggia ka pulau Jawa dek pamarentah Hindia Balando untuak bagabuang dalam proses restorasi Candi Borobudur di Jawa Tangah.[1][5] Sabagian bahan bangunan diimpor antaro lain: marmer untuak dekoras dari Italia, Jerman, kaco patri dari Cino, jo lampu gantuang langsuang dari Parancih.[1][3][5]
Tingdeman mambangun musajik iko babantuak simetris sagi lapan, dalam corak bangunan campuran Maroko, Eropa, Melayu dan Timur Tangah.[1][5] Denah nan segi lapan iko manghasilkan ruang bagian dalam nan unik, indak sarupo musajik-musajik nan alah ado.[2] Ampek panjuru musajik masiang-masiang diagiah barando jo atok tinggi bakubah warno itam, malangkoki kubah utamo di atok bangunan utamo musajik.[1][5] Masiang-masiang barando dilangkoki jo pintu utamo sarato janjang pangubuang antaro palataran jo lantai utamo musajik nan ditinggian, kacuali bangunan barando di sisi mihrab.[2][5]
Bangunan musajiknyo tabagi manjadi ruang utamo, tampek wudhu, gerbang masuak, jo manara.[2][5] Ruang utamo tampek sholat babantuak sagi lapan indak samo sisi.[2] Pado sisi bahadokan labiah ketek, tadapek ‘barando’ sarambi ketek nan menempel jo manjorok kalua.[2][5] Jandela-jandela nan mangaliliangi pintu barando tabuek dari kayu jo kaco-kaco patri nan sangaik baharago, siso paninggalan art nouveau periode 1890-1914, nan dipadu jo kesenian Islam.[2][5] Kasado pernak-pernik di dalam musajik, baiak nan di dindiang, plafon, tiang-tiang, jo pamukoan langkuangan kayo jo iasan bungo sarato tumbuah-tumbuahan.[2][5] Di muko masiang-masiang barando tadapek janjang.[2][5] Pado bagian lua ruangan sagi lapan tu tadapek ampek gang pado kaampek sisinyo, nan mangaliliangi ruang sholat utamo.[2][5]
Gang-gang iko punyo deretan jandela-jandela indak badaun nan babantuak langkuangan-langkuangan nan tagak di ateh balok.[2][5] Desain barando maupun jandela-jandela langkuang tu mangingekan pado desain bangunan karajaan-karajaan Islam di Spanyol pado Abaik Patangahan.[2][5] Kubah musajik maikuik mode Turki, dek bantuaknyo nan patah-patah basagi lapan.[2][5] Kubah utamo dikaliliangi ampek kubah lain di ateh masiang-masiang barando, nan ukurannyo labiah ketek.[2][5] Bantuak kubahnyo ampia samo jo Musajik Rayo Banda Aceh.[2][5] Di bagian dalam musajik, tadapek lapan pilar utamo badiameter 0,60 m, nan manjulang tinggi untuak manopang kubah utamo pado bagian tangah.[2][5] Mihrab tabuek dari marmer jo baratok kubah runciang.[2][5] Gerbang musajik iko babantuak bujua sangka baratok data. Manara musajik baias desain paduan antaro Mesir, Iran, jo Arab.[2][5]
Transportasi
suntiangAmpia sadonyo kendaraan umum nan manuju Terminal Amplas malalui musajik iko.[5] Salain itu dapek pula manggunoan betor (becak motor) atau taksi.[5]
Caliak pulo
suntiangRujuakan
suntiang- ↑ a b c d e f g h i Times, I. D. N.; Hasib. "8 Hal Menarik Masjid Raya Al-Mashun, Peninggalan Kesultanan Deli". IDN Times (dalam bahasa Indonesia). Diakses tanggal 2020-02-25.
- ↑ a b c d e f g h i j k l m n o p q r s t u v w Joepoet, Yunaidi (20 Juli 2012). "History of Medan and Al - Ma'shun Mosque : Menilik masa lalu Kota Medan dari balik jendela Mesjid Al- Ma'shun". ranselkosong.com. Diarsipkan dari versi asli tanggal 2017-03-23. Diakses tanggal 2020-02-25.
- ↑ a b c d e f Zein, Abdul Baqir (1999) (dalam bahaso id). Masjid-masjid bersejarah di Indonesia. Gema Insani. ISBN 978-979-561-567-5. https://books.google.co.id/books?id=-NnF9Ryal0IC&pg=PA25&dq=masjid+raya+medan+sejuta+gulden&hl=id&sa=X&ved=0ahUKEwi-3JHe1vPnAhVVAXIKHTV_AmkQuwUILjAA#v=onepage&q&f=false.
- ↑ Setiono, Benny G. (2008) (dalam bahaso id). Tionghoa Dalam Pusaran Politik. TransMedia. ISBN 978-979-799-052-7. https://books.google.co.id/books?id=CH0p3zHladEC&pg=PA289&dq=tjong+a+fie+masjid+raya+medan&hl=id&sa=X&ved=0ahUKEwj0mYbu1PPnAhVRjuYKHRQWAUgQuwUIPzAC#v=onepage&q=tjong%20a%20fie%20masjid%20raya%20medan&f=false.
- ↑ a b c d e f g h i j k l m n o p q r s t u v w Pilliangnasi, Hiqmad Muharman (2013-10-06) (dalam bahaso id). Backpacking: Medan-Brastagi-Toba. Elex Media Komputindo. ISBN 978-602-02-1323-1. https://books.google.co.id/books?id=9NtMDwAAQBAJ&pg=PA68&dq=J.A.+Tingdeman&hl=id&sa=X&ved=0ahUKEwjvi4C32fPnAhWRaCsKHYaEBo0QuwUINjAB#v=onepage&q=J.A.%20Tingdeman&f=false.
Bacoan lanjutan
suntiang- Tjokrosaputro, Teddy (2011). 100 Masjid Terindah Indonesia. Jakarta: PT Andalan Media. ISBN 978-602-99731-0-5.