Istano Maimun
Istano Maimun (Malayu: Istana Maimun, Istana Maimoon) adolah istano paninggalan Kasultanan Deli di Kota Medan, Sumatera Utara.[2][3] Istano iko marupoan salah satu tujuan pariwisata tanamo untuak wisatawan lokal maupun asiang.[3] Istano iko lataknyo di kampuang Sungai Mati, kacamatan Aur, kalurahan Medan Maimun, Medan.[3]
| Istano Maimun | |
 | |
| Informasi bangunan | |
|---|---|
| Lokasi | Aur, Medan Maimun, Medan |
| Nagara |  Indonesia
|
| Koordinat | 3°34′31″N 98°41′02″E / 3.575277°N 98.683947°EKoordinat: 3°34′31″N 98°41′02″E / 3.575277°N 98.683947°E |
| Arsitek | Theodoor van Erp[1] |
| Klien | Sultan Mahmud Al Rasyid |
| Awa konstruksi | 26 Agustus 1888 |
| Panyalasaian | 18 Mai 1891 |
| Jinih | Malayu, Mughal, Balando |
| Ukuran | 2.772 m2 |
Rancangan istano manunjuakan pangaruah desain tradisional Malayu jo India Muslim, sadangkan arsitekturnyo adolah perpaduan antaro arsitektur lokal, Eropa, jo Persia.[4][5] Pambangunannyo dikarajoan salamo labiah kurang tigo taun (1888-1891).[2][3][4] Laweh area istano iko sacaro kasaluruahnyo mancapai 4,5 hektare.[4]
Istano iko ditatapan sabagai Cagar Budaya badasa SK Menteri Kebudayaan dan Pariwisata No.: PM.01/PW.007/MKP/2010.[6][7]
Sijarah
suntiangIstano Sultan Deli pado mulonyo barado di Labuhan.[8] Kudian parusaoan Deli Maatschappij mambukak pakabunan di Deli, nan barasia mamparoleh banyak kauntuangan.[8] Iko mambuek balomba-lomba juo datang parusaoan mambukak pakabunan di sinan, inggo pado pagantian abaik alah 139 parusaoan Eropa mambukak pakabunan, nan kantuanyo sabagian gadang ado di Medan.[8] Kota Medan jadi maju bana, inggo Sultan Deli mamindahan ibukotanyo dari Labuan ka Medan.[8]
Istano Maimun mulai dibangun pado maso pamarentahan Sultan Ma'mun Al Rasyid Perkasa Alamsyah, sajak 26 Agustus 1888 inggo salasainyo pado 18 Mai 1891.[2][3] Istano iko dirancang dek Theodoor van Erp, surang arsitek Balando nan maso tu bakarajo juo sabagai kapten KNIL.[4][5]
Istano Maimun barasia salamaik dari kaancuran samaso revolusi sosial Sumatra Timur taun 1946, dek karano dijago ketat jo tantara Inggirih.[9] Sadangkan Istano Puri (kadiaman lain Sultan Deli), istano Sultan Langkat di Tanjung Pura, jo istano Sultan Serdang di Perbaungan ancua rato jo tanah.[9]
Walaupun istano iko kini alah rasmi ditatapan sabagai Cagar Budaya jo bafungsi sabagai museum,[6] namun masih ado sabagian dunsanak kasultanan nan tingga di sayok suok istano iko.[5]
Arsitektur
suntiang
Bangunan istano ko tadiri dari tigo bagian, yaitu balairuang seri utama, sayok suok, jo sayok kida.[4] Laweh bangunan istano mancapai 2.772 m2, sarato tinggi bangunannyo mancapai 14,14 m.[5] Balairuang nan marupoan bangunan induak lawehnyo mancapai 412 m2, di mano tadapek singgasano karajaan, nan daulu marupoan tampek panobatan rajo atau parayoan ari-ari rayo Islam.[5] Labiah kurang tadapek 30 ruangan pado istano iko.[10]
Pangaruah Eropa taliek jaleh pada desain balairuang, jendela, jo pintu sarato adonyo prasasti bahasa Balando di kaki tangga istano.[4] Lampu-lampu gantuang nan ado barasa dari Parancih, sadang paraboiknyo dari Inggirih jo Balando.[4]
Pangaruah Islam Persia tampak dek atok bangunan nan malangkuang sarupo bangunan di Timur Tangah.[4] Teras lantai duo bawarno kuniang,[5] tanggo kayu, jo iasan atok bamotip pucuak rabuang manampilan ciri Malayu.[4] Kayu-kayu nan bapakai ampia saluruahnyo adolah kayu damar lauik, jinih kayu nan banyak tadapek di Sumatra.[4]
Koleksi
suntiangKoleksi paninggalan sijarah jo budaya nan dapek ditamui di istano ko, antaro lain:[5][10]
- Singgahsana rajo
- Lampu-lampu kristal
- Poto-poto kaluargo sultan jo permaisuri
- Paraboik rumah tanggo Balando kuno
- Babagai jinih sanjato
- Meriam puntung
Meriam puntung
suntiangDi alaman muko Istano Maimun, ado bangunan panyimpanan ciek mariam nan alah buntuang (dek urang satampek disabuik meriam puntung).[11] Manuruik legenda populer, mariam tu asanyo adolah Mambang Khayali, yaitu adiak Putri Ijau dari Karajaan Aru (Deli Tua) nan manulak pinangan dek Rajo Aceh.[11][12] Di bawah pimpinan Panglimo Gocah Pahlawan, Aceh kudian manyarang Aru, inggo Mambang Khayali barubah bantuak jadi mariam untuak manembak pasukan Aceh.[11][12] Dek taruih-manaruik manembak, mariam jadi talalu paneh jo akianyo maledak tabalah duo, sapotong tatingga di Istano Maimun, sapotong lai tapalantiang jauah inggo ka kampuang Sukanalu di Tanah Karo.[11][12] Kasultanan Aceh lah barasia juo mangalahan Aru, tapi Putri Ijau dilarian dek abangnyo Mambang Yasid, nan barubah manjadi ula gadang, malalui Sungai Deli masuak ka Salek Malaka inggo akianyo dipicayo tingga di dasa lauik dakek Pulau Berhala.[11][12]
Caliak pulo
suntiang| Wikimedia Commons mampunyoi media nan bahubuangan jo Istano Maimun |
Rujuakan
suntiang- ↑ I Made, Asdhiana; Aufrida Wismi, Warastri (18 Mei 2013). "Istana Maimoon, Warisan yang Tetap Bertahan". kompas.com. Diakses tanggal 2 Februari 2019.
- ↑ a b c Anom, I. G. N.; Sugiyanti, Sri; Hasibuan, Hadniwati (1996-01-01) (dalam bahaso id). Hasil Pemugaran dan Temuan Benda Cagar Budaya PJP I. Direktorat Jenderal Kebudayaan. https://books.google.co.id/books?id=BjXkCgAAQBAJ&pg=PA35&dq=sejarah+istana+maimun&hl=id&sa=X&ved=0ahUKEwjU1YPe0brnAhVDXSsKHSMdBgwQuwUIODAB#v=onepage&q=sejarah%20istana%20maimun&f=false.
- ↑ a b c d e "Mengenal Lebih Dekat Istana Maimun, Ikon Kota Medan yang Jadi Tujuan Wisatawan". Tribun Medan (dalam bahasa Indonesia). Diakses tanggal 2020-02-05.
- ↑ a b c d e f g h i j Usmani, Ahmad Rofi' (2016-03-17) (dalam bahaso de). Jejak-Jejak Islam: Kamus Sejarah dan Peradaban Islam dari Masa ke Masa. Bentang Bunyan. ISBN 978-602-7888-79-1. https://books.google.co.id/books?id=7K3ACwAAQBAJ&pg=PA223&dq=istana+maimun+theodoor+van+erp&hl=id&sa=X&ved=0ahUKEwjHruCyzsbnAhUW73MBHevCAQUQuwUINjAB#v=onepage&q=istana%20maimun%20theodoor%20van%20erp&f=false.
- ↑ a b c d e f g Tanjung, Anita Chairul (2018-11-12) (dalam bahaso id). Pesona Indonesia. Gramedia Pustaka Utama. ISBN 978-602-06-1916-3. https://books.google.co.id/books?id=Xup8DwAAQBAJ&pg=PA196&dq=istana+maimun+theodoor+van+erp&hl=id&sa=X&ved=0ahUKEwjHruCyzsbnAhUW73MBHevCAQUQuwUIPjAC#v=onepage&q=istana%20maimun%20theodoor%20van%20erp&f=false.
- ↑ a b "Sistem Registrasi Nasional Cagar Budaya". webcache.googleusercontent.com. Diakses tanggal 2020-02-05.
- ↑ "JDIH - Kementerian Pariwisata RI". jdih.kemenpar.go.id. Diakses tanggal 2020-02-12.[pranala nonaktif permanen]
- ↑ a b c d Aulia, Emil W. (2006) (dalam bahaso id). Berjuta-juta dari Deli: satoe hikajat koeli contract. Gramedia Pustaka Utama. ISBN 978-979-22-2083-4. https://books.google.co.id/books?id=_4hccZ5x1rkC&pg=PA124&dq=pembangunan+istana+maimun&hl=id&sa=X&ved=0ahUKEwjBrd7Q2sbnAhVX63MBHXe0CEsQuwUINTAB#v=onepage&q=pembangunan%20istana%20maimun&f=false.
- ↑ a b Media, Kompas Cyber. "Istana Maimoon, Warisan yang Tetap Bertahan". KOMPAS.com (dalam bahasa Indonesia). Diakses tanggal 2020-02-10.
- ↑ a b Pilliangnasi, Hiqmad Muharman (2013-10-06) (dalam bahaso id). Backpacking: Medan-Brastagi-Toba. Elex Media Komputindo. ISBN 978-602-02-1323-1. https://books.google.co.id/books?id=9NtMDwAAQBAJ&pg=PA88&dq=koleksi+istana+maimun&hl=id&sa=X&ved=0ahUKEwjjz4KErcvnAhU-xDgGHdB1DOUQuwUINjAB#v=onepage&q=koleksi%20istana%20maimun&f=false.
- ↑ a b c d e dkk, Yoana Dianika, Redy Kuswanto, Ruwi Meita (2017-04-01) (dalam bahaso id). Indonesia Bercerita: Kisah-Kisah Rakyat yang Terlupakan. Pustaka Alvabet. ISBN 978-602-6577-08-5. https://books.google.co.id/books?id=ZcAjDwAAQBAJ&pg=PA17&dq=meriam+puntung&hl=id&sa=X&ved=0ahUKEwjxqLzoq8nnAhW9wzgGHeULANoQuwUINzAB#v=onepage&q=meriam%20puntung&f=false.
- ↑ a b c d K, DIAN (2019-12-23) (dalam bahaso id). 365 HARI KELILING NUSANTARA. Bhuana Ilmu Populer. ISBN 978-623-216-713-1. https://books.google.co.id/books?id=FCvGDwAAQBAJ&pg=PA24&dq=meriam+puntung&hl=id&sa=X&ved=0ahUKEwjxqLzoq8nnAhW9wzgGHeULANoQuwUIVzAF#v=onepage&q=meriam%20puntung&f=false.