Mazhab Hanbali

Madzhab Hanbali (Arab: مذهب الحنبلي) atau Hanabilah (Arab: الحنابلة) adolah salah satu madzhab fiqh utamo dalam firqah Islam Ahlussunnah wal Jama'ah. Pokok-pokoknyo mangikuik Imam Ahmad bin Hanbal nan marupoan murid Imam Asy-Syafi'i. Dalam hiduiknyo, Imam Ahmad bin Hanbal manulih kitab Al-Musnad, dialu-alukan kitab hadits nan paling gadang kini. Baliau dipaso jo firqah ahli kalam pamarintah, Mu'tazilah, supayo mangakui Al-Qur'an adolah makhluk, bukan sifat kalam Allah. Baliau pun mamiliah disikso salamo tigo pariode khalifah karano pahaman tu manyalahi aqidah Ahlussunnah Salafiyyah. Dek tulah Imam Ahmad bin Hanbal bajuluak jo "Imam Ahlussunnah" dan urang-urang Hanabilah tanamo jo salafi Ahlulhadits. Biasonyo urang-urang Hanabilah skeptis ka ahli kalam.

Sijarah

Sijarah madzhab Hanbali ado 4 fase

1. Maso panyusunan. Pado maso iko murid-murid Imam Ahmad baraja ka baliau. Baliau indak mangizinkan fatwa-fatwa baliau dicatat dek baliau maraso nan layak ditulih cumo hadits-hadits Rasulullah sajo. Dek karano itu lah baliau indak ado manulih kitab fiqh. Baliau ado manarik sado alah fatwa nan dikaluaan di Khurasan satalah mandanga ado nan manggunoan fatwa tu. Murid-murid baliau nan utamo adolah Abdullah bin Ahmad bin Hanbal, Shalih bin Ahmad bin Hanbal, Hanbal bin Ishaq, Abu Bakr al-Marudzi, Ibrahim al-Harbi, Abu Thalib, jo al-Maimuni.
2. Maso panukilan fatwa. Fatwa-fatwa Imam Ahmad nan alah di dikumupuaan jo Abu Bakr al-Khallal. Baliau pai ka sarato nagari untuak manamui murid-murid Imam Ahmad.
3. Maso panilaian.
4. Maso kini.

Usul Madzhab

Diantaro pokok-pokok madzhabnyo dalam manantuan hukum:

1. Nash (Al-Qur'an dan Sunnah)
2. Ijma'. Ahmad bin Hanbal|Imam Ahmad]] ado manolak sajumlah ijma' nan dinilai indak sah dek maso tu ulama alah manyeba ka sarato nagari.
3. Fatwa sahabaik nan tungga dalam hukum kasus tu.
4. Hadits dha'if ringan salamo indak batantangan jo Nash dan ijma'. Ibnu Taimiyyah basalisiah jo ulama Hanabilah tantang hadis dha'if nan digunoan. Baliau bapandapek, dha'if makasuiknyo adolah hadits hasan nan lamah rantai pariwayatan sajo, isi kanduangannyo buliah dipakuek jo hadits lain.
5. Qiyas.
6. Istihsan
7. Istihsab
8. Sad al-Dzarai'. Bando dunio nan banyak mudharat buliah langsuang diharamkan.