Gobah

Gobah atau Kubah marupoan salah satu unsua arsitektur nan acok dipagunoan. Gobah babantuak saparuah bola, atau sarupo karucuik nan pamukoannyo malangkuang kalua. Tadapek juo bantuak 'gobah piriang' (karano puncaknyo randah jo dasanyo nan gadang) sarato 'gobah bawang' (karano hampia sarupo jo bantuak bawang).

Pucuak gobah pado musajik khas Jawa

Biasonyo gobah ka dilatakan di tampek nan paliang tinggi dari bangunan (sabagai atok). Gobah dilatakan di ateh rangka bangunan petak manggunoan kaki gobah (pendentive).

Gobah dapek dianggok bantuak gerbang nan diputaaan pado rangka panopangnyo. Iko bamakna Gobah punyo kakuatan struktur nan gadang. Sama bantuak jambatan gerbang tatakan, Gobah dapek dibuek dari batu bata jo beton sajo, bagantuang ka dayo takanan jo geseran. Namun, gobah modern biasonyo dibuek manggunoan aloi aluminium, keluli atau konkrit nan dipakuek sabagai rangko nan dipadekan jo kapiangan alumunium, timbago, polikarbonat ataupun camin sasuai nan dibutuahan.

Jiko diliek dari dalam, gobah nan babantuak hemisfer labiah rancak di mato, tapi paralu labiah tinggi untuak nampak rancak dari lua. Jadi sabagian gobah, contohnyo gareja St. Peter dibangun dari duo gobah sadangkan gareja St Paul dibangun dari tigo gobah.

Banyak musajik di dunia kini ko mampunyoi gobah, tamasuak di Indonesia. Tradisi ko barasa dari daerah Anatolia.

Babarapo stadion batutuik hari ko punyo gobah pulo, tarutamo di nagara nan punyo iklim ampek musim. Stadion partamo sarupo iko iolah "Astrodome" di Houston, Texas, AS. Contoh tanamo nan lain iolah "SkyDome" di Toronto, Ontario, Kanada, stadion gobah partamo nan atoknyo dapek dibukak.

Gobah logam nan cukuik acok diproduksi di Indonesia.

Sijarah

Gobah awa

Mulonyo, gobah marupoan atok pondok primitif, nan tabuek dari dahan kayu sabagai rangko sarato dipadekan jo selut sarato lumpua. Ataupun manggunoan batu sabagai panopangnyo. Contoh gobah sarupo iko dapek dicaliak di dalam kubua Mikene di Yunani jo dalam arsitektur Sisilia di Italia. Gobah-gobah tu hanyo digunoan untuak bangunan-bangunan nan ketek.

Abad Pertengahan jo Renaissance

Pado Abaik Patangahan samaso pamarintahan karajaan Romawi, panopang gobah alah dibuek untuak mamungkinan struktur gobah nan bulek dilatakan di ateh bangunan babantuak sagi ampek. Iko manjadian panggunoan gobah samakin malueh.

Kudian pado zaman Renaissance, urang-urang Eropa alah manampilan ide tanglung di puncak gobah, sarato malatakan gobah di ateh suatu struktur nan bulek (bantuak silinder) supayo nampak labiah tinggi.

Zaman modern

Sadangkan pado zaman modern, bantuak gobah geodesi alah ditanamokan. Gobah iko babantuak hemisfer, manggunoan kekisi sabagai rangka, manjadikannyo labiah ringan. Pakembangan teknologi mamungkinan pulo panggunoan camin jo plastik sabagai padatan.

Gobah tanamo

Daftar Gobah tanamo manuruik taun siapnyo:

• 27 SM - Pantheon, Roma, Italia.
• 537 - Hagia Sophia, Konstantinopel, Turki.
• 691 - Kubah Batu, Yerusalem.
• 1436 - Santa Maria del Fiore, Florence, Italia.
• 1502 - Tempietto, Roma, Italia.
• 1593 - Basilika Santo Petrus, Roma, Italia.
• 1616 - Musajik Biru, Istanbul, Turki.
• 1653 - Taj Mahal, Agra, India.
• 1708 - Les Invalides, Paris, Prancis.
• 1708 - Gareja St Paul, London, Inggris.
• 1749 - Radcliffe Camera, Oxford, Inggris.
• 1850 - Capitol Amerika Serikat, Washington DC, AS.
• 2000 - Millennium Dome, London, Inggris.

Caliak pulo

• Gobah geodesi
• Cupola