Tugu Jong Sumatranen Bond
Tugu Jong Sumatranen Bond adolah tugu nan didirian untuak manganang pergerakan para urang mudo Sumatera maso pajuangan dulu. Tugu bantuak bulek ko didirian di ateh tampek nan mamuek prasasti, nan marekam sajarah patamuan Jong Sumatranen Bond (JSB) partamo di Kota Padang. Pado Juli 1919 urang-urang mudo ko bagabuang jo JSB, diantaronyo Bahder Johan ( Menteri Pendidikan Era Kabinet Natsir), AK Gani (Wakia Perdana Menteri Kabinet Amir Sjarifuddin), budayawan M. Yamin jo Sultan Takdir Alisjahbana (STA), sarato Wakia Presiden Indonesia partamo, Moh. Hatta bakumpua di Jalan Gereja, Koto Padang, tapeknyo di sabalah selatan Hotel Grand Inna Muara.
Pambangunan suntiang
Palatakkan batu partamo dilakuan pado 6 Juli 1919 dek Mevrouw M.J.J. Ahrends Overgauw bini Mr. Ahrend nan wakatu tu adolah Asisten Residen nan marangkap juo sabagai Walikota Padang. Ancaknyo adolah bahan semen nan digunoan, barasa dari NV.Nederlansche Indische Portland (NIPCM) atau kini dinamokan PT Semen Padang[1]. Bangunan tugu pado bagian badannyo punyo panjang 1,5 m lebar 1,5 m jo tinggi 3 m. Bantuak sagi tigo tugu malambangkan tigo bagian: tradisional urang Minangkabau, iyolah ninik mamak (pemangku adaik), alim ulama (pemuka agamo), cadiak pandai (kaum intelektual)[2]. Adopun bantuak bulek dibagian puncak tugu ko melambangkan persatuan Sumatera nan diidamkan. Latak inskripsi pado masiang-masiang tugu alah mangalami parubahan. Tugu sagi ampek di satiok sisinyo batuliskan :
- Peringatan Rapat Besar Kesatoe J.S.B (Jong Sumatranen Bond) Perkoempoelan Pemoeda Soematra Dalam Rapat Besar di Kota Djakarta
- Tersiarnja Pergerakan Anak Sumatera
- Angko 1910
- Kekallah Agama Islam
Acuan suntiang
- ↑ S, Riki. "Tugu Jong Sumatranen Bond, Saksi Sejarah Gerakan Pemuda di Sumatera (Bag 1)". Diarsipkan dari versi asli tanggal 2018-06-30. Diakses tanggal 2018-08-12.
- ↑ "archive copy". Diarsipkan dari versi asli tanggal 2018-08-12. Diakses tanggal 2018-08-12.