Jalan tol Padang–Pekanbaru

Jalan Tol Padang–Pekanbaru
Informasi rute
	Dikelola oleh PT Hutama Karya (Persero)
Panjang:	254.8 km (158,3 mi)
Berdiri:	Sadang dibuek – sekarang
Persimpangan besar
Ujung selatan:	Padang
Ujung utara:	Pekanbaru
Letak
Kota besar:	Padang; Bukittinggi; Payakumbuh; Pekanbaru
Sistem jalan bebas hambatan
	AH 25
	Jalan Tol di Indonesia

Jalan tol Padang–Pekanbaru adolah jalan tol babaya nan marupokan bagian dari jajalo jalan tol Trans-Sumatera nan maghubuangkan Padang jo Pekanbaru. Saparuah ruehnyo talatak di Sumatera Barat jo lainnyo batampek di Riau malalui Lambah Anai nan marupokan susunan tabiang curam nan talatak di Padang Panjang taruih manyabarang jurang di Ngarai Sianok, Bukittinggi sarato basambuang pulo jo Kelok Sambilan di Payakumbuh. Jalan tol sapanjang 254,8 km nan mampunyoi rute Padang menuju Bukittinggi sampai ka Pekanbaru iko sadang dibangun dan proyek iko mampunyoi tunnel sapanjang 8,95 km nan ado di wilayah Payakumbuh. Tunnel nan manambuih paruik Bukik Barisan tasabuik adolah tunnel jalan tol patamo di Indonesia sarato manjadi tunnel jalan tol tapanjang. Langkah mulo-mulo nan balakukan adolan balatakkannyo batu patamo Padang–Sicincin, pitih nan diparalukan untuak mambuek tunnel bantuak itu adolah sakironyo Rp9 triliun dari jumalah Rp78,09 triliun untuak pambuekan kasadonyo, untuak tunnel sajo alah bapakaian pitih sabanyak Rp9 Triliun.

Mantari Pakarajoan Umum jo Parumahan Rakyaik (PUPR), Basuki Hadimuljono manyabuikkan bahasonyo tunnel dipakai untuak mamendekkan rute, karano kok indak mamakai tunnel, rute akan dibuek mamuta bukik sarato punyo jarak nan labiah panjang, sakironyo 11 km atau salisiah sakironyo 2 km labiah panjang babandingan wakatu mamakai tunnel.^[1] Jalan tol iko dibuek malalui 6 langkah, ado:^[2]

Bagian langkah	Rueh	Panjang
Bagian 1	Padang–Sicincin	28 km
Bagian 2	Sicincin–Bukittinggi	41 km
Bagian 3	Bukittinggi–Payakumbuh	36 km
Bagian 4	Payakumbuh–Pangkalan	43 km
Bagian 5	Pangkalan–Bangkinang	56 km
Bagian 6	Bangkinang–Pekanbaru	38 km

Rujuakan

Pautan lua

Tol Padang-Pekanbaru: 19 Titik Padang–Sicincin Tuntas

Rueh sabalunnyo:
Jalan tol Pekanbaru–Dumai (sadang dibuek)

Jajalo jalan tol Trans-Sumatra

Rueh barikuiknyo:

[1] Proyek Jalan Tol Padang–Bukittinggi–Pekanbaru Dimulai

[2] Tol Padang–Pekanbaru Terhambat Pembebasan Lahan

[1]

[2]