Kelok 9
Koordinat: 0°04′11″S 100°41′51″E / 0.069818°S 100.6974923°E
Kelok 9 atau Kelok Sambilan adolah sarueh jalan bakelok, inggo sambilan kelok,[2] nan talatak sakitar 30 km sabalah timur dari Kota Payakumbuh, Sumatra Barat manuju Provinsi Riau. Jalan iko mambantang sapanjang 300 meter di Jorong Ulu Air, Nagari Harau, Kecamatan Harau, Kabupaten Lima Puluh Kota, Sumatra Barat dan marupoan bagian dari rueh jalan pangubuang Linteh Tangah Sumatra jo Pantai Timur Sumatra. Jalan iko mampunyoi kelok nan tajam jo leba sakitar 5 meter, babatehan jo jurang, dan diapik jo duo pabukitan di antaro duo cagar alam: Cagar Alam Aia Putiah jo Cagar Alam Harau.[3]
(Jalan dan jembatan) | |
|---|---|
 | |
| Informasi rute | |
| Panjang: | 2.7 km (1,7 mi) |
| Persimpangan besar | |
| Ujung selatan: | Sumatra Barat |
| Jalan lama sepanjang 300 meter, 4 jembatan sepanjang 959 meter, dan jalan penunjang sepanjang 1.537 meter[1] | |
| Ujung utara: | Riau |
| Letak | |
| Kota besar: | Payakumbuh |
| Sistem jalan bebas hambatan | |
| AH 25 | |
Di sakitar Jalan Kelok 9 kini alah dibangun jambatan layang sapanjang 2,5 km. Jambatan iko mambantang malakuak-lakuak manyusuri duo dindiang bukik curam sarato tinggi tonggak-tonggak beton nan bavariasi mancapai 58 meter. Taretong, jambatan ko anam kali manyubrang bulak baliak bukik. Jambatan ko dirasmian dek Presiden Susilo Bambang Yudhoyono pado Oktober 2013,[4] walau alah bara kali dibukak dan manunjang aruih mudiak rayo jo panyelenggaraan Tour de Singkarak duo taun sabalunnyo.[5][6]
Sijarah
suntiang
Jalan Kelok 9 dibangun samaso pamarintahan Hindia Balando antaro taun 1908–1914.[7][8] Jalan iko maliuk malinteh Bukik Barisan nan mamanjang dari utara ka selatan Pulau Sumatra. Jikok dirantang luruih, panjang Kelok Sambilan hanyo 300 meter jo leba 5 meter dan tinggi sakitar 80 meter.[3]
Manuruik catatan Kamantarian PU, dalam sahari jalan iko dilalui labiah dari 10 ribu unit kandaraan dan pado ari perai atau parayoan ari gadang maningkek 2 sampai 3 kali lipek.[9] Tapi, sajak dibangun Kelok Sembilan ampia indak maalami palebaran nan bamakna dek taalang medan. Sairiang paningkatan volume kandaraan nan malinteh, kondisi jalan nan nan sampik jo terjal acok mambuek kamacetan. Leba jalan nan anyo 5 meter jo tikungannyo nan tajam acok manyulikan kandaraan bamuatan gadang nan malinteh dek indak talok mananjak.[7]
Pado taun 2000, lalu linteh kandaran antaro Sumatra Barat jo Riau alah mancapai antaro 9.000 sampai 11.000 kandaraan sahari jo maangkuik sakitar 15,8 juta urang dan sakitar 28,5 juta ton barang dalam satahun.[3] Satangah dari barang nan diangkuik adolah hasia tani jo taranak. Dek panyampikan jalan di Kelok Sambilan, pajalanan dari Bukittinggi manuju Pekanbaru nan samustinyo buliah ditampuah dalam wakatu 4 jam, dapek mamakan wakatu 5 inggo 6 jam.[3] Maaatasi pamasalahan ko, Kapalo Dinas Prasarana Jalan Sumatra Barat Ir. Hediyanto W. Husaini mausuakan ka pamarintah pusek untuak mambangun jambatan layang. Pambangunan jalan layang Kelok 9 mulai dikarojoan pado November 2003 salepeh dapek pasatujuan pamarintah pusek malalui Badan Perencanaan Pembangunan Nasional pado Agustus 2003.[10]
Jambatan layang
suntiang
Pambangunan jambatan layang Kelok 9 mulai dikarajoan pado 2003. Pangarajoannyo ditangani dalam duo tahapan pambangunan. Panjang kasadoalahan jambatan jo jalan nan dibangun adolah 2.537 meter, tadiri dari anam jambatan jo panjang 959 meter dan jalan pangubuang sapanjang 1.537 meter.[1][11]
Jambatan layang Kelok 9 tadiri dari anam jembatan dan mamiliki rueh jalan saleba 12,5 meter. Bantang jambatan partamo mamiliki panjang 20 meter, bantang kaduo 230 meter, sarato bantang katigo 65 meter.
Bantang kaampek mamiliki panjang 462 meter. Bantang jambatan kaampek marupoan jambatan jinih palangkuang beton jo pondasi bore pile sadalam 20 meter untuak manahan barek jambatan jo gaya horizontal gampo. Bantang jambatan kalimo mamiliki panjang 31 meter jo bantang kaanam 156 meter.[12][13]
Galeri
suntiang-
Kelok 9 dicaliak dari ateh -
Sarueh jambatan layang -
Taman Kelok 9 dari ateh
Caliak pulo
suntiang- Kelok 44, jalan lainnyo nan dibuek bakelok-kelok jo 44 tikungan
Rujuakan
suntiang- ↑ a b "Jembatan Kelok Sembilan Selesai 2013" Archived 2017-06-28 di Wayback Machine.. 19 Oktober 2011. Kementerian Pekerjaan Umum Indonesia.
- ↑ Oktariadi, Oki (2016). Warisan geologi Ranah Minang : panduan menuju geopark global (edisi ke-Cetakan kedua). Bandung. ISBN 978-602-73388-0-7. OCLC 1126336771. https://www.worldcat.org/oclc/1126336771.
- ↑ a b c d Abidin, Masoed (editor). Ensiklopedi Minangkabau (2005). Padang: Pusat Pengkajian Islam dan Minangkabau. ISBN 979-3797-23-1. hlm. 229
- ↑ http://www.metrotvnews.com "Presiden Resmikan Jembatan Kelok 9 Hari Ini" Archived 2013-11-03 di Wayback Machine..
- ↑ "Jembatan Kelok 9 Ditargetkan Siap untuk Arus Mudik". 11 Juli 2013. ANTARA.
- ↑ "Kelok 9 dan Sitinjau Dua Arah". 20 Juli 2013. Padang Ekspres.
- ↑ a b Kelok 9 Archived 2013-03-17 di Wayback Machine. di situs resmi Kabupaten Lima Puluh Kota.
- ↑ "Fenomena Alam Eksotik Kelok 9 Sumatra Barat" Archived 2013-02-22 di Wayback Machine.. 7 Desember 2012. Minangkabaunews.com.
- ↑ "Kemenpu Pastikan Jembatan Kelok 9 Siap Digunakan H-7" Archived 2016-03-04 di Wayback Machine.. 24 Juli 2013.
- ↑ Hediyanto W. Husaini. "Jembatan Kelok 9 Green Infrastructure Karya Bangsa Indonesia" Archived 2019-05-17 di Wayback Machine.. 9 Mei 2012.
- ↑ "Ini Jalur Baru Mudik Lebaran di Sumatra" Archived 2014-04-10 di Wayback Machine.. 23 Juli 2013. VIVA.co.id.
- ↑ "Jembatan Kelok Sembilan Diharapkan Beroperasi Pertengahan 2013". 1 Maret 2013. VIVA.co.id.
- ↑ "Jembatan Kelok 9 Siap Digunakan Lebaran Tahun Ini". 2 Juni 2013. VIVA.co.id.
Pautan lua
suntiang- "Jembatan Kelok Sembilan Hasil Lobi di Meja Makan" Okezone.com.