Wikipedia

Iskandar Muda dari Nagari Aceh

Untuak bandar udara dengan nama yang sama, caliak Bandara Sultan Iskandar Muda.

Sultan Iskandar Muda (Aksara Jawoë : سلطان إسكندر مودا) (lahia di Bandar Aceh Darussalam, Kesultanan Aceh, 1590 atau 1593[2] – wafat di Bandar Aceh Darussalam, Kesultanan Aceh, 27 Desember 1636)[3] marupoan sultan nan paliang gadang dalam maso Kesultanan Aceh, nan bakuaso dari tahun 1607[4]

Iskandar Muda dari Aceh
Sultan Aceh Darussalam
Makam Sultan Iskandar Muda
Sultan Aceh Darussalam ke-14
Bakuaso1607 - 27 Desember 1636 (29 tahun)
PandauluSultan Ali Riayat Syah
PanaruihSultan Iskandar Tsani Alauddin Mughayat Syah
LahiaIskandar Muda
1593
Bendera Kasultanan Aceh Bandar Aceh Darussalam
Maningga27 Desember 1636 (umur 43)
Bendera Kasultanan Aceh Bandar Aceh Darussalam
Pamakaman
Makam Pahlawan Nasional Sultan Iskandar Muda, Komplek Kandang Meuh, Kelurahan Peniti, Kecamatan Baiturrahman, Kota Banda Aceh[1]
Namo langkok
Iskandar Muda Bin Mansyur Syah
Namo takhta
Sultan Iskandar Muda Johan Pahlawan Meukuta Alam Ibni Sultan Mansyur Syah
AyahSultan Mansyur Syah
MandehPutri Raja Indra Bangsa Binti Sultan Alauddin Riayat Syah
AgamoIslam Sunni

Sampai 1636.[5] Sultan Iskandar Muda masih marupoan garis katurunan laki-laki dari pandiri Kesultanan Aceh Darussalam yaitu Sultan Ali Mughayat Syah sakaliguih katurunan laki-laki tarakhir dari Dinasti Meukuta Alam nan bertakhta sabagai Sultan Aceh. Aceh mancapai kejayaannyo pado maso kepemimpinan Iskandar Muda, di mana daerah kakuasaannyo nan samakin gadang jo reputasi internasional sabagai pusat dari padogangan jo pambalajaran tantang Islam.[2] baliau juo alah malakuan sarangan terhadap Portugis, tatapi sarangan tasabuik indak barasia, maskipun baitu Aceh tatap marupoan karajaan nan merdeka. namonyo kini diabaikian untuak Universitas Iskandar Muda, Kodam Iskandar Muda jo Bandar Udara Internasional Sultan Iskandar Muda di Banda Aceh. baliau dikenal sangaik piawai dalam mambangun Karajaan Aceh Darussalam.[6][7]

Keluarga jo maso ketek

suntiang

Asa usua

suntiang

Dari pihak laluhua ibu, Iskandar Muda adolah katurunan dari Raja Darul-Kamal, jo dari pihak laluhua ayah marupoan katurunan dari keluarga Raja Makota Alam. Darul-Kamal jo Makota Alam dikecekan dahulunyo marupoan duo tampek pamukiman batatanggo (nan tapisah dek sungai) jo nan gabungannyo marupoan asa mulo Aceh Darussalam. Iskandar Muda saurang diri mawakili kaduo cabang itu, nan berhak sapanuahnyo manuntuik takhta.[5]

Ibunyo, banamo Putri Raja Indra Bangsa, nan juo dinamoi Paduka Syah Alam, adolah anak dari Sultan Alauddin Riayat Syah, Sultan Aceh ke-10; dimano sultan ko adolah putra dari Sultan Firman Syah, jo Sultan Firman Syah adolah anak atau cucu (manuruik Djajadiningrat) Sultan Inayat Syah, Raja Darul-Kamal.[5]

Putri Raja Indra Bangsa manikah jo upacara gadang-gadangan jo Sultan Mansur Syah, putra dari Sultan Abdul-Jalil, dimano Abdul-Jalil adolah putra dari Sultan Alauddin Riayat Syah al-Kahhar, Sultan Aceh ke-3.[5] Sampai jo meningganyo Sultan Iskandar Muda di tahun 1636, baliau marupoan panguaso Aceh katurunan tarakhir dari Dinasti Meukuta Alam pandiri Kesultanan Aceh nan bertahta.

Panikahan

suntiang

Sri Sultan Iskandar Muda kemudian manikah jo saurang Putri dari Kesultanan Pahang. Putri ko dikenal jo namo Putroe Phang. Konon, dek talalu cintonyo sang Sultan jo istrinyo, Sultan mamarintahan pambangunan Gunongan di tangah Mejo Khayali (Taman Putroe Phang) sabagai tanda cintonyo. Kabanyo, sang puteri acok sadiah dek mamandam rindu nan amaik sangaik ka kampuang halamannyo nan babukik-bukik. Dek itu Sultan mambangun Gunongan untuak maubekan rindu sang puteri. Hinggo saik ko Gunongan masih dapek disaksian jo dikunjungi.[8][9]

Putri Pahang dalam istana Darud Dunia indak hanyo sabagai Permaisuri, juo manjadi panasehat bagi suaminyo Sultan Iskandar Muda. Salah ciek nasihaiknyo adolah pambantukan Majelis Syura (Parlemen) nan baranggotakan 73 urang sabagai pawakilan panduduk dalam karajaan Aceh.[10]

 
Gunongan nan dibangun dek Sultan Iskandar Muda untuak Putroe Phang (Isterinyo)

Sabagai panghormatan ka Putroe Phang sabuah Hadih Maja (Kato-kato berhikmat) nan babunyi:

Adaik bak Poteu Meureuhom,

Hukum bak Syiah Kuala,

Kanun bak Putroe Phang,

Reusam bak Laksamana,

Hukom ngon adat lagee zat ngon sifuet,

Hadih Maja ko adolah ajaran tantang pambagian kakuasaan dalam karajaan Aceh Darussalam3), nan bamakno: Patamo, kakuasaan eksekutif barupo kakuasaan politik/adaik barado di tangan Sultan sabagai Kapalo Pamarintahan. Sultan Iskandar Muda manciptaan sistem ko, mako dibangsakan kanyo (Poteu Meureuhom). Kaduo, kakuasaan yudikatif atau palaksanaan hukum barado di tangan ulama. Syekh Abdurrauf Syiah Kuala marupoan saurang ahli hukum jo Kadi Malikul Adil nan paliang menonjol, mako palaksanaan yudikatif ko dibangsakan kanyo.

Katigo, kakuasaan legislatif atau pambuatan undang-undang dibangsakan ka Putroe Phang dek inyo nan maagiah nasihaik untuak mambantuak Majelis Syura (Parlemen). Kaampek, Paraturan keprotokolan atau reusam barado di tangan Laksamana sabagai Panglima Angkatan Perang Aceh dibangsakan ka Laksamana Malahayat. Kalimo, barih kelima adolah sintesis dari silogisme ampek barih sabalumnyo, yaitu: Dalam keadaan mode apopun, adaik, kanun, jo reusam indak bisa dipisahan dari hukum/ajaran Islam sabagai penuntun jalan satiok urang nan mamacik kakuasaan di Kesultanan Aceh Darussalam.[11]

Maso kakuasaan

suntiang

Maso kakuasaan Sultan Iskandar Muda nan dimuloi pado tahun 1607 sampai 1636, marupoan maso paliang gamilang bagi Kesultanan Aceh, walaupun di sisi lain kontrol ketat nan dilakuan dek Iskandar Muda, manyababan banyak pambarontakan di kkamudian hari sasudah mangkaiknyo Sultan.

Aceh marupoan negeri nan amaik kayo jo makmur pado maso kejayaannyo. Manuruik saurang panjalajah asa Prancis nan tibo pado maso kejayaan Aceh pado jaman Sultan Iskandar Muda Meukuta Perkasa Alam, kakuasaan Aceh mancapai pesisir barat Minangkabau[12]. Kakuasaan Aceh pula maliputi hinggo Perak.

Katiko Iskandar Muda mulai bakuaso pado tahun 1607, inyo capek malakuan ekspedisi angkatan laut nan manyebaban inyo mandapekan kontrol nan efektif di daerah barat laut Indonesia.[2] Kendali karajaan talaksano jo lancar di sado pelabuhan pantiang di pantai barat Sumatra jo di pantai timur, sampai ka Asahan di selatan. Palayaran penaklukannyo dilancarkan sampai jauh ka Penang, di pantai timur Semenanjung Melayu, jo pedagang asing dipaksa untuak tunduak kanyo. Karajaannyo kayo raya, jo manjadi pusaik ilmu pengetahuan.[13]

 
Masjid Raya Baiturrahman marupoan salah satu bangunan bersejarah nan di bangun dek Sultan Iskandar Muda pado maso kejayaan Kesultanan Aceh Darussalam

Kontrol di dalam nagari

suntiang

Manuruik tradisi Aceh, Iskandar Muda mambagi wilayah Aceh ka dalam wilayah administrasi nan dinamoan ulèëbalang jo mukim; ko dipatageh dek laporan saurang panjalajah Prancis banamo Beauliu, bahwo "Iskandar Muda membabaik habis hampia sado bangsawan lamo jo manciptaan bangsawan baru." Mukim1 pado awalnyo adolah himpunan babarapo desa untuak mendukuang sabuah masjid nan dipimpin dek saurang Imam (Aceh: Imeum). Ulèëbalang (Melayu: Hulubalang) pado awalnyo barangkali bawahan-utama Sultan, nan dianugerahi Sultan babarapo mukim, untuak dikelolanyo sabagai pemilik feodal. Pola ko djumpai di Aceh gadang jo di negeri-negeri taklukan Aceh nan pantiang.[13][14]

Persaingan jo Imperialis Eropa

suntiang

Kakuasaan Imperialisme Eropa nan patamo datang ka Asia Tenggara adolah Portugis, pado tahun 1511 manaklukan Malaka. Portugis kamudian manaklukan Samudera Pasai (1521) jo mampalueh pangaruahnyo di Selat Malaka. Tatapi dari Utara Sumatera muncul lawan sepajo Aceh Darussalam, konflik balangsuang ratusan tahun jo akhirnyo Sultan Aceh tagadang Iskandar Muda lahia jo pataruangan kian dahsyat. Sabagaimana dicaritoan dalam Sajarah Parang.[15]

“Dalam bulan Juli 1613, Sultan Iskandar Muda Mahkota Alam, Raja Aceh nan masyhur gagah pakasanyo itu, alah maanta suatu angkatan parang lauik nan gadang datang manyarang jo mangalahan Negeri Johor, Batu Sawar jo Kota Seberang. Bandar-bandar utamo di Negeri Johor maso tu alah diduduaki dek urang-urang Aceh. Maikuik satangah sumber, Iskandar Muda surang mangapaloan Angkatan Perang Aceh nan manyarang Negeri Johor itu. Sultan Alauddin Riayat Syah III, adinda baginda Raja Abdullah sarato Bandaharp (Perdana Menteri) Johor Tun Sri Lanang jo babarapo ramai pangiriang-pangiriang Sultan Johor alah ditawan jo dibaok ka Nagari Aceh…”

Sasudah babarapo tahun di Aceh, Sultan Alauddin Riayat Syah III bajanji indak ka manolong baliak Portugis nan alah manduduaki Malaka, mako Sultan Iskandar Muda mambebasan Sultan Alauddin jo dianta baliak sarato ditabalkan baliak sabagai Sultan Johor. Akan tatapi tanyato Sultan Alauddin Riayatsyah III tanyato bakhianaik jo bakarajo samo jo Portugis untuak mampalueh jajahan mereka di Semenanjung Melayu. Alauddin manolong Portugis untuak maangkek Raja Bujang manjadi Raja Pahang. Raja Bujang sabalumnyo adolah saurang pangeran Pahang nan alah basumpah satia ka Portugis.[16] Mako, September 1615. Sultan Iskandar Muda manyarang Johor baliak jo angkatan parang nan gadang, Sultan Alauddin ditangkok jo dibaok (baliak) ka Aceh sampai maningga. Sarangan armada Aceh Darussalam dilanjuikan ka Pahang sabagaimana nan ditulisan dek Haji Buyong Adil:

“Dek sabab urang Portugis alah menolong Sultan Johor manaikkan Raja Bujang manduduaki karajaan Negeri Pahang, pado tahun 1617 Sultan Aceh alah mangaluaan Angkatan Perang Aceh manyarang Negeri Pahang jo laskar-laskar Aceh nan datang itu alah mambinasaan daerah di Negeri Pahang. Raja Bujang melarian diri, samantaro ayah mintuonyo, Raja Ahmad, jo putranyo nan banamo Raja Mughal sarato 10.000 rakyat negeri Pahang ditawan ditahan jo dibaok ka Nagari Aceh. Saurang putri dari keluarga diraja Pahang, nan banamo Putri Kamaliah, juo turut dibaok ka Aceh, nan kamudian diperistri dek Sultan Iskandar Muda Meukuta Alam, jo Putri Pahang itu termasyur dalam sajarah Aceh dek kabijaksanaannyo jo disabuik dek urang-urang Aceh Putroe Phang…”

Hubungan jo bangso asiang

suntiang
 
Makam Sultan Iskandar Muda

Inggris

suntiang

Pado abaik ke-16, Ratu Inggris, Elizabeth I, mangirimaan utusannyo banamo Sir James Lancester ka karajaan Aceh jo mangirim surek nan ditujuan: "ka Saudara Hamba, Raja Aceh Darussalam." sarato saparangkek pahiasan nan tinggi nilainyo. Sultan Aceh waktu tu manarimo mukasuik elok = "saudarinyo" di Inggris jo maizinan Inggris untuak balabuh jo badagang di wilayah kakuasaan Aceh. Bahkan Ratu Elizabeth I juo mangirim hadiah-hadiah nan baharago tamasuk sapasang galang dari batu rubi jo surek nan ditulih di ateh karateh nan aluih jo tinta ameh. Sir James pun dianugerahi gelar "Orang Kaya Putih".[5]

Sultan Aceh pun mambaleh ureks dari Ratu Elizabeth I. Barikuik cuplikan isi surek Sultan Aceh, nan masih disimpan dek pamarintah karajaan Inggris, tatanggal tahun 1585:

I am the mighty ruler of the Regions below the wind, who holds sway over the land of Aceh and over the land of Sumatra and over all the lands tributary to Aceh, which stretch from the sunrise to the sunset.
(Ambolah sang panguaso pakaso Negeri-negeri di bawah angin, nan tahimpun di ateh tanah Aceh jo ateh tanah Sumatra jo ateh saluruah wilayah wilayah nan tunduak ka Aceh, nan tabantang dari ufuk matahari tabik hinggo matahari tabanam).

Hubungan nan mesra antaro Aceh jo Inggris dilanjuikan pado maso Raja James I dari Inggris jo Skotlandia. Raja James mangirim sabuah meriam sabagai hadiah untuak Sultan Aceh. Meriam tasabuik hinggo kini masih tarawaik jo dikena jo namo Meriam Raja James.[17]

Belanda

suntiang

Salain karajaan Inggris, Pangeran Maurits – pandiri dinasti Oranje– juo alah mangirim surek jo mukasuik mamintak bantuan Kesultanan Aceh Darussalam. Sultan manyambuik mukasuik elok mereka jo mangiriman rombongan utusannyo ka Belanda. Rombongan tasabuik dipimpin dek Tuanku Abdul Hamid.[18]

Rombongan ikolah nan dikana sabagai urang Indonesia patamo nan singgah di Belanda. Dalam kunjungannyo Tuanku Abdul Hamid sakit jo akhirnyo maningga dunia. Inyo dimakamkan sacara gadang-gadangan di Belanda jo dihadiri dek para pembesar-pembesar Belanda. Namun dek urang Belanda alun pernah memakamkan urang Islam, mako inyo dimakamkan jo caro agama Nasrani di pakarangan sabuah gereja. Kini di makam inyo tadapek sabuah prasasti nan diresmian dek Mendiang nan Mulia Pangeran Bernhard suami mendiang Ratu Juliana jo Ayah nan Mulia Ratu Beatrix.

Utsmaniyah Turki

suntiang

Pado maso Iskandar Muda, karajaan Aceh mangirim utusannyo untuak maadok Sultan Utsmaniyah nan bakaduduakan di Konstantinopel. Dek saat itu Sultan Utsmaniyah sadang gering mako utusan karajaan Aceh terluntang-lantung damikian lamonyo sahinggo mereka harus manjua saketek demi saketek hadiah pasambahan untuak kelangsungan iduiknyo . Lalu pado akhirnyo ketika mereka diterima dek sang Sultan, persembahan mereka hanyo tinggal Lada Sicupak atau Lada sekarung. Namun sang Sultan manyambuik elok baik iu jo mangirimkan sabuah meriam jo babarapo urang nan cakap dalam ilmu parang untuak manolong karajaan Aceh. Meriam tasabuik pula masih ado hinggo kini dikana jo namo Meriam Lada Sicupak. Pado maso selanjutnyo Sultan Ottoman mangirimkan sabuah bintang jasa ka Sultan Aceh.[19]

Prancis

suntiang

Karajaan Aceh juo manarimo kunjungan utusan karajaan Prancis. Utusan Raja Prancis tasabuik semulo bamaksuik meaghadiahkan sabuah cermin nan sangaik baharago bagi Sultan Aceh. Namun dalam pajalanan cermin tasabuik pecah. Akhirnyo mereka mampasambahan serpihan cermin tasabuik sabagai hadiah bagi sang Sultan. Dalam bukunyo, Denys Lombard mangecekan bahwa Sultan Iskandar Muda amaik menggemari benda-benda baharago.[5]

Pado maso itu, karajaan Aceh marupoan satu-satunyo karajaan Melayu nan mampunyoi Balee Ceureumeen atau Aula Kaca di dalam Istananyo. Manuruik Utusan Prancis tasabuik, Istana Kesultanan Aceh luasnyo ndak kurang dari duo kilometer. Istana tasabuik banamo Istana Dalam Darud Donyo (kini Meuligoe Aceh, kediaman Gubernur). Di dalamnyo maliputi Mejo Khayali jo Mejo Khaerani nan mampu manampuang 300 ikua pasukan gajah. Sultan Iskandar Muda juo mamarintahan untuak manggali sabuah kanal nan mangaliri aia barasiah dari sumber mato aia di Mata Ie hinggo ka aliran Sungai Krueng Aceh di mano kanal tasabuik malintasi istananyo, sungai ko hinggo kini masih dapek diliek, mangalia tenang di sakita Meuligoe. Di sanalah sultan acok kali baranang sambia mannjamu tetamu-tetamunyo.

Panghormatan

suntiang

Salamo 30 tahun maso pamarintahannyo (1606 - 1636 SM) Sultan Iskandar Muda alah mambaok karajaan Aceh Darussalam dalam kejayaan. Saaik tu, karajaan ko alah manjadi karajaan Islam kalimo tergadang di dunia sasudah karajaan Islam Maroko, Isfahan, Persia jo Agra. Saluruah wilayah samanjuang Melayu alah disatukan di bawah karajaannyo jo sacaro ekonomi karajaan Aceh Darussalam alah mampunyoi hubungan diplomasi padagangan nan elok sacaro internasional.

Rakyat Aceh pun mangalami kamakmuran jo pangaturan nan mancakup saluruah aspek kahidupan, nan dibuek dek Iskandar Muda.Pado tanggal 14 September 1993, pamarintah Republik Indonesia menganugerahkan gelar Pahlawan Nasional ka Sultan Iskandar Muda atas jasa jo kejayaannyo mambangun dasar-dasar pantiang hubungan ketatanegaraan jo ateh keagungan baliau.[20]

Bahkan babarapo tampek manggunoan namo Sultan Iskandar Muda, antara lain ;

Rujuakan

suntiang
  1. ↑ https://kebudayaan.kemdikbud.go.id/bpcbaceh/makam-sultan-iskandar-di-kelurahan-peuniti-kecamatan-baiturrahman-kota-banda-aceh/
  2. ↑ a b c (Inggirih)Encyclopedia Britannica Online, diakses tanggal 26 Oktober 2024
  3. ↑ "Sultan Iskandar Muda Wafat 387 Tahun Lalu, Pemimpin Aceh Dikenang Sepanjang Masa - Acehkini.ID" (dalam bahasa Indonesia). 2023-12-27. Diakses tanggal 2024-10-26. 
  4. ↑ "Mengenang Sultan Iskandar Muda setelah Ratusan Tahun Kepergian - Acehkini.ID" (dalam bahasa Indonesia). 2023-12-27. Diakses tanggal 2024-10-26. 
  5. ↑ a b c d e f LOMBARD, Denys. Kerajaan Aceh: Zaman Sultan Iskandar Muda (1607-1636). Jakarta: Kepustakan Populer Gramedia, 2006. ISBN 979-9100-49-6
  6. ↑ Gischa, Serafica. Gischa, Serafica, ed. "Biografi Sultan Iskandar Muda dan Perjuangannya". Kompas.com (dalam bahasa Indonesia). Diakses tanggal 2024-10-26. 
  7. ↑ Hasyim. "Iskandar Muda Penguasa Selat Malaka". Tribunnews.com (dalam bahasa Indonesia). Diakses tanggal 2024-10-26. 
  8. ↑ tengkuputeh (2018-09-27). "PUTROE PHANG JULUKAN DARI TENGKU KAMALIAH SEORANG PUTRI KESULTANAN PAHANG". Tengkuputeh (dalam bahasa Inggris). Diakses tanggal 2024-10-26. 
  9. ↑ "Biografi Sultan Iskandar Muda Pahlawan Asal Aceh". Official Website Initu.id (dalam bahasa Indonesia). 2018-09-14. Diakses tanggal 2024-10-26. 
  10. ↑ Die Meulek; Kanun Al Asyi; Koleksi Naskah Tua Perpustakaan A. Hasjmy
  11. ↑ Hasjmy; Wanita Aceh Sebagai Negarawan dan Panglima Perang; Jakarta; Penerbit Bulan Bintang; 1996
  12. ↑ Asnan, Gusti (2013). Kerajaan Inderapura. Jakarta: Puslitbang Lethur dan Khazanah Keagamaan. ISBN 978-602-8766-84-5. 
  13. ↑ a b REID, Anthony. Asal Usul Konflik Aceh: Dari Perebutan Pantai Timur Sumatra hingga Akhir Kerajaan Aceh Abad ke-19. Jakarta: Yayasan Obor Indonesia, 2005. ISBN 979-461-534-X. Halaman 3
  14. ↑ "Sultana Tak Suka Permata". Historia - Majalah Sejarah Populer Pertama di Indonesia (dalam bahasa Indonesia). Diarsipkan dari versi asli tanggal 2022-10-23. Diakses tanggal 2024-10-26. 
  15. ↑ "SEKILAS SEJARAH ACEH ABAD KE- 16 | Ditjen Kebudayaan" (dalam bahasa Indonesia). Diakses tanggal 2024-10-26. 
  16. ↑ Haji Buyong Adil; Sejarah Pahang; Kuala Lumpur; Dewan Bahasa dan Pustaka; 1972;
  17. ↑ Razali, Habil. "Mengenal Pahlawan Nasional dari Aceh". Kumparan (dalam bahasa Indonesia). Diakses tanggal 2024-10-26. 
  18. ↑ "Catatan dari para pemimpin kapal sipil Den Arent (burung Elang) mengenai kota Aceh pada tahun 1689 :: Sejarah Nusantara". sejarah-nusantara.anri.go.id. Diarsipkan dari versi asli tanggal 2023-09-07. Diakses tanggal 2024-10-26. 
  19. ↑ "Kejayaan Aceh dari Selembar Surat". detikcom (dalam bahasa Indonesia). Diakses tanggal 2024-10-26. 
  20. ↑ "Profil - Sultan Iskandar Muda". Merdeka.com (dalam bahasa Indonesia). Diakses tanggal 2024-10-26. 

Catatan kaki

suntiang

1 Komunitas Muslim nan dapat mengerahkan 40 urang laki-laki, jumlah minimum nan diperlukan untuak malakuan salat Jumat menurut fikih Mazhab Syafi'i

Pranala lua

suntiang

Caliak lo

suntiang
Didaului jo:
Sultan Ali Riayat Syah 		Sultan Aceh
1607—1636 		Digantian dek:
Sultan Iskandar Tsani
Diambiak dari "https://min.wikipedia.org/w/index.php?title=Iskandar_Muda_dari_Nagari_Aceh&oldid=3158062"