Gunuang Burni Telong

Gunuang Burni Telong adolah salah satu gunuang yang ado di Aceh. Katinggian puncaknyo adolah 2624 meter di ateh pamukaan lauik. Pandakian ka gunuang ko dimulai dari Kabupaten Bener Meriah. Namo lain gunuang ko adolah Gunuang Tutong, Gunuang Boer Moetelong, atau Gunuang Telong. Sacaro administratif, gunuang ko talatak di Kabupaten Aceh Tengah. Gunuang Burni Telong tamasuk jinih gunuang barapi karucuik. Gunuang Burni Telong pernah malatuih sabanyak 5 kali, yakni di tahun 1837, 1839, 1856, 1919, dan 1924 Masehi.

Ekowisata

Gunuang Burni Telong mamiliki ekowisata nan bakaitan dengan flora jo fauna nan hiduik di dalamnyo. Jinih tumbuhan nan dijadian sabagai objek ekowisata adolah edelweis jo kantong semar. Sadangkan ekowisata dengan fauna utamanyo malalui primata jo buruang. Di Gunuang Burni Telong hiduik babarapo hewan endemik saperti kedih jo siamang. Salain tu, tadapek pulo 11 jinih buruang endemik Pulau Sumatera jo 51 jinih buruang lainnyo.

Gunuang Burni Telong tacataik pernah malatuih sabanyak 5 kali. Tigo kali pado patangahan abaik ka-19 Masehi , lalu duo kali pado awal abaik ka-20 Masehi. Gunuang Burni Telong malatuih untuak patamo kali pado akhir bulan September 1837. Latuihan tajadi babarapo kali disertai jo gampo bumi nan marusak kawasan di sakitarnyo. Latuihannyo jo marupon latuihan dengan kondisi normal pado kawah pusek. Latuihn kaduo tajadi pado tanggal 12 jo 13 Januari 1839. Latuihan ko mangaluaan abu nan manyebar hinggo ka Pulau Weh. Latuihan katigo tajadi pado tanggal 14 April 1856. Pado latuihan ko kalua abu jobatu dari kawah. Gunuang Burni Telong bahenti malatuih labiah dari satangah abaik. Latuihan kaampek baru tajadi pado bulan Desember tahun 1919 dengan letusan nan normal. Latuihan tarakhir tajadi pado tanggal 7 Desember 1924. Latuihan ko sangaik ketek sahinggo hanyo manampakkan limo tiang asok di langik.