Gulai tepek ikan

Gulai Tepek Ikan marupokan salah satu makanan khas dari Jambi. Sasuai jo namonyo "tepek", mako caro mambuek makanan ko di tepek-tepek atau dimipihan. Makanan ko acok dijadian suguhan wakatu alek panikahan atau adai nan ado di Jambi. Sajian bakuah ko ampia samo jo pempek, anyo sajo disajikan jo gulai.

Caro mamasak

Mamasak tepek ikan ampia samo jo mamasak pempek dan untuak kuahnyo, ampia samo jo mambuek gulai. Ikan nan biaso dipakai adolah ikan tanggiri atau ikan bakok. Ikan ko diadon basamo tapuang sagu jo bawang putiah, kudian dibantuak mamanjang mode pempek lenjer dimasak inggo matang lalu dipotong ketek-ketek dan mipih. Mambuek gulainyo, paralu ditambahan naneh untuak manciptakan raso asam pado kuah dan ditambah bahan pambuek gulai nan lain mode kamiri, bawang merah, bawang putiah, sarai, kunyik, langkueh, sipadeh, lado merah, adeh manih, santan karambia, garam dan gulo. Sado bumbu nan ado ditumih inggo wangi lalu tambahan adeh manih. Sasudah cukuik wangi, baru dialuihan. Angekan santan pado cambuang, sasudah santan mandidiah baru dimasuakan bumbu nan alah dialuihan. Kok kiro-kiro kuah tasabuik alah matang, baru masuakan tepek ikan nan lah dibuek tadi, jo naneh, gulo sarato garam sasuai salero.