Georgetown, Guyana
Georgetown adolah ibu kota jo kota tagadang nagara Guyana nan talatak di Demerara-Mahaica, di pantai Lautan Atlantik. Kota ko dijuluaki sabagai “Kota Taman Karibia”. Iko marupokan pusek pamarentahan jo layanan kauangan nagara. Pado tahun 2012, panduduaknyo bajumlah 118.363 jiwa.[1]
Kakayoan alam di wilayah nan manjadi kota ko manarik perhatian banso panjajah takah Spanyol, Balando, Parancih, jo Inggirih. Urang Spanyol adolah urang Eropa patamo nan datang ka nagara tu, tapi urang Inggirih di bawah Sir Walter Raleigh nan patamo maeksplorasinyo pado tahun 1595.[2] Kota ko didirian dek Inggirih pado tahun 1781 nan diagiah namo Georgetown untuak mahormati George III dari Baritania Rayo. Kota tu sabagian gadang dibangun dek Parancih pado tahun 1784.[3] Pado maso panduduakan Balando, kota ko dikenal sabagai Stabroek nan manjadi pusek pamarentahan koloni gabuangan Essequibo jo Demerara pado tahun 1784. Katiko Inggirih baliak maambiak kandali, namonyo diubah ka namo nan lamo.[4] Kota tu manjadi ibu kota nagara katiko Guyana mardeka pado tahun 1970.
Rujuakan
suntiang- ↑ Guyana Population and Housing Census 2012: Preliminary Report (PDF) (Laporan). Bureau of Statistics, Guyana. June 2014. hlm. 23. Diarsipkan dari versi asli (PDF) tanggal 10 October 2020. Diakses tanggal 23 May 2016.
- ↑ Francis, Berl (11 February 2015). "Georgetown, Guyana (1781- )". Black Past.
- ↑ "History of Georgetown". Mayor and City Council Georgetown.
- ↑ "Georgetown". Britannica.