Lautan Atlantik
Lautan Atlantik adolah lautan paliang gadang kaduo di dunia, maliputi sakitar 1/5 pamukoan Bumi. Kato Atlantik barasa dari mitologi Yunani nan aratinyo "Lauik Atlas".
Lautan ko babantuak huruf S, mamanjang dari balahan bumi utara ka balahan bumi selatan, tabagi duo dek garih khatulistiwa manjadi Atlantik Utara jo Atlantik Selatan. Dibatai dek Amerika Utara jo Amerika Selatan di bagian baratnyo jo Eropa sarato Afrika di bagian timur lautan ko.
Lautan Atlantik taubuang jo Lautan Pasifik, di bagian utara bumi malalui Lautan Arktik dan di bagian selatan Bumi malalui Lintasan Drake. Ubuangan nan buatan manusia antaro Lautan Atlantik jo Pasifik dibuek malalui Tarusan Panama. Bateh antaro Lautan Atlantik jo Lautan Hindia di bagian timur, dibatehan pado garih 20 Bujua Timur. Bateh antaro Lautan Atlantik jo Lautan Arktik adolah garih dari Greenland ka Svalbard di sabalah utara Norwegia.
