Energi listrik

Energi listrik atau tanago listrik adolah ciek dari jinih energi utamo nan dibutuahkan untuak paralatan listrik atau energi nan tasimpan pado aruih listrik dangan satuan ampere (A) dan tagangan listrik dangan satuan volt (V) dangan katantuan kabutuhan konsumsi dayo listrik dangan satuan Watt (W) untuak manggarakkan motor, lampu panarangan, mamanaskan, mandinginkan atau manggarakkan baliak suatu paralatan mekanik untuak manghasilkan bantuak energi nan lain. Energi listrik manjalankan paralatan rumah tangga, paralatan parkantoran, masin industri, kereta api listrik, lampu umum, alaik pamanasan, mamasak, dan lain-lain.

Sabuah tiang mengaliri energi listrik jo kabel listrik di Samarinda, Kalimantan Timur.

Energi nan didapek dapek baãsal dari babagai sumber, ajak aia, minyak, batu bara, angin, panas bumi, nuklir, matoari, dan lainnyo. Satuan pokok energi listrik iyolah Joule, satuan lain iyolah KWh (Kilowattjam). Listrik untuak industri dan perumahan dihasilkan dari pambangkik listrik, misalnya: PLTA, PLTB, PLTD (diesel), PLTM, PLTS (surya), PLTU, dan lainnyo.

Listrik mamogang poran nan sangek pantiang pado kahidupan sahari-hari. Sabagian gadang aktivitas manusia bahubuangan jo panggunoan energi listrik tak tarkecuali di lingkuangan. Kamajuan teknologi mangakibaikan paningkatan konsumsi energi listrik dan iko manyababkan bakurangnyo cadangan sumber energi fosil akibaik habih tapakai saroto barakibaik emisi nan dapek mampangaruahi iklim global. Transisi energi dari panggunaan energi fosil manjadi energi baru dan tabarukan marupakan ciek dari solusi untuak mangatasi hal tasabuik. Pambangkik Listrik Tanago Surya (PLTS) marupoan ciek dari solusi energi alternatif nan ramah lingkungan nan dapek dikambangkan di mano sajo.