Cornelis de Houtman
Cornelis de Houtman (lahia di Gouda, Holland Selatan, Balando, 2 April 1565 – maningga di Aceh, 11 September 1599 pado umua 34 taun)[1] adolah saurang panjalajah Balando nan manamukan jalua palayaran dari Eropa ka Nusantara dan barasia mamulai padagangan rampah-rampah untuak Balando. Cornelis de Houtman basamo armadanyo tibo pado 27 Juni 1596 di parairan Banten,[1] lalu baliak pulang pado 14 Agustus 1597 mambaok 240 kantuang marica, 45 ton palo, dan 30 bal bungalo pal.[2] Kabarasilannyo mambukak jalan untuak ekspedisi-ekspedisi salanjuiknyo nan barujuang pado praktik kolonialisme di Nusantara.
Cornelis de Houtman | |
|---|---|
 | |
| Lahia | 02 April 1565 |
| Maningga | 1 September 1599 (umua 34) |
| Kabangsaan | Balando |
| Karojo | Panjalajah |
Panjalajahan ka Nusantara suntiang
Pado taun 1592 Cornelis de Houtman dikirim dek padagang Balando ka Lisboa untuak mangumpuakan informasi manganaii informasi tantang kapulauan rampah rampah sabanyak mungkin. Wakatu pulang ka Balando nan basamoan jo kapulangan Jan Huygen van Linschoten dari India, De Houtman jo padagang Balando lainnyo mamastian kalau Banten manjadi tampek nan paliang tapek untuak mambali rampah rampah, dan pado taun 1594 para padagang Balando ko mandirikan Compagnie van Verre (Parusahaan jarak jauah).[3]
Pajalanan ka Nusantara suntiang
Pado 2 April 1595 De Houtman mamulai pajalanan ka Nusantara manggunoan sabanyak ampek kapa. De Houtman mamulai pajalanan dari Amsterdam, dari Amsterdam mareka balaya manuju pantai barat Afrika taruih ka Tanjuang Harapan di Afrika Selatan, dari Tanjuang Harapan rombongan De Houtman balaya mangaruingi Samudera Hindia hinggo sampai di Banten pado 27 Juni 1596.[4]
Sasampai di Nusantara suntiang
Sasampai di Banten Cornelis de Houtman jo rombongan di tarimo dek masyarakaik satampek. Tapi dek kalakuan nan kasa jo pangaruh Portugis, rombongan De Houtman diusia dek Sultan Banten. Satalah diusia De Houtman malanjuikkan pajalanan manyurusuri lauik utara Jawa hinggo sampai ka Bali. Di Bali De Houtman batamu Rajo Bali dan mandapekkan marica.[5]
Rujuakan suntiang
- ↑ a b "Cornelis de Houtman - Mozaik Tirto - Tirto.ID". tirto.id (dalam bahasa Indonesia). Diakses tanggal 2018-07-30.
- ↑ "Melipat Laba di Pelayaran Kedua". Historia - Obrolan Perempuan Urban (dalam bahasa Indonesia). Diakses tanggal 2018-07-30.
- ↑ Media, Kompas Cyber (2022-06-27). "Arti Penting Pendaratan Cornelis de Houtman di Banten Halaman all". KOMPAS.com (dalam bahasa Indonesia). Diakses tanggal 2022-08-13.
- ↑ Team, Ruangguru Tech. "Buatlah peta penjelajahan samudera yang dilakukan ..." roboguru.ruangguru.com (dalam bahasa Indonesia). Diakses tanggal 2022-08-13.
- ↑ Media, Kompas Cyber (2021-05-02). "Cornelis de Houtman: Jalur Pelayaran dan Akhir Hidupnya Halaman all". KOMPAS.com (dalam bahasa Indonesia). Diakses tanggal 2022-08-13.