Palo
Palo (Myristica fragrans) marupoan tumbuhan saroman pohon nan barasa dari kapulauan Banda, Maluku. Akibek harago nyo nan tinggi sabagai rempah-rempah, buah jo biji palo alah manjadi komoditas perdagangan nan penting sajak maso Romawi. Palo disabuik dalam ensiklopedia karya Plinius. Samanjak zaman eksplorasi Eropa palo tasebar lueh di daerah tropika lain saparti Mauritius jo Karibia (Grenada). Istilah palo dipakai juo untuak biji palo nan dijua bali kan.Tumbuahan iko barumah duo (dioecious) sahinggo dikana pohon jantan jo pohon batino sakaligus. Daunnyo babantuak lonjong sarato kuruih. Buahnyo babantuak lonjong saroman lemon, bawarna kuniang, mampunyoi dagiang sarato mamiliki baun nan khas karano menganduang minyak atsiri pado dagiang buahnyo. Jiko dimasak, kulik jo dagiang buah mambuka sarato biji nyo nampak tabungkuih fuli nan bawarna sirah. Satu buah maasilkan satu biji bawarna coklat. Palo dipanen biji, salut bijinyo (arillus), jo dagiang buahnyo. Dalam perdagangan, salut biji palo dinamoan fuli, atau dalam bahaso Inggirih disabuik mace, dalam istilah farmasi disabuik myristicae arillus atau macis). Dagiang buah palo dinamoan myristicae fructus cortex. Tanaman palo marupoan tanaman nan cukuik lamo patumbuahannyo hinggo wakatu panen. Panen patamo dilakukan 7 sampai 9 taun satalah pohonnyo ditanam[1] mancapai kamampuan produksi maksimum satalah 25 taun. Tumbuahnyo dapek mancapai 20m sarato umuanyo bisa mancapai ratusan taun.[1]
| Palo
| |
|---|---|
Myristica fragrans  | |
 | |
| Data | |
| Sumber dari |
Pala (id)  , mace (en) jo nutmeg oil (en) |
| Status konservasi | |
| Kakurangan data | |
| UICN | 33986 |
| Taksonomi | |
| Divisi | Tracheophytes |
| Subdivisi | Spermatophytes |
| Klad | Angiosperms |
| Klad | magnoliids |
| Ordo | Magnoliales |
| Famili | Myristicaceae |
| Genus | Myristica |
| Spesies | Myristica fragrans Houttuyn, 1774 |
|
| |
 | |
Karakteristik Palo
suntiangPalo rato rato mamilki labiah kurang 10 meter batang nyo tagak mamilki kayu bawarna putiah. Daunnya mamiliki bantuak tunggal lonjong sarato di ujuang pangkal runcing jo mamiliki warna nan ijau mengkilek. Bungo Palo mamiliki bantuak malai nan kalua dari katiak daun.Bungo nan jantan babantuk bola nan bawarna kuniang. Palo mamiliki biji nan ketek, bulek saroman talua, salubuang biji bawarna sirah, sarato biji nyo bawarna itam kacoklatan. Palo mamiliki buah babantuak bulek mamiliki kulik bawarna kuniang jiko alah tuo sarato badagiang putiah.[1]
Pangambabiakan
suntiangTanaman palo sacaro umum dapek tumbuah pado daerah nan mamiliki katinggian sakitar 0-700 mdpl jo kebutuhan curah ujan nan cukuik tinggi yoitu 2000–3500 mm/taunnyo jo kalambapan udaro sakitar 50-80 %. Tanaman iko dapek tumbuah biasonyo hinggo katinggian pohon 5-15 meter atau bahkan dapek mancapai 30 meter. Palo cocok tumbuah pado suhu udaro sakitar 20-30oC jo struktur tanah tampek tumbuahnyo mamiliki rentang nan cukuik gadang yoitu dari tanah padek hinggo nan bapasia sarato mamiliki derajat kaasaman 5,5 – 7. Pado pambibitan tanaman palo biasonyo dilakukan pangairan satiok 1-2 kali dalam sahari apobilo indak ado ujan samo sakali ditambah panyiangan dari tanaman gulma disakitarannyo nan juo perlakuan panggamburan tanah. Dilakukan pulo panambahan pupuak tanaman saparti pupuak kandang, pupuak kompos, ataupun pupuak anorganik saparti urea satiok 3 bulan sakali. Wakatu panen palo dapek dilakukan sabanyak 3 kali dalam satu taun, yoitu katiko mulo musim ujan nan maagiah hasil buah palo jo kualitas nan paliang rancak, lalu patangahan musim ujan biasonyo buah palo nan siap panen bajumlah paliang banyak diantaro wakatu lainnyo, kamudian jumlah palo siap panen manurun jo dapek dipanen pado akhia musim ujan[1].
Kanduangan palo
suntiangProduk utama dari tanaman palo adolah minyak atsiri nan didapek malalui panyuliangan dari bahan baku barupo dagiang buah, biji, jo fuli pala. Pado minyak atsiri manganduang babagai senyawa, nan paliang banyak nan manjadi ciri khas adolah myristicin[2]. Manuruik Standar Nasional Indonesia (SNI 06-2388-2006) syarat kadar myristicin dalam minyak atsiri palo minimal 10%. Myristicin dapek dijadian sabagai agen insektisida, panambah raso pado rokok, chemopreventive jo hepatoprotective, namun senyawa ko dapek maagiah efek halusinasi nan samo saroman narkotik. Sairiang pakambangan zaman, minyak atsiri palo ko dijadian sabagai bahan baku aromaterapi nan basifek mailangan stress karano adonyo kanduangan myristicin-nyo. Kanduangan myristicin labiah tinggi kadarnyo pado dagiang buah palo dibandiangan jo biji sarato fulinya[2].
Syarat lain nan musti dimiliki oleh minyak atsiri palo sasuai standar SNI 06-2388-2006, diantaronyo adolah nilai rato-rato indeks bias pado suhu 20oC musti bakisar pado rantang 1,475-1,485. Minyak atsiri pala msuti mamiliki baun khas palo jo mamiliki warna putiah kuniang hingga bawarna kuniang mudo jo barek jenis 20oC/20oC pado rantang 0,885-0,907. Minyak atsiri palo musti laruik sacaro sempurna jo tetap janiah pado etanol 90% jo rantang 1:1-1:3. Kalarutan minyak atsiri pado etanol 90% sangat bakaitan jo jinih komponen kimia nan takanduang didalamnyo. Kanduangan senyawa terpen teroksigenisasi saroman α-terpineol dam terpinen-4-ol banyak takanduang dalam minyak atsiri palo. Senyawa terpen taoksigenisasi labiah mudah laruik dalam alkohol dibandiang terpen, sahinggo samakin tinggi kanduangan terpen mako samakin randah daya laruiknyo[3]
Rujuakan
suntiang- ↑ a b c d "Budidaya Tanaman Pala". Gen Agraris. 2018. Diarsipkan dari versi asli tanggal 2019-04-25. Diakses tanggal 4 April 2019 pukul 20.45 WIB..
- ↑ a b Mancha A., & Fuentes J., 2008. Evaluation of the health beneficial properties of the aromatic ether Myristicin, a volatile oil derived from various plants sources. The University of Texas-Pan American 1201 W. University Drive Edinburg, Texas 78539. www.agonline.tamu.edu/Myristicin_Nov9_330PM.ppt - Amerika Serikat, diakses pada 27 Februari 2009.
- ↑ Sipahelut, Sophia & Telussa, Ivonne. (2011). Karakteristik Minyak Atsiri Dari Dagiang Buah Palo Malalui Babarapo Teknologi Proses. Jurnal Teknologi Hasil Pertanian. 4(2): 134.