Wikipedia

Bani Tsaqif

Bani Tsaqif (bahaso Arab: بنو ثقيف‎) adolah salah satu kabilah Arab nan pantiang, nan marupoan panduduak utama kota Tha'if, ciek kota di Arab Saudi. Para katurunan kabilah ko acok mamakai namo panggilan (nisbah) Ats-Tsaqafi (الثقفي). Maso kini, salain di Tha'if jo Arab Saudi, kabilah ko lai banyak taseba pulo di nagara-nagara Arab lainnyo, sarupo di Suriah, Libanon, Masia, Tunisia, Aljazair, Maroko, Yordania, Irak, sarato di Provinsi Hatay in Turki jo di Iran.

Bani Tsaqif adolah katurunan dari Qasiyy bin Munabbih bin Bakr bin Hawazin, iyolah salah surang katurunan dari Bani Hawazin.[1] Inyo babini anak dari Amir bin al-Zarib al-Adwani, surang pamimpin Wadi Wajj (namo lamo Tha'if), dan sajak tu mandapek sabuikan "Tsaqif" (aratinyo bijak, mudah paham).[2][3] Pado maso pra Islam, Bani Tsaqif tabagi jadi duo kalompok, iyolah Bani Malik jo Ahlaf.[4] Katiko tu untuak manjago kasaimbangan politik, mangambangkan ekonomi, jo manjago kaamanan kota Tha'if, Bani Malik manjalin ubuangan arek jo Bani Hawazin, sadang Ahlaf manjalin ubuangan arek jo Bani Quraisy.

Bani Tsaqif dikunjuangi dek Nabi Muhammad pado akia bulan Syawal taun kasapuluah satalah baliau mamuloi dakwahnyo. Nabi Muhammad saaik tu datang ka para pamuko Bani Amr bin Umair, salah satu dari kalompok Ahlaf. Namun upayo patamo tasabuik gagal. Bani Tsaqif pado maso tu mamuja patuang Al-Laata.[5]

Dalam pangapungan kota Tha'if salamo labiah kurang sapuluah ari satalah Parang Hunain, Bani Tsaqif jo Bani Hawazin dapek batahan.[6][7] Namun, pindahnyo Bani Tsaqif masuak Islam tajadi indak lamo sasudahnyo, iyolah satalah Parang Tabuk.[8] Pamimpin Bani Tsaqif nan patamo nan masuak Islam adolah Urwah bin Mas'ud, namun mati syahid dibunuah dek kaumnyo surang nan manulak diimbau masuak Islam.[8] Dek cameh karano lah mambunuah Urwah, kaum Bani Tsaqif mautuih lai anam urang pamimpin kabilah lainnyo, nan kudian tingga di Madinah salamo babarapo wakatu untuak mampalajari Islam.[8] Satalah tu anam pamimpin Bani Tsaqif baliak ka Tha'if dan manjalehan ka kaumnyo, inggo akianyo kasadonyo urang Bani Tsaqif pun masuak Islam.[8] Ateh parentah Nabi Muhammad, mangko patuang Al-Laata kudian dihancuaan dek utusan kaum Muslimin dari Madinah, iyolah Abu Sufyan bin Harb jo Mughirah bin Syu'bah.[8]

Badasa hadits riwayaik Abu Hurairah jo Ibnu Abbas, dari tujuah dialek bahaso Arab (sab'ah ahruf) di ma Al-Qur'an pado awanyo baturunan, salah satunyo adolah dalam dialek Bani Tsaqif.[9]

Tokoh

suntiang
  • Al-Hajjaj bin Yusuf ats-Tsaqafi
  • Al-Harits bin Kaldah ats-Tsaqafi
  • Al-Hurr bin Abdurrahman ats-Tsaqafi
  • Al-Mughirah bin Syu'bah ats-Tsaqafi
  • Isa bin Umar ats-Tsaqafi

Rujuakan

suntiang
  1. ↑ Al-Tabari (1998). The History of al-Tabari Vol. 39: Biographies of the Prophet's Companions and Their Successors: al-Tabari's Supplement to His History. Translated by Ella Landau-Tasseron. SUNY Press. p. 38. ISBN 978-0-7914-2820-7, 0791428206. https://books.google.co.id/books?id=8nKLr72nxO4C&pg=PA38&dq=thaqif+real+name+is&hl=id&sa=X&ei=FZJFVfKBN5CNuAS49IDoCg&ved=0CBYQuwUwAA#v=onepage&q=thaqif%20real%20name%20is&f=false. 
  2. ↑ Islam aujourd'hui. Al-Munaẓẓamah al-Islāmīyah lil-Tarbiyah wa-al-ʻUlūm wa-al-Thaqāfah. 25 Nopember 1994. p. 17. https://books.google.co.id/books?id=MIUeAQAAMAAJ&q=thaqifa+clever&dq=thaqifa+clever&hl=id&sa=X&ei=YNRFVaHRH4nauQTUk4HACw&ved=0CBIQ6AEwAA. "... thaqifa, thaqafan, thiqafan, meaning excel, understand or learn quickly." 
  3. ↑ David Charles Larsen (2007). Means of Intelligibility. ProQuest. p. 40-41. ISBN 978-0-549-53137-1, 0549531378. https://books.google.co.id/books?id=ZDvPowy9k0MC&pg=PA40&dq=qasiyyu+munabbih&hl=id&sa=X&ei=X45FVYaXENefugSp4ICoDw&ved=0CBUQuwUwAA#v=onepage&q=qasiyyu%20munabbih&f=false. 
  4. ↑ Tijani Abdul Qadir Hamid (2001). Pemikiran politik dalam Al-Qur'an. Gema Insani. p. 198-203. ISBN 978-979-561-656-6, 9795616560. https://books.google.co.id/books?id=-sidcQlFTYsC&pg=PA200&dq=bani+tsaqif&hl=id&sa=X&ei=CHpFVdiTK9SeugSU94HICg&ved=0CDsQuwUwBw#v=onepage&q=bani%20tsaqif&f=false. 
  5. ↑ Ahmad Rofi' Usmani (2009). Muhammad Sang Kekasih: 1000 Hikmah di Balik Sejarah Hidup Nabi. Mizan Pustaka. p. 163-166. ISBN 978-602-8236-10-2, 6028236101. https://books.google.co.id/books?id=De8lvGtsA6AC&pg=PA163&dq=bani+tsaqif&hl=id&sa=X&ei=-mdFVeLyLYbauQS4toAw&ved=0CCAQuwUwAg#v=onepage&q=bani%20tsaqif&f=false. 
  6. ↑ Khālid Muḥammad Khālid (2001). 10 Hari Penting Bersama Rasullullah. Gema Insani. p. 112-113. ISBN 978-979-561-684-9, 9795616846. https://books.google.co.id/books?id=IekiRpOx7lIC&pg=PA113&dq=bani+tsaqif&hl=id&sa=X&ei=-mdFVeLyLYbauQS4toAw&ved=0CBsQuwUwAQ#v=onepage&q=bani%20tsaqif&f=false. 
  7. ↑ Yusuf Qardhawi (2010). Fiqih Jihad: Sebuah karya monumental terlengkap tentang jihad menurut al-Quran dan Sunnah. PT Mizan Publika. p. 1033. ISBN 978-979-433-586-4, 979433586X. https://books.google.co.id/books?id=MYUR7jZX-VAC&pg=RA1-PT1034&dq=bani+tsaqif&hl=id&sa=X&ei=CHpFVdiTK9SeugSU94HICg&ved=0CDAQuwUwBQ#v=onepage&q=bani%20tsaqif&f=false. 
  8. ↑ a b c d e Moenawar Chalil, K.H.. Kelengkapan Tarikh (Edisi Lux Jilid 3). Gema Insani. p. 139-149. ISBN 978-979-561-712-9, 9795617125. https://books.google.co.id/books?id=__VmH-azhh4C&pg=PA147&dq=bani+tsaqif&hl=id&sa=X&ei=CHpFVdiTK9SeugSU94HICg&ved=0CBUQuwUwAA#v=onepage&q=bani%20tsaqif&f=false. 
  9. ↑ Abdul Aziz (2011). Chiefdom Madinah: Salah Paham Negara Islam. Pustaka Alvabet. p. 163. ISBN 978-979-3064-98-7, 9793064986. https://books.google.co.id/books?id=BFjul8gkZHYC&pg=PA163&dq=bani+tsaqif&hl=id&sa=X&ei=-mdFVeLyLYbauQS4toAw&ved=0CEUQuwUwCQ#v=onepage&q=bani%20tsaqif&f=false. 
Diambiak dari "https://min.wikipedia.org/w/index.php?title=Bani_Tsaqif&oldid=2004949"