Bani Hawazin
Bani Hawazin adolah salah satu kabilah Arab katurunan Qais 'Ailan, iyolah suku bangso Arab nan manatap di wilayah sakita Tha'if di Arabia. Katurunan Bani Hawazin taseba di Timua Tengah dan Afrika Utara sabauk anggota mareka banyak nan talibaik dalam panaklukan Muslim ka Suriah, Irak, Masia, Afrika Utara (tarutamo Bani Hilal atau Bani Sulaim)[1] dan Spanyol. Katurunan mareka di Suriah umumnyo adolah Muslim Sunni, sadangkan katurunan mareka di Arabia kini ko dikana jo namo 'Utaibah.[2]
Namo Bani Hawazin baasa dari namo tokoh muyangnyo iyolah Hawazin bin Mansyur bin Ikrimah bin Khashafah bin Qais 'Ailan,[3] nan adolah katurunan dari Adnan. Adnan ko manurik para ahli silsilah Arab marupoan salah satu katurunan Ismail, nan adolah niniak muyang bagi suku-suku Arabia utara. Dari Bani Hawazin muncualah pacahan sukunyo, antaro lain Bani Sa'ad bin Bakar, Bani Jasyam bin Bakar, Bani Nashar bin Muawiyah, Bani Tsaqif, dan banyak lai,[3] nan mambantuak pasakutuan Hawazin (Ulya Hawazin).[4] Pasakutuan kabilah Hawazin tasabuik acok bakarajo samo dalam maadoki pasaingan jo kabilah gadang lain, misanyo taadok Bani Quraisy di Makah.[5]
Satalah Muslim manaklukkan Makah, banyak suku jo kaum badui Arab di sakita Makah nan marupoan sakutu Bani Quraisy nan sacaro damai ikuik juo mangakui kapamimpinan Muhammad.[6] Namun Bani Hawazin jo para sakutunyo sabagai saingan Makah mamandang kajadian tu sabagai bangkiknyo kapamimpinan baru Bani Quraisy nan kuaik dan ka jadi alangan bagi mareka dalam pasaingan pangaruah di jazirah Arabia.[6] Bani Hawazin sugiro basiap-siap jo para sakutunya untuak baparang malawan Muslim dan Bani Quraisy,[6] inggo kudian di antaro kaduo pihak tajadilah parang Hunain, parang Authas, jo pangapuangan Tha'if.[7] Dari suku-suku sakutuan Hawazin, anyo Bani Ka'ab jo Bani Kilab sajo nan indak turuik mamarangi pasukan Muslim.[7] Akia dari paparangan dan pangapuangan tarsabuik adolah kamanangan gadang bagi pihak Muslim.[7] Ateh pamuhunan utusan Bani Hawazin, sadonyo tawanan mareka sabanyak 6.000 urang lalu dilapehan, dan satalah tu masarakaik Bani Hawazin babondong-bondong masuak Islam.[7]
Badasa jo hadits riwayaik Abu Hurairah jo Ibnu Abbas, Kuraan pado awanyo diturunan dalam tujuah dialek bahaso Arab (sab'ah ahruf), di ma salah satunyo adolah dalam dialek Bani Hawazin.[4]
Tokoh suntiang
- Halimah as-Sa'diyah (ibu susu Nabi)
- Maimunah binti al-Harits (ummul mu'minin)
Caliak pulo suntiang
- Arabia pra-Islam
Rujuakan suntiang
- ↑ Joseph Edmund Lowry, Devin J. Stewart (2009). Essays in Arabic Literary Biography: 1350-1850. Weisbaden: Otto Harrassowitz Verlag. p. 77-80. ISBN 978-3-447-05933-6. https://books.google.co.id/books?id=ds4IFuJDl-QC&pg=PA79&dq=Banu+Hilal+Banu+Sulaym+North+Africa&hl=en&sa=X&ei=NVplVarvAdiXuATkx4L4Dg&ved=0CB8QuwUwAA#v=onepage&q=Banu%20Hilal%20Banu%20Sulaym%20North%20Africa&f=false.
- ↑ William Robertson Smith (2014). Kinship and Marriage in Early Arabia (edisi ke-Cetak ulang, terbitan ulang). Cambridge University Press. p. 111. ISBN 978-1-107-62202-9, 1107622026. https://books.google.co.id/books?id=SF2tAgAAQBAJ&pg=PA111&dq=hawazin+otaibah&hl=id&sa=X&ei=TFRlVef-DIGVuASB_oLoBg&ved=0CCEQuwUwAA#v=onepage&q=hawazin%20otaibah&f=false.
- ↑ a b Abdullah ibn Muhammad ibn Abdul Wahab (2006). Biography of the Prophet. 1 dari Mukhtasar Sirat Al-Rasul. Diterjemahkan oleh Sameh Strauch. Riyadh: Maktaba Darussalam. p. 15. ISBN 978-9960-9803-2-4, 9960980324. https://books.google.co.id/books?id=i8bbHTcRV5kC&pg=PA15&dq=Banu+Hawazin&hl=en&sa=X&ei=raZkVe7dEcfIuATwp4KgBw&redir_esc=y#v=onepage&q=Banu%20Hawazin&f=false.
- ↑ a b Abdul Aziz (2011). Chiefdom Madinah: Salah Paham Negara Islam. Pustaka Alvabet. p. 163. ISBN 978-979-3064-98-7, 9793064986. https://books.google.co.id/books?id=BFjul8gkZHYC&pg=PA163&dq=hawazin+quraisy&hl=id&sa=X&ei=pW9lVfKlMYOXuQTAhIGgDA&ved=0CDEQuwUwBA#v=onepage&q=hawazin%20quraisy&f=false.
- ↑ Ahmad Rofi' Usmani (2009). Muhammad Sang Kekasih: 1000 Hikmah di Balik Sejarah Hidup Nabi. Mizan Pustaka. p. 57-58. ISBN 978-602-8236-10-2, 6028236101. https://books.google.co.id/books?id=De8lvGtsA6AC&pg=PA57&dq=hawazin+quraisy&hl=id&sa=X&ei=TFZlVeOnBoizuASDyIGgDQ&ved=0CDcQuwUwBQ#v=onepage&q=hawazin%20quraisy&f=false.
- ↑ a b c Richard A. Gabriel (2014). Muhammad: Islam’s First Great General. 11 dari Campaigns and Commanders Series. University of Oklahoma Press. p. 179-190. ISBN 978-0-8061-8250-6, 0806182504. https://books.google.co.id/books?id=0HQCBQAAQBAJ&pg=PA179&dq=hawazin&hl=id&sa=X&ei=PtBlVdv2K4-RuAS6jYDoBw&ved=0CDkQuwUwBA#v=onepage&q=hawazin&f=false.
- ↑ a b c d Moenawar Chalil, K.H. Kelengkapan Tarikh (Edisi Lux Jilid 3).