Bani Israil
Bani Israil atau Bani Israel (bahaso ibrani: בני ישראל Bnei Yisra'el, bahaso Arab: بني إسرائيل , Banī Israīl) adolah pasakutuan suku-suku babahaso Semit pado Zaman Basi dari kawasan Timur Dakek Kuno nan mandiami wilayah Kanaan (Israel) pado maso kasukuan jo monarki.[1][2][3][4][5] Naskah-naskah kitab suci manyabuikan bahwasanyo urang ko marupokan katurunan Israel (namo lain dari Yakub), putra Ishaq, putra Abraham.
Istilah
suntiangSacaro bahaso, Bani Israil bamakno "anak katurunan Israel." Kato iko diambiak dari bahaso Arab: بني إسرائيل Banī Israīl nan marupokan tajamahan dari bahasa Ibrani: בני ישראל Bnei Yisra'el. Israel surang iolah gala untuak Ya'qub bin Ishaq bin Ibrahim. Istilah lain dalam bahaso Indonesia nan juo digunoan untuak marujuak pado Bani Israil adolah "kaum Israel", "bangso Israel", "urang Israel", atau "Israel" sajo. Pado maso modern, kato Israel digunoan sabagai namo Negara Israel, sabuah negara bangso Yahudi di Timur Tangah.
Dalam Tanakh (kitab suci Yahudi) jo Alkitab (kitab suci Kristen), istilah Israel partamo kali digunoan dalam Kitab Kejadian. Disabuikan bahwasanyo Ya'qub bagaluik jo laki-laki asiang. Sasudahnyo laki-laki tasabuik bakato, "Namo ang indak bakalan disabuikan baliak Yakub, tapi Israel, dek karano ang alah bagumua malawan Allah jo manusia, jo ang manang." Sasudah tuh inyo pai, barulah Ya'qub sadar bahwa urang tadi iolah malaikat.[6][7]
Namo Israel partamo kali muncua dalam sumber non-kitab suci sakitar 1209 SM, dalam sabuah prasasti Fir'aun Merneptah. Prasasti iko sangaik singkek jo mangatoan sacaro saderhana, "Israel tabuang jo katurunannyo indak". Prasasti iko mangacu pado kaum, bukan untuak individu atau negara-bangsa.[8]
Ya'qub mampunyoi duo baleh putra: Ruben, Simeon, Lewi, Yehuda, Dan, Naftali, Gad, Asyer, Isakhar, Zebulon, Yusuf, jo Benyamin. Katurunan inyo kamudian manjadi duo baleh suku dalam Bani Israil. Katurunan Yusuf biasonyo dibagi manjadi duo: suku Manasye nan marupokan katurunan putra suluang Yusuf jo suku Efraim nan marupokan katurunan putra kaduo Yusuf.
Yahudi
suntiangIstlah bahaso Indonesia "Yahudi" diturunan dari bahaso Arab يَهُودِيّ yahūdī, dari bahaso Ibrani יְהוּדִי Yehudi. Istilah iko awalnyo digunoan untuak marujuak pado katurunan Yehuda (יְהוּדָה, Yehudah), putra kaampek Ya'qub, kamudian maleba jo marujuak pado Bani Israil nan tingga di Karajaan Yehuda (Israel Selatan).[9][10] Suku-suku Bani Israil nan hiduik di Karajaan Yehuda adolah suku Yehuda, Benyamin, jo sabagian suku Lewi, sadangkan suku-suku nan lain barado di Karajaan Samaria. Sasudah Karajaan Samaria runtuah, sabagian manyabuikan bahwasanyo suku-suku nan tingga di karajaan tasabuik hilang, sabagian bapandapek inyo mangungsi ka Karajaan Yehuda jo taserap ka dalam suku Yehuda.[11] Pado kabarjalanannyo, ado juo urang-urang nan bukan Bani Israil nan mamaluak agamo Yahudi sahinggo inyo juo dianggok sabagai bagian bangsa Yahudi.
Maski bakitu, panggunoan istilah Yahudi jo Israel iko surang bisa babeda tagantuang pandakekan agamo jo kabangsaan nan digunoan.[12][13] Talmud manyabuikan bahwasanyo istilah Israel (Bani Israil) marupokan saurang bangsa Yahudi, meski inyo indak mamaluak agamo Yahudi.[14] Pado maso modern, urang-urang ko nan biasonyo dimasuakan ka dalam kalompok bangsa Yahudi tadiri dari tigo kalompok: urang nan lahia dari kaluarga Yahudi indak mamandang agamo urang tasabuik, urang nan mampunyoi lata balakang atau laluhua Yahudi, jo urang nan masuak agamo Yahudi maski indak mampunyoi lata balakang atau leluhua Yahudi.[15] Untuak kalompok tarakhir, tadapek babarapo pabedaan tato caro dalam masuak ka dalam agamo Yahudi, tagantuang aliran Yahudi nan diikuti. Proses masuaknyo sasaurang Yahudi bisa diakui ciek aliran jo indak diakui dek aliran lain.[16]
Samaria
suntiangSamaria adolah kalompok etno-religius dari Timur Dakek Kuno nan marupokan bagian dari Bani Israil. Urang ko manyatokan sabagai katurunan dari suku Efraim, Manasye, jo sabagian Lewi nan salamaik sasudah panaklukan Karajaan Samaria (Israel Utara) dek Asyur pado 720 SM. Pihak Yahudi mamandang bahwasanyo bangso Samaria indak lai murni lantaran alah bacampua jo bangsa Asyur malalui perkawinan jo hal iko mampangaruhi praktik kaagamoan inyo. Di sisi lain, pihak Samaria juo mamandang bangso Yahudi alah malupoan tradisi awal keagamoan inyo.[17]
Rujuakan
suntiang- ↑ Finkelstein, Israel. "Ethnicity and origin of the Iron I settlers in the Highlands of Canaan: Can the real Israel stand up?." The Biblical archaeologist 59.4 (1996): 198–212.
- ↑ Finkelstein, Israel. The archaeology of the Israelite settlement. Jerusalem: Israel Exploration Society, 1988.
- ↑ Finkelstein, Israel, and Nadav Na'aman, eds. From nomadism to monarchy: archaeological and historical aspects of early Israel. Yad Izhak Ben-Zvi, 1994.
- ↑ Finkelstein, Israel. "The archaeology of the United Monarchy: an alternative view." Levant 28.1 (1996): 177–87.
- ↑ Finkelstein, Israel, and Neil Asher Silberman. The Bible Unearthed: Archaeology's New Vision of Ancient Israel and the Origin of Sacred Texts. Simon and Schuster, 2002.
- ↑ Kejadian 32: 22-32
- ↑ Ibnu Katsir 2014, hlm. 328-329.
- ↑ Frederick E. Greenspahn (2008). The Hebrew Bible: New Insights and Scholarship. NYU Press. hlm. 12–. ISBN 978-0-8147-3187-1.
- ↑ "Jew", Oxford English Dictionary.
- ↑ "Apakah semua Bani Israil adalah Yahudi? (dalam bahasa Inggris)". United Church of God. Diakses tanggal 13 April 2020.
- ↑ Neubauer, A. (1888). "Where Are the Ten Tribes?: I. Bible, Talmud, and Midrashic Literature". The Jewish Quarterly Review. 1 (1): 14–28. doi:10.2307/1449853. JSTOR 1449853.
- ↑ "What Makes a Jew Jewish?". Chabad.org. Diakses tanggal 2 October 2013.
- ↑ Weiner, Rebecca (2007). "Who is a Jew?". Jewish Virtual Library. Diakses tanggal 6 October 2007.
- ↑ Sanhedrin 44a
- ↑ Fowler, Jeaneane D. (1997). World Religions: An Introduction for Students. Sussex Academic Press. hlm. 7. ISBN 1-898723-48-6.
- ↑ "Converting to Judaism". BBC. July 12, 2011. Diakses tanggal November 18, 2016.
- ↑ Firman, Tony (20 Juni 2019). "Orang Samaria di Tengah Konflik Israel Palestina". Tirto. Diakses tanggal 13 Mei 2021.
.svg){kind=small}