Wikipedia

Abraham

Untuak tokoh ini dalam sudut pandang Islam, caliak Ibrahim.

Abraham (Ibrani: אַבְרָהָם; Ibrani modern: Avraham; Ibrani Tiberias: ʾAḇrāhām; Yunani: Αβραάμ; Ashkenazi: Avruhom; Ge'ez: አብርሃም; Arab: إبراهيم; Ibrahim) lahia jo namo Abram, marupoan salah satu tokoh nan paliang pantiang dalam agamo Yahudi, Kristen jo Islam, di mano janji-janji jo barakaik Tuhan dibarikan kapado Ibrahim jo katurunannyo.[15][16]

Abraham
אַבְרָהָם • Αβραάμ
إِبْرَاهِيْمُ
Perjalanan Abraham dari Ur ke Kanaan. Oleh József Molnár, 1850
Lahia2000 SM
Ur Kasdim[1][2]
Maningga1825 SM (umur 175 tahun)[3]
Hebron, Tepi Barat
Resting placeGua Makhpela[4], Hebron
31°31′29″N 35°06′39″E / 31.524744°N 35.110726°E / 31.524744; 35.110726
TitleAvraham Avinu (bapak kami Abraham)
Pasangan
AnakDari Hagar:[8]

Dari Sara:[9]

Dari Ketura:[10]

Urang tuoTerah[11]
Dusanak

Abraham adolah niniak muyang dari banso Israel. Abraham malahiakan Ishak jo Ismail, Ishak malahiakan Yakub (nan disabuik juo Israel). Yakub malahiakan 12 Suku Israel nan kudian malahiakan nabi-nabi (Musa dari suku Lewi) jo rajo-rajo ( Daud, Sulaiman dari suku Yehuda ), sampai ka Mesias nan manyalamaikkan. Ibrahim sandiri adolah urang Ibrani (katurunan Eber). Eber adolah cicit dari Sem, anak Nuh.[17]

Sagalo informasi tatulih ko anyo didapek dari Tanakh, Alkitab, jo Al-Qur'an dan indak ado sumber lain.

Alkitab mangatoan, Ibrahim dipanggie dek Tuhan dari Mesopotamia ka tanah Kanaan, sakitar taun 2000 SM.[18][19] Tuhan mambuwek pajanjian jo Abraham, baraso inyo ka dibarakaik-i, sarato katurunannyo indak tahituang banyaknyo. Kahidupannyo dicaritokan dalam Kitab Kejadian (pasal 11 – 25).

Namo

suntiang

Namo aslinyo adolah Abram (bahaso Ibrani: אַבְרָם, Modern Avram Tiberias ʾAḇrām ; "bapa (ab) yang terpuji" atau "bapa[-ku] dipuji/dimuliakan"). Sasudah dipanggia dek Tuhan, namonyo indak lai "Abram" tapi "Abraham".[20]

Kisah

suntiang

Dalam Tanakh jo Alkitab, kisah Abraham tatulih dalam Kitab Kejadian pasal 11-25.

Ranji

suntiang

Silsilah Abraham dalam Alkitab mulai dari Sem (anak Nabi Nuh) sampai ka Abraham adolah:[21]

  • Sem punyo surang anak laki-laki nan banamo Arpakhsad kutiko inyo baumua 100 tahun atau duo tahun sasudah banjir gadang.
  • Arpakhsad punyo surang anak laki-laki nan banamo Selah kutiko inyo baumua 35 tahun .
  • Selah punyo surang anak laki-laki nan banamo Eber kutiko inyo baumua 30 tahun .
  • Eber punyo surang anak laki-laki nan banamo Peleg kutiko inyo baumua 34 tahun .
  • Peleg punyo surang anak laki-laki nan banamo Rehu kutiko inyo baumua 30 tahun .
  • Rehu punyo anak laki-laki nan banamo Serug katiko inyo baumua 32 tahun .
  • Serug punyo surang anak laki-laki nan banamo Nahor kutiko inyo baumua 30 tahun .
  • Nahor punyo surang anak laki-laki nan banamo Terah kutiko inyo baumua 29 tahun .
  • Terah punyo anak laki-laki Abram, Nahor, jo Haran pado umua 70 taun

Carito awal

suntiang

Namo sabananyo Abraham adolah Abram. Inyo adolah anak Terah, nan barasa dari Ur-Kadim. Abram lahia katiko Terah baumua 130 tahun (takana bahaso Abram baumua 75 tahun katiko Terah maningga pado umua 205 tahun).

Keluar dari Ur

suntiang

Alkitab mancaritoan baso Terah kamudian mambaok Abram (anaknyo), Lot (cucunyo dari Haran), jo Sarai (minantunyo, bini Abram) dari Ur di nagari Kasdim untuak pai ka tanah Kanaan dan mareka baranti di sabuwah tampaik nan banamo Haran. Ado nan mangidentifikasi Haran jo Harran nan talatak di wilayah tenggara Turki moderen. Terah maningga di sinan katiko inyo baumua 205 tahun.[22]

Sasudah itu, Abram, nan baumua 75 taun pado wakatu itu, barangkek dari Haran untuak pai ka Kanaan basamo Sarai, Lot, sarato kasadonyo pangikuiknyo. Di sinan dinyatokan baso Tuhan mamarentahkan Abram untuak pai ka "tanah nan ka Ambo tunjuakkan kepadamu", sarato bajanji untuak mambarakaik-inyo sarato manjadikannyo sabagai bangso nan gadang.[23] Picayo jo janji iko, Abram pai ka Sikhem, dan manarimo janji baru baso tanah tu akan diagiah kapado katurunannyo. Sasudah mambangun mezbah untuak mamparingati pajanjian ko, Abram pai dan managakkan kemahnyo antaro Betel jo Ai, di mano inyo mambangun mezbah lain dan "mambaru namo Tuhan."[24]

Mesir

suntiang

Tanah Kanaan kamudian mangalami kalaparan gadang, sahinggo Abram jo rombongannyo pindah ka Mesir. Di sinan, Abram manyuruah Sarai untuak mangakui inyo sabagai adiaknyo, karano inyo takuik urang ka mambunuah Abram jikok inyo tahu baso inyo adolah lakinyo. Katiko mareka masuak ka Mesir dan punggawa Firaun mancaliak kaindahan Sarai, mareka mancaritoan ka Firaun tantang itu sahinggo Sarai dibaok ka istano dan direncanakan untuak manjadi bini Firaun, samantaro Abram sandiri manarimo budak jo taranak dari Firaun karano itu. Namun, Firaun kamudian mandapek wabah basamo jo saluruah istanonyo karano Sarai dan kamudian Firaun manyalahkan Abram karano indak mangatoan kabanaran baso Sarai adolah bininyo. Sasudah tu, Sarai dibaliakkan ka Abram dan inyo babaliak ka Kanaan.[25]

Bapisah jo Lot

suntiang
 
Abraham and Lot separate. Gen: 13.7 &.c, dietsa oleh Wenceslaus Hollar, abad ke-17 (Thomas Fisher Rare Book Library, Toronto)

Samantaro tingga di Kanaan, timbua sangketo antaro panggembala nan bakarajo untuak Abram jo urang-urang nan bakarajo untuak Lot. Hal iko dek karano kaduo balah pihak punyo harato jo taranak nan malimpah, sahinggo indak cukuik tampek untuak kaduonyo. Abram manyarankan kapado Lot supayo inyo bapacah, dan mambuliahkan kamanakannyo mamiliah dulu. Lot mamiliah tanah nan subur di sabalah timur Sungai Yordan jo bakemah dakek Sodom, samantaro Abram, sasudah mandapek janji lain dari Tuhan, pai ka Mamre, dakek Hebron, dan mambangun mezbah lain untuak Tuhan. Babarapo tafsir Alkitab manyatoan baso Lot cenderung mamprioritaskan kauntuangan pribadi, karano inyo mamiliah untuak bamukim dakek Sodom hanyo karano kasuburan tampek tu, indak maacuahkan sifaik buruak panduduaknyo.[26] Indak ado informasi manganai pamisahan Abram jo Lot dalam Al-Qur'an, tapi dinyatokan baso Tuhan memang mangirim Lot ka urang Sodom untuak badakwah.[27]

Sasudah babarapo taun, nagara-nagara di wilayah Lambah Yordan jo daerah sakitarnyo mambarontak taradok pamarintahan Elam. Panguaso Elam pado maso itu, Rajo Kedorlaomer, kamudian manyusun pasukan untuak manyarang kota-kota di lambah Yordan jo manangkok banyak urang. Nabi Lot jo kaluarganyo tamasuak urang nan ditawan. Kajadian iko dikenal sabagai Patempuran Siddim. Abram, nan tahu nasib kamanakannyo, mangumpuakan 318 budak nan talatiah jo mangaja pasukan Elam, mancapai kamanangan di daerah di utara Damsyik nan banamo Hoba, dan kamudian bahasil mambebaskan Lot.[28] Curito ko indak ado di Al-Quran doh.

Hagar jo Ismael

suntiang

Sumber-sumber Alkitab mangatoan baso karano inyo picayo inyo indak dapek manganduang, Sarai kamudian maagiah Hagar sabagai gundik atau bini Abram. Namun, Hagar maraso labiah unggul dari Sarai sasudah manganduang, makonyo Sarai manindas Hagar. Hagar lalu lari, tapi datanglah surang malaikat ka inyo, manyuruahnyo untuak babaliak dan manjalehan baso Tuhan akan mampabanyak katurunannyo sampai indak bisa dietong, dan juo manyuruahnyo untuak maagiah namo anaknyo Ismail karano Tuhan alah mandanga tantang panzaliman Hagar. Ismail lahia katiko Abram baumua 86 tahun. Babarapo ulama, sarupo Ibnu Kathir, juo mangutip Alkitab dalam karya-karyanyo manganai carito ko.[29][30]

Ado perbedaan pandapek manganai status Hagar manganai Abram. Ado nan mangatokan inyo gundiknyo, ado pulo nan mangatokan inyo bininyo. Pandapek lain manyatoan baso mulonyo Hagar adolah gundik, kamudian Ibrahim manikah jo inyo sasudah Sarah maningga dan inyo diagiah namo baru, yaitu Keturah.[31][32][33][34]

Terkait asal-usulnya, beberapa sumber Islam dan Yahudi menyebutkan bahwa Hagar adalah seorang putri. Midras Bereshith Rabba dan sebagian literatur Muslim menyebutkan bahwa Hagar adalah anak perempuan dari Firaun yang berusaha mengambil Sara sebagai istri atau selirnya saat di Mesir.[35][36] Pendapat lain menyatakan bahwa dia adalah anak perempuan dari seorang raja yang masih keturunan Nabi Shaleh. Ayah Hagar kalah dalam peperangan dan raja yang menang perang (Firaun mengambil Sara di kemudian hari) kemudian menjadikan Hagar tawanan dan pelayan di istananya.[37] Baik Alkitab maupun Al-Qur'an tidak memberikan keterangan mengenai asal-usul Hagar.

Pajanjian sunaik

suntiang

Tuhan kamudian maubah namo Abram manjadi Abraham sarato Sarai manjadi Sarah. Tuhan bajanji kapado Ibrahim untuak manjadi bapak sajumlah bangso-bangso gadang, untuak mambarikan banyak anak jo cucu, sarato rajo-rajo akan muncua dari katurunannyo. Allah bajanji pulo kabake Abraham sarato jo katurunannyo, untuak mambari tanah Kanaan. Pajanjian iko dipenuhi malalui Ishak, walaupun Tuhan bajanji baso Ismail akan manjadi bangso gadang juo. Sabagai tando pajanjian tu, Allah mamarentahkan kasadonyo laki-laki dalam kaluarga sarato jo rumah tanggo Ibrahim untuak disunatkan. Perjanjian sunaik (indak sarupo jo janji-janji lain) adolah duo sisi dan bersyarat: jikok Abraham jo katurunannyo mamanuhi janjinyo, mako Tuhan akan manjadi Tuhannyo dan mambarikan tanah tu ka inyo. Abraham, Ismael, jo sadonyo laki-laki di rumah tanggo Abraham kudian disunat. Pajanjian sunaik ko dibuwek kutiko Abraham baumua 99 tawun.[38] Amalan sunaik ko masih ditaruihkan dek urang Yahudi, Islam, jo Kristen.

Tamu Abraham

suntiang

Dalam Alkitab dikatokan katiko Abraham sadang duduak di pintu kemahnyo dalam paneh, tigo urang tamu asiang datang dan Abraham sujuik kapadonyo sabagai bantuak raso hormat. Abraham lalu manyajikan anak jawi, roti, jo susu, mako tamu-tamu tu makan. Sasudah tu, inyo mangumumkan, baraso tahun muko, Abraham jo Sarah ka punyo surang anak laki-laki. Sara tagalak mandanga kaba tu, sudah tu Tuhan batanyo ka Sara baa mangko inyo tagalak, walaupun indak ado nan indak mungkin bagi-Nyo. Sara lalu mambantah kalau inyo tagalak dek takuik.[39]

Sara maningga

suntiang

Sara maningga pado umua nan lah tuo, 127 tahun. Wakatu itu, Ishak masih baumua 36 tahun dan alun manikah. Untuak mangubuaan bininyo, Abraham mambali tanah basamo jo gua nan banamo gua Makhpela dari Efron bin Zohar dari urang Het Bani. Sasudah itu, Ibrahim mangubuakan Sarah di dalam gua di ladang Makhpela, di sabalah timur Mamre, yaitu Hebron di tanah Kanaan.[40]

Ketura

suntiang

Sasudah Sarah maningga, Ibrahim maambiak bini atau gundik nan banamo Ketura . Keturah kamudian malahiakannyo Zimran, Yoksan, Medan, Midian, Isbak, jo Suah. Yoksan malahiakan Seba jo Dedan. Katurunan Dedan adolah urang Asyur, urang Letus jo urang Leum. Anak-anak Midian adolah Efa, Efer, Henokh, Abida jo Eldaa.[41]

Babarapo pandapek manyatoan baso Keturah adolah urang nan samo jo Hagar. Manuruik pandapek iko, Hagar, nan awalnyo adolah gundik, kudian manikah jo Abraham dan kamudian diagiah namo baru, yaitu Keturah.[42][43][44][45]

Warisan Abraham

suntiang

Abraham mambarikan kasadonyo haratonyo kabake Ishak, tapi kabake anak-anak nan didapeknyo dari bini-bininyo, inyo mambarikan pambarian hadiah. mako inyo manyuruah urang-urang tu—masih sadang inyo hiduik—untuak maninggakan Ishak anaknyo, sarato pai ka arah timur, ka Tanah Timur.[46]

Akhia hiduik

suntiang

Abraham maningga pado umua 175 dan inyo dimakamkan dek Ismail jo Ishak di tampek nan samo jo Sarah.[47]

Paretongan wakatu

suntiang

Selisih usia

suntiang

Rentang hiduik

suntiang
  • Abraham baumua 75 taun katiko inyo barangkek dari Haran ka tanah Kanaan,[52] sasudah Terah, ayahnyo, maningga pado umua 205 taun.[53]
  • Abraham lah baumua 85 tahun kutiko Sarah mambarikan hambanyo Hagar kapado Abraham untuak mampunyoi anak; Wakatu itu mereka alah tingga di Kanaan salamo 10 tahun.[54]
  • Abram baumua 86 tahun katiko Hagar malahiakannyo Ismail.[55]
  • Abraham lah baumua 99 tawun kutiko inyo disunatkan.[56]
  • Abraham lah baumua 100 tahun kutiko Sarah malahiakan Ishak.[57]
  • Abraham maningga pado umua 175 taun, katiko Ishak baumua 75 taun, Ismael baumua 89 taun,[58] sadangkan Esau jo Yakub, cucu-cucu Ibrahim dari Ishak jo Ribka, katiko itu baumua 15 taun.[59]
  • David Rohl mampakiroan baso Abraham iduik sakitar taun 2000-1825 SM dan rajo Mesir nan ditamui Abraham adolah Nebkaure Khety IV dari Dinasti Kasapuluah Mesir.[60]

Silsilah

suntiang

Menurut catatan Alkitab, silsilah Abraham adalah sebagai berikut: Templat:Silsilah Abraham

Rujuakan

suntiang
Wikimedia Commons mampunyoi
media nan bahubuangan jo
Abraham
  1. ↑ Templat:Alkitab
  2. ↑ Templat:Alkitab
  3. ↑ Templat:Alkitab
  4. ↑ Templat:Alkitab
  5. ↑ Templat:Alkitab
  6. ↑ Templat:Alkitab
  7. ↑ Templat:Alkitab
  8. ↑ Templat:Alkitab
  9. ↑ Templat:Alkitab
  10. ↑ Templat:Alkitab
  11. ↑ Templat:Alkitab
  12. ↑ Templat:Alkitab
  13. ↑ Templat:Alkitab
  14. ↑ Templat:Alkitab
  15. ↑ Templat:Alkitab
  16. ↑ Templat:Alkitab
  17. ↑ Templat:Alkitab
  18. ↑ "Bible Timeline". biblehub.com. Diakses tanggal 2024-11-06. 
  19. ↑ Kronologi Alkitab
  20. ↑ Templat:Alkitab.
  21. ↑ Templat:Alkitab
  22. ↑ Templat:Alkitab
  23. ↑ Templat:Alkitab
  24. ↑ Templat:Alkitab
  25. ↑ Templat:Alkitab
  26. ↑ Templat:Alkitab
  27. ↑ Asy-Syu'ara' (26): 161-162
  28. ↑ Templat:Alkitab
  29. ↑ Templat:Alkitab
  30. ↑ Ibnu Katsir 2014, hlm. 219-220.
  31. ↑ "The Return of Hagar" ("Kembalinya Hagar"), komentar Parshat Chayei Sarah, Chabad Lubavitch.
  32. ↑ "Who Was Ketura?" ("Siapa Ketura"), Parashat Hashavua Study Center, Bar-Ilan University, 2003.
  33. ↑ "Parshat Chayei Sarah", Torah Insights, Orthodox Union, 2002.
  34. ↑ Bereshit Rabbah 61:4.
  35. ↑ "Jewish Encyclopedia, Hagar". Jewishencyclopedia.com. Diakses tanggal 2014-05-12. 
  36. ↑ 'Aishah 'Abd al-Rahman, Anthony Calderbank (1999). "Islam and the New Woman/ ﺍﻹﺳﻼﻡ ﻭﺍﻟﻤﺮﺃﺓ ﺍﻟﺠﺪﻳﺪﺓ". Alif: Journal of Comparative Poetics (19): 200. 
  37. ↑ Fatani, Afnan H. (2006). "Hajar". di dalam Leaman, Oliver. The Qur'an: an encyclopedia. London: Routeledge. pp. 234–36. 
  38. ↑ Templat:Alkitab
  39. ↑ Templat:Alkitab
  40. ↑ Templat:Alkitab
  41. ↑ Templat:Alkitab
  42. ↑ "The Return of Hagar" ("Kembalinya Hagar"), komentar Parshat Chayei Sarah, Chabad Lubavitch.
  43. ↑ "Who Was Ketura?" ("Siapa Ketura"), Parashat Hashavua Study Center, Bar-Ilan University, 2003.
  44. ↑ "Parshat Chayei Sarah", Torah Insights, Orthodox Union, 2002.
  45. ↑ Bereshit Rabbah 61:4.
  46. ↑ Templat:Alkitab
  47. ↑ Templat:Alkitab
  48. ↑ Kejadian 11:32; Kejadian 12:4
  49. ↑ Kejadian 21:5
  50. ↑ Kejadian 16, Kejadian 17
  51. ↑ Kejadian 17, Kejadian 21
  52. ↑ Kejadian 12:4
  53. ↑ Kejadian 11:32
  54. ↑ Templat:Alkitab
  55. ↑ Templat:Alkitab
  56. ↑ Kejadian 17:17 dan 24
  57. ↑ Templat:Alkitab
  58. ↑ Kejadian 23:1
  59. ↑ Kejadian 25
  60. ↑ Rohl, David (2002). The Lost Testament: From Eden to Exile – The Five-Thousand-Year History of the People of the Bible. London: Century. ISBN 0-7126-6993-0.  Published in paperback as Rohl, David (2003). From Eden to Exile: The Epic History of the People of the Bible. London: Arrow Books Ltd. ISBN 0-09-941566-6. https://archive.org/details/fromedentoexilee0000rohl. 

Daftar pustaka

suntiang

Templat:Adam hingga Daud

Diambiak dari "https://min.wikipedia.org/w/index.php?title=Abraham&oldid=3157945"