Balerong Sari Sulik Aia
Balerong Sari Sulik Aia adolah tampek musyawarah adaik dek masyarakaik desa Balai Lamo, Jorong Koto Gadang, Nagari Sulik Aia, Kecamatan X Koto Diatas, Kabupaten Solok, Sumatera Barat.[1] Balai lamo tanah medan nan bapaneh iolah tampek kegiatan pentas seni, olahraga, dan sagalo hal. Bahkan organisasi parantauan Sulik Aia Sapakek dan organisasi Ikatan Pamudo Pelajar Sulik Aia manjadian tampak ranahnyo Musyawarah Gadang dan Konferensi. Balerong Sari dinamoan pulo jo Balai Adaik. Balerong ko digunoan sabagai tampek musyawarah jo mufakaik para pamuko nagari dalam alam Minangkabau untuak mambicaroan masalah-masalah masyarakaik di Nagari Sulik Aia. Balerong ko indak punyo surang kaum, namun punyo basamo dari sabuah nagari. Balerong Sari ko sampai kini masih dipagunoan dek masyarakaik Nagari Sulik Aia. Pado bagian dalam ruangan, tampek duduaknyo mancirikan sabuah filosofi nan babunyi "tagak samo tinggi, duduak samo randah", sasuai jo bantuak tampek duduak di dalamnyo nan samo rato, memiliki arti indak ado perbedaan antaro masyarakaik biaso jo pangulu adaik satampek.
Arsitektur Bangunan
suntiangBalerong Sari memiliki arsitektur nan sarupo jo Rumah Gadang pado umumnyo nan ado di Sumatera Barat, bedanyo iolah Balerong Sari ko indak diagiah dindiang pado sakaliliang bangunanyo.
Balerong Sari ko barado di balakang kantua Wali Nagari Sulik Aia jo arena saluweh 25 x 25 m (225m2). Bangunan utamo baukuran 20 x 4,5 m jo ciri bagonjong. Sacaro kasaluruhan, bangunan ko tabuek dari bahan kayu, atok dari ijuak dan plafon dari buluah. Kasaluruhan bagian dindiang atau tiang bangunanyo bahiaskan jo ukiran tumbuh-tumbuhan. Janjang masuaknyo talatak di tangah-tangah yaitu pado bagian bawah bangunan. Pado bagian selatan bangunan alah tagak bangunan baru barupo pangguang sarato bangunan untuak malatakan tabuh, sadangkan bagian halamannyo alah dibuekan lapangan olahraga dek masyarakaik Nagari Sulik Aia.[2]