Zainal Abidin bin Ahmad
Tan Sri Zainal Abidin bin Ahmad (Melayu: زين العابدين بن أحمد; lahia 16 September 1895 – maningga 23 Oktober 1973 pado umua 78 taun),[1] labiah dikana jo namo Za'aba (atau dieja Za'ba ), adolah saurang panulih jo ahli bahaso Malaysia. Inyo mamodernisasi bahaso Malayu jo manabikan sarangkaian buku tato bahaso bajudul Pelita Bahasa pado taun 1936 di Universitas Pendidikan Sultan Idris. Buku tasabuik barisi padoman dalam mamodernisasi bahaso Malayu klasik, maubahnyo manjadi bahaso nan dipakai kini. Parubahan paliang signifikan adolah paralihan dari bantuak pasif konvensional ka bantuak sintaksis aktif modern.[2]
Zainal Abidin Ahmad | |
|---|---|
| زين العابدين أحمد | |
| Lahia | Zainal Abidin bin Ahmad 16 September 1895 |
| Maningga | 23 Oktober 1973 (umua 78) Petaling Jaya, Selangor, Malaysia |
| Resting place | Jalan Ampang Muslim Cemetery, Kuala Lumpur |
| Namo lain | Za'aba or Za'ba |
| Organisasi | Kongres Bahasa dan Persuratan Melayu |
| Pagarakan | Gerakan Akademik Malaya |
Inyo turuik marancang sistem Ejaan Za'aba untuak bahaso Malayu, nan diadopsi sabagai ortografi rasmi bahaso Malayu di Malaya jo negara penerusnyo, Malaysia, Singapura, jo Brunei, sampai digantian dek Ejaan Rumi Baru pado taun 1972.
Biografi
suntiang
Zainal Abidin lahia pado tanggal 16 September 1895 di Kampung Bukit Kerdas, Batu Kikir, Jempol, Negeri Sembilan, anak suluang dari tigo basudaro. Amaknyo banamo Intan Awaluddin (1877–1907), saurang katurunan Minangkabau, sadangkan apaknyo banamo Ahmad Ibrahim (1862–1927) adolah urang Bugis nan barasa dari kaluarga tapandang di Kapulauan Riau, nan manjadi satu-satunyo urang melek huruf di tampek asanyo.[3] Zainal Abidin baraja mambaco sajak baumua limo taun, balatiah manulih di ateh daun pisang mudo jo rantiang kayu sabagai alek tulihnyo. Hal iko manarik parhatian apaknyo, inyo kamudian mamutuihan untuak mambaliannyo papan tulih jo kapua. Hal iko samakin mamotivasi minek Zainal untuak manulih jo mambantu manyampurnakan katarampilannyo dalam manulih.[4]
Za'aba awalnyo basakolah di sakolah Malaya di Batu Kikir katiko baumua 12 taun. Kapandaiannyo di bidang akademis mamungkinkannyo untuak naiak ka kelas nan labiah tinggi. Apaknyo kamudian mamindahkannyo ka sakolah nan labiah dakek pado taun 1909, baharok anaknyo bisa manjadi ulama jo mampalajari ilmu Arab jo fiqih.[3] Inyo kamudian malanjuikan pandidikannyo ka Sekolah Menengah Kebangsaan St. Paul di Seremban, manjadi urang Malayu partamo nan mangikuti ujian Senior Cambridge pado taun 1915.[5]
Karier
suntiangZa'aba mamulai kariernyo sabagai guru di:
- 1916: English College Johore Bahru
- 1918: Maktab Melayu Kuala Kangsar
- 1923: Education Department, Kuala Lumpur
- 1924: Maktab Perguruan Sultan Idris, Tanjung Malim
- 1939: Information Department, Singapura, sampai 1942
- 1942: School of Oriental and African Studies, Universitas London, sampai 1951
- 1954: Universitas Malaya, Singapura, sampai 1959.
Za'aba suko mambaco sarato mampunyoi bakat manulih. Kabanyakan tulisannyo dimuek di surek kaba jo majalah lokal. Inyo manabikan sarangkaian monografi nan bakaitan jo bahaso Malayu, tamasuak Pelita Bahasa jo Ilmu Mengarang Melayu. Karya tarjamahannyo antaro lain kompilasi terjemahan karya-karya Shakespeare, Cerita-Cerita Shakespeare, nan ditabikan dek Percetakan Gudang Chap di Singapura.[3]
Karya
suntiangLinguistik
suntiang- Pelita Bahasa Melayu
- Pelita Bahasa Melayu (1948, Malaya Publishing House).
- Pelita Bahasa Melayu I (1954, Malaya Publishing House).
- Pelita Bahasa Melayu II (1957, MacMillan and Co).
- Pelita Bahasa Melayu III (1958, MacMillan and Co).
Antropologi
suntiang- "Malay Festivals: and some aspects of Malay Religious Life". Journal of the Malayan Branch of the Royal Asiatic Society. 22 (1 (147)): 94–106. 1949. ISSN 2304-7550.
Sajarah
suntiang- "Dato' Paroï, Were-Tiger". Journal of the Malayan Branch of the Royal Asiatic Society. 3 (1 (93)): 74–78. 1925. ISSN 2304-7550.
- "Some Malay Legendary Tales". Journal of the Malayan Branch of the Royal Asiatic Society. XXIV (1 (154)): 77–89. 1951. ISSN 2304-7550.
- "The Grave-Stone of Sultan Mansur Shah of Malacca". Journal of the Straits Branch of the Royal Asiatic Society (86): 386–388. 1922. ISSN 2304-7534.
- "The Origin of Some Malay Place-Names". Journal of the Malayan Branch of the Royal Asiatic Society. 3 (1 (93)): 79–82. 1925. ISSN 2304-7550.
Pangharagoan
suntiangPangharagoan Malaya
suntiang
Commander of the Order of the Defender of the Realm (PMN) – Tan Sri (1962)[6]
-_PMN.svg){kind=small}
Tampek banamo inyo
suntiangSajumlah institusi dinamoi manuruik namo inyo:
- Kolej Pendeta Za'ba, Universiti Kebangsaan Malaysia di Bangi, Selangor
- Kolej Pendeta Za'ba Universiti Putra Malaysia di Serdang, Selangor
- Kolej Za'ba, Universiti Pendidikan Sultan Idris di Tanjung Malim, Perak
- Za'ba Residential College, Universitas Malaya, Kuala Lumpur
Rujuakan
suntiang- ↑ "Zainal Abidin bin Ahmad (Za'ba)". arkib.gov.my. Diarsipkan dari versi asli tanggal 2018-09-06. Diakses tanggal 9 Januari 2024.
- ↑ Mohamed Pitchay Gani Bin Mohamed Abdul Aziz. BiblioAsia (National Library Board) 6 (2): 19-23. https://biblioasia.nlb.gov.sg/vol-6/issue-2/jul-2010/malay-script-secret-passage/.
- ↑ a b c "Biodata Tokoh - Pendeta Za'ba". Universiti Kebangsaan Malaysia. Diakses tanggal 9 Januari 2024.
- ↑ Norhalim Hj. Ibrahim; Aiani Sudeen (2008) (dalam bahaso ms). Za'ba,1895-1973 : perjuangannya belum selesai (edisi ke-Cet. 1.). Seremban: Lembaga Muzium Negeri Sembilan. ISBN 9789832877080.
- ↑ Syed Naquib al-Attas. Za'aba dalam kenangan. "Panji Masyarakat", Sept/Okt 1981
- ↑ "Senarai Penuh Penerima Darjah Kebesaran, Bintang dan Pingat Persekutuan Tahun 1962" (PDF).