Yeni Rosa Damayanti
Yeni Rosa Damayanti (lahia di Bandung, Jawa Barat, 3 Juli 1968; umua 56 taun) adolah surang panggiat jo pajuang demokrasi jo reformasi Indonesia. Namonyo sangek populer diawal jo patangahan taun 90-an. Katiko itu Yeni surang gadih rancak nan sangek barani manantang sarato mangkritik pamarentahan Soeharto jo Orde Baru-nyo nan masih sangek kuek. Panggiat LSM PIJAR ko sempat dipanjaro sataun karano kabaraniannyo manuntuik kapado MPR supayo Soeharto dibao kamuko Sidang Istimewa MPR pado taun 1993.[1]
Yeni Rosa Damayanti | |
|---|---|
 | |
| Lahia | 3 Juli 1968 |
| Kabangsaan |  Indonesia |
| Alma mater | Universitas Nasional, Jakarta |
| Karojo | Panggiat |
| Dikana dek | Panggiat Reformasi '98 |
Indak lamo sasudah bebas dari panahanan tu Yeni pai ka Balando manaruih-an pandidikannyo di Institute of Social Studies, Den Haag, Balando untuak kuliah soal Women & Development Studies. Di nagari Balando Yeni-pun indak pernah baranti manyuarokan demokrasi jo reformasi untuak Indonesia. Akibaik kagiatannyo tu Yeni-pun dipasulik untuak pulang ka tanah aia. Pamarentah malalui KBRI di Balando indak mambari izin papanjangan paspornyo, sahinggo Yeni indak dapek pulang ka Indonesia. Sasaat sasudah kajatuahan Soeharto Yeni-pun mandapek izin papanjangan paspor sahinggo inyo-pun pulang ka tanah aia sacapeknyo. Kapulangan Yeni disambuik dek kawan-kawan sapajuangannyo sasamo panggiat.[2]
Pandidikan
suntiang- Sekolah Dasar Bakti Polonia, Jakarta Timur
- SMAN I Boedi Oetomo, Jakarta
- Fakultas Biologi Universitas Nasional, Jakarta
- Institute of Social Studies, Den Haag, Belanda
Rujuak-an
suntiang- ↑ PIJAR - Penghargaan Pijar Demokrasi Archived 2012-01-17 di Wayback Machine. Apakabar, 06 Desember 1995. Diakses 8 Mei 2013.
- ↑ Yeni Rosa Damayanti: "Indonesia Berbeda Dibandingkan 30 Tahun nan Lalu" Archived 2013-02-09 di Wayback Machine. Tempo, 06 Juni 1998. Diakses 8 Mei 2013.
