Yaya Touré
Gnégnéri Yaya Touré (
lahia di Sekoura Bouaké, Pantai Gading, 13 Mei 1983; umua 36 tahun
) adolah pamain sipak bola Pantai Gading nan bamain sabagai pamain tangah untuak klub Liga Utamo Inggirih, Manchester City dan tim nasional sipak bola Pantai Gading.
Touré dikana ateh papaduan kacapatan, kamampuan passing, kakuatan fisik dan teknik nan dimilikinyo. Inyo marupokan saurang pamain serbaguna. Inyo parnah nio manjadi Panyerang salamo maso mudonyo, dan parnah bamain sabagai bek tangah, tamasuak katiko bamain untuak FC Barcelona di Final Liga Champions UEFA 2009. Inyo acok bamain sabagai galandang box-to-box dan acok baralih dari posisi defensif dan ofensif sapanjang patandingan.
Touré mamulai kariernyo bamain di klub ASEC Mimosas, Pantai Gading, nan mano inyo malakukan debutnya katiko baumua 18 tahun. Kamudian Inyo malanjuikan kariernyo di Eropa jo bagabuang jo klub di babarapo liga nan babeda: Beveren di Belgia, Metalurh Donetsk di Ukraina, Olympiacos di Yunani, dan AS Monaco di Prancis dan Barcelona di Spanyol.
Karier klub
suntiangTouré parnah bamain untuak ASEC Mimosas di Pantai Gading, SK Beveren di Belgia, Metalurh Donetsk di Ukraina, Olympiakos di Yunani, dan AS Monaco di Prancis.
Monaco
suntiangSatalah mawakili Pantai Gading pado Piala Dunia 2006, Yaya Touré dikontrak dek klub Ligue 1 Prancis, AS Monaco, pado Agustus 2006.[1] Sampek mamiliki hubungan nan indak baik jo palatih László Bölöni, nan kamudian hari dipecat,[2][3] Yaya muncua manjadi pamain kunci di bawah asuhan pelatih anyar Laurent Banide dan manolong timnyo louluih dari jurang degradasi.[4] FC Barcelona pun tatarik pado dirinyo dan berhasil mangontraknyo pado musim panas tahun 2007.[5]
Karier internasional
suntiangTouré mamiliki karier internasional mentereng jo 74 caps untuak Pantai Gading, mawakili negara dalam panampilan patamo mereka di Piala Dunia FIFA di Jerman 2006, dan kembali tampil di Afrika Selatan 2010.
Touré alah mawakili Pantai Gading di Piala Afrika dalam limo turnamen, pado tahun 2006, 2008, 2010, 2012 dan 2013. Pado edisi tahun 2006 dan 2012, timnas Pantai Gading barakhia sabagai runner-up. Touré masuak dalam tim CAF turnamen tahun 2008 dan 2012
Gaya bamain
suntiangYaya Toure bamain tautamo sabagai galandang box-to-box, acok baralih inisiatif dari pola ofensif dan defensif katiko patandingan balangsuang. Kuncinyo ado pado kakuatan, passing dan kamampuan manembak. Inyo dikana karano kamampuan fisik nan acok dikombinasikan jo lungbursting nan bajalan dari lini tangah, dan alah disabuik sabagai "kareta manusia" dan "patuang raksasa" dek babagai pakar. Touré acok didorong ka muko adao bagian akhia dari patandingan, tautamo di patandingan kaduo tarakhia musim 2011-12 malawan Newcastle United di mano Touré mancatak duo gol di minik akhia untuak mamanangkan patandingan, dan manempekkan Manchester City di puncak klasemen.[6][7]
Kahidupan pribadi
suntiangYaya Touré adolah saurang Muslim, parnah manulak tradisi minum sampanye satalah patandiangan liga malawan Newcastle United karano bahubuangan jo kayakinan agamanyo.[8][9] Inyo adolah adiak dari pamain Liverpool dan timnas Pantai Gading, Kolo Touré. Inyo juo saudara dari pamain Makasa, Ibrahim Touré.
Rujuakan
suntiang- ↑ "Yaya Toure agrees Monaco move". BBC Sport.
- ↑ "Toure glad Boloni's gone". Sky Sports.
- ↑ "Monaco part company with coach Boloni". Diarsipkan dari versi asli tanggal 2012-07-15. Diakses tanggal 2019-09-11.
- ↑ "Yaya Toure a medal professional". Diarsipkan dari versi asli tanggal 2010-07-05. Diakses tanggal 2019-09-11.
- ↑ "Yaya Toure, the rock of Monaco". Diarsipkan dari versi asli tanggal 2013-12-11. Diakses tanggal 2019-09-11.
- ↑ "Mancini's switch puts City close to the title". Zonal Marking. 6 May 2012. Diarsipkan dari versi asli tanggal 31 December 2013. Diakses tanggal 11 September 2019.
- ↑ "Contact Support". Theirtactics.com. Diarsipkan dari versi asli tanggal 2012-05-13. Diakses tanggal 2019-09-11.
- ↑ "Not for me! Yaya Toure turns down man-of-the-match champagne on religious grounds". Daily Mail.
- ↑ "From barefoot kid to football colossus, how Yaya Toure became the biggest beat". Daily Mail.