Wikipedia:Pangalihan

Untuak manuju ka pangalihan interwiki, klik //min.wikipedia.org/w/index.php?title=X&redirect=no dan gantian namo laman (X) di ruang alamaik/address bar browser Sanak. Katikkan mulai jo huruf gadang dan gunoan garih bawah untuak spasi.

Untuak informasi umum manganai pangalihan/redirect pado MediaWiki, caliak meta:redirect — bagian dari Panduan Pangguno MediaWiki.

Pangalihan (redireksi, bahaso Inggirih: redirect) adolah sabuah fitur di Wikipedia dan situs-situs MediaWiki lainnyo untuak manaruihkan ciek laman ka laman lainnyo. Sabuah laman pangalihan (laman redireksi, bahaso Inggirih: redirect page) iyolah suatu laman indak baisi, salain sabarih kode:

#ALIAH [[Target]]

"Target" iyolah namo dari laman tujuan pangalihan. Jiko target iko manuju pado suatu halaman nan alah ado pado proyek nan samo, manggunoan pangalihan iko (malalui pranala pado laman lain, mangatiakkan langsuang di alamat URL panjalajah web, atau manggunoan tombol "tuju ka") akan manampilkan laman baru, saolah ajak mangikuik pranala, jo pambedo iyolah panjalajah web manampilkan URL asli, dan laman baru manampilkan posan pangalihan di bawah judul.

Ado banyak alasan bilo laman pangalihan parolu (atau dibateh):

• Pamindahan suatu laman atau mangganti judul laman (maágiah namo baru) - katiko surang mambuek suatu artikel bajudul "A", dek tu ingin mangganti judulnyo, mako dilakuan pangalihan atau pamindahan laman ka judul nan baru, misalnyo "B". Pado prinsipnyo nan dilakuan iyolah mambuek laman jo judul baru baisi nan samo jo isi laman lamo sadangkan laman bajudul lamo akan dialiahkan ka laman baru iko.
• Panggabuangan duo laman (atau labiah), atau katiko suatu subjek/topik alun layak badiri surang manjadi suatu artikel, dapek dibuek manjadi pangalihan. Bilo di maso mandatang subjek nan dialiahkan tasabuik alah punyo cukup pambahasan nan signifikan di sumber-sumber taparcayo, mako pangalihan dapek "dimatian" dan laman tasabuik dapek dibuek manjadi artikel mandiri.
• Katiko judul asli manganduang kasalahan, indak sasuai jo kaidah tata bahaso Minangkabau maupun padoman panulisan di Wikipedia bahaso Minangkabau, manggunoan istilah asiang nan ado padanannyo dalam bahaso Indonesia, atau alasan lainnyo, mako panyuntiang lain dapek juo mamindahkan laman tasabuik, indak haruih pangguno (Wikipediawan) nan mamulai artikel tasabuik.
• Katiko suatu laman ditulih/dilotakkan pado Ruang namo nan salah, misalnyo sabuah artikel nan ditulih di laman maota, atau surang Wikipediawan manulih draf artikel di bak kasiak pribadi, kudian satolah jadi ingin dipindahkan ka ruang namo utamo, mako laman tasabuik dapek dipindahkan ka ruang namo nan baru.
• Jiko ado alasan teknis, mako panguruih dapek mamindahkan sabuah laman
• Katiko ado parang pangalihan, atau manjago supayo suatu laman pantiang (misalnyo Laman Utamo) indak dipindahkan, mako panguruih dapek malinduangi suatu laman dari pangalihan

Sanak haruih masuak log sabalun dapek manggunoan fitur iko. Untuak malakuan pamindahan, gunoan menu "pindahkan" nan tadapek pado tab di ateh satiok laman.

Barikuik jinih-jinih pangalihan nan dapek ditomui di Wikipedia bahaso Minangkabau.

Pangalihan gando

Sabalun mambuek suatu pangalihan, pareso laman nan akan manjadi tujuan pangalihan banar-banar marupoan artikel nan diinginkan, bukan jua marupoan laman pangalihan nan lain.