Urang Toraja
Urang Toraja adolah etnis nan manatap di pagunuangan bagian utara Sulawesi Selatan, Indonesia. Populasinyo dipakirokan sakitar 1 juta jiwa, jo sakitar 500.000 di antaronyo masih tingga di Kabupaten Tana Toraja, Kabupaten Toraja Utara, jo Kabupaten Mamasa.[1] Mayoritas urang Toraja mamaluak agamo Kristen, samantaro sabagian maanuik Islam jo kapicayoan animisme nan disabuik sabagai Aluk To Dolo. Pamarintah Indonesia alah maakui kapicayoan iko sabagai bagian dari Agamo Hindu Dharma.[2]
| Toraja |
|---|
 |
| Anak-anak padusi Toraja pado alek panikahan |
| Jumlah populasi |
|
650.000[1] |
| Kawasan bapopulasi cukuik banyak |
| Sulawesi Barat, Sulawesi Selatan |
| Bahaso |
| Toraja-Sa'dan, Kalumpang, Mamasa, Ta'e, Talondo' dan Toala'. |
| Agamo |
| Protestan: 65,15%, Katolik: 16,97%, Islam: 5,99% dan Aluk To Dolo: 5,99%.[1] |
| Kalompok etnik takaik |
| Bugis, Makassar |
Kato toraja barasa dari bahaso Bugih, to riaja, nan aratinyo "urang nan tingga di nagari ateh". Pamarintah kolonial Balando manamoi etnis ko Toraja pado taun 1909.[3] Urang Toraja tanamo jo ritual pamakaman, rumah adaik tongkonan sarato ukiran kayunyo. Ritual pamakaman Toraja marupokan padok sosial nan pantiang, biasonyo dihadiri dek ratusan urang dan balansuang salamo babarapo ari.
Sabalun abaik ka-20, urang Toraja tingga di kampuang-kampuang otonom. Urang-urang masih maanuik animisme dan alun tapangaruah dek dunia lua. Pado mulo taun 1900-an, misionaris Balando tibo jo manyebarkan agamo Kristen. Sasudah samakin tabukak pado dunia lua di taun 1970-an, kabupaten Tana Toraja manjadi lambang palancongan Indonesia. Tana Toraja dimanfaatkan dek pangambang pariwisata jo dipalajari dek antropolog.[4] Masyarakaik Toraja sajak taun 1990-an maalami transformasi budayo, dari masyarakaik bakapicayoan tradisional jo sawah, manjadi masyarakaik nan mayoritas baragamo Kristen dan maandalkan sektor pariwisata nan taruih maningkek.[5]
Rujuakan
suntiang- ↑ a b c "Tana Toraja official website" (dalam bahasa Indonesia). Diarsipkan dari versi asli tanggal 2006-05-29. Diakses tanggal 2006-10-04.
- ↑ Kutipan rusak: Tag
<ref>indak sah; indak ado teks untuak ref banamoVolkman1990 - ↑ Nooy-Palm, Hetty (1975). "Introduction to the Sa'dan People and their Country". Archipel. 15: 163–192.
- ↑ Adams, Kathleen M. (January 31, 1990). "Cultural Commoditization in Tana Toraja, Indonesia". Cultural Survival Quarterly. 14 (1). Diarsipkan dari versi asli tanggal 2007-09-27. Diakses tanggal 2007-05-18.
- ↑ Adams, Kathleen M. (Spring 1995). "Making-Up the Toraja? The Appropriate of Tourism, Anthropology, and Museums for Politics in Upland Sulawesi, Indonesia". Ethnology. 34 (2): 143. doi:10.2307/3774103. ISSN 0014-1828. Diakses tanggal 2007-05-18.
