Urang Ratahan

Ratahan (Pasan, Bentenan atau Bentenen) adolah kalompok etnis atau suku banso Indonesia yang barasa dari daerah bagian tenggara di Kabupaten Minahasa, Provinsi Sulawesi Utara, Indonesia. Suku iko tamasuak salah satu sub-suku minahasa yang mandiami wilayah kacamatan Rantahan, suku iko juo tasebar di sakitar kota jo kampuang-kampuang yang ado di Rantahan sarupo: Wioi, Wiau, Wongkai, Rasi, Molompar, Wawali, Minanga, jo Bentenan. Populasi iko di pakirokan sagadang 15.000 Jiwa pado sensus taun 1989.

Suku Ratahan Pasan , "Bentenan", "Toulumak"
Jumlah populasi
1989: kurang lebih 15.000 Jiwa.
Kawasan bapopulasi cukuik banyak
Indonesia: Kecamatan Ratahan, Kabupaten Minahasa: 15.000 Jiwa
Bahaso
bahaso Toratan (suatu bahasa Austronesia)
Agamo
Mayoritas Kristen, Protestan, dan ada sedikit yang beragama Islam, kemudian Hindu.
Kalompok etnik takaik
Suku Pasan, Sub-Suku Minahasa.

Banyak yang hampia salah sangko kalau Ratahan jo suku Pasan ko adolah ciek suku padohal duo suku ko babeda dan samo-samo masuak kadalam sub-suku Minahasa. Suku urang Ratahan jo Pasan ko tingga di ciek wilayah yang samo, dan karano itu suku iko susah untuak di bedakan, dan juo manggunokan Bahaso yang samo iolah bahaso yang banamo Toratan, iolah bahaso yang mampunyoi ciri-ciri hampia mirip jo bahaso ras Austronesia.

Suku Ratahan dahulunyo banamo suku Toulumak, suku iko barasa dari Pakasa'an yang tadiri dari duo Walak, yaitu Toulumak (kini ko manjadi suku Ratahan) samo ciek lai suku Tausuraya (kini ko manjadi suku pahan).

Sijarah

Suku urang Ratahan iko dulunyo iolah suku nan independen dan barulah taun 1690 bagabuang joo pasarikatan Minahasa. Manuruik sijarahnyo urang suku ratahan ko juo barasa dari Minahasa, tapi urang suku ko baparang dan mulai pindah ka Sulawesi Utara, kamudian urang tu baliak ka Minahasa walau pun indak pasti pado tahun barapo kamudian mamiliki katakaitan darah maso lalu jo suku Minahasa, sahinggo baliak manggabuangkan diri dalam adat-istiadaik Minahasa.

Manuruik urang suku Minahasa, disabuikkan urang kaum Taranak yang di pimpin samo urang nan banamo Tonaas Wuntu, manuju ka Bentenan, dan urang ikolah yang disabuik urang suku Ratahan. Sadangkan ado juo yang manuju ka Towuntu (Liwutung) dan suku iko di sabuik jo suku Tou Pasan. Sakalompok urang Tou Pasan mangadokan Tumani dan bamukim di Tawawu (Tababo), Belang dan Watuliney, babarua jo panduduak sakitar iolah suku Taranak Ponosakan, yaitu kaluargo Butiti, Wumbunan, dan Tubelan yang tibo dari Wulur Mahatus (Pontak) , dan urang ko di sabuik suku banamo Tou Ponosakan.

Kapicayoan

Urang Ratahan pado maso lalu manganuik kapicayoan tradisional yang basifat Monoteisme, jo manggabuangkan unsur Animisme. Pado saat banso eropa datang ka Minahasa, agamo Kristen di tarimo jo lapang dado samo urang Minahasa. Pado mulonyo agamo Kristen di sebarkan samo misionaris dari Spanyol dan Portugis di abad ka-16 jo 17 dan lanjuik ka abad 19, dan sasudah itu Balando masuak ka Minahasa agamo Kristen Protestan baru bakambang di Minahasa, dan banyak yang pindah ka Protestan. Panyebaran Agamo Protestan iko di sebarkan oleh saurang tokoh yang banamo Zendeling (pakaba Injil dari Balando) yang bakabansoan Jerman jo Balando.

Mato pancaharian

Rato-rato urang suku Ratahan ko baprofesi sabagai Patani, mananam Padi, Sayua, jo buah-buahan. Ado juo babarapo tanaman kareh sarupo Cangkeh, Kopra, dan salak sabagai tanaman utamo urang ko. Kamudian untuak kaum padusi biasonyo baprofesi sabagai panenun atau indak manolong karajo kaum laki-laki untuak manjua hasil kabunnyo, kamudian suku Rantahan ko kini alah ado pulo nan bakarajo sabagai Pagawai, Kariawan, padagang, jo Guru.

Katurunan dan pambagian tanah ulayat

Sabagai mano yang alah disabuik di ateh kalau urang suku Ratahan iko iolah masih ciek kaluarga atau sadarah jo suku Minahasa, urang ko punyo sistim katurunan yang disabuik Walak, Walak manuruik kamus bahaso Tontembonan yang di kutip dari Prof G.A Wilken Taun 1912 barati, Walak adolah Gabang katurunan rombongan panduduak. Jadi walak iko manganduang duo pangertian yaitu nan partamo iolah sarombongan panduduak dan kaduo iolah sacabang katurunan dan wilayah yang didiami. Kamudian ado namonyo kapalo Walak yang bararti pamimpin panduduak sacabang katurunan. Tu'ur Imbalak marupokan wilayah pusat panduduakkan tampek partamo sabalum masyarakaik mambantuak cabang-cabang katurunan.

Mawalak artinyo sistim mambagi tanah sasuai banyak cabang katurunan, Ipawalak aratinyo pambagian tanah badasarkan jumlah anak generasi partamo, indak tamasuak cucu jo cicit.

Panggabuangan babarapo Walak yang punyo ikatan kaluargo dan dialek bahaso sarato "peposanan" mambantuak sabuah "Pakasa'an" sahinggo kapalo-kapalo Walak Pakasa'an di abad 17 harusla katurunan dotu, Supit, Lontoh, jo Paat. Pakasa'an nan paliang tuo manuruik A'asaren Tuah Puhuhna yang mano ditulis samo J.G.F Riedel Taun 1870 adolah banamo ToungKimbut di wilayah Salatan Minahasa sampai mongondouw, Tountewoh di Tombatu sampai ka utaro pantai Likupang di sabalah timua minahasa dan Tombulu di balahan barat Minahasa dari sarongsong sampai pantai utaro Minahasa.

Manuruik carito babarapo urang gaek kaluargo Minahasa, masih ado duo Pakasa’an dalam carito tuo Minahasa yang pai ka wilayah Gorontalo (kini ko turunan opok Suawa) dan Tou-Ure yang tingga manatap di pagunuangan Wulur – Mahatus. Tou-Ure artinyo urang lamo. Manuruik teori pambantuakkan masyarakaik pandukuang jaman batu gadanng atau “megalit” tulisan Drs. Teguh Asmar dalam makalahnyo “Prasejarah Sulawesi Utara” taun 1986. Jaman Megalit tabantuak sakitar 2500 taun sabalum Masehi, contoh jaman batu gadang adolah mamusatkan upacara adat di batu-batu gadang sarupo Watu Pinawetengan. Jaman batu baru atau jaman Neoit di Sulawesi Utara dimulai taun Milenium partamo sabalum masehi atau sakitar saribu taun sabalum masehi. Contohnyo pambuatan batu kubur Waruga. Pado wakatu itu urang Minahasa yang babudaya Malesung alah mangenal pamarintahan yang taratur dalam bantuak kalompok Taranak sacabang katurunan misalnyo turunan opok Soputan, Makaliwe, Mandei, Pinontoan, Mamarimbing, pamimpin tatinggi urang tu adolah yang bagala Muntu-Untu, yang mamimpin musyarah di Batu Pinwetengan pado abad ka-7.

Budaya

Ambik Anak merupakan sistem perkawinan dalam tradisi suku Ratahan yang membebaskan pihak laki-laki dari kewajiban membayar mahar, tetapi dengan syarat suami tinggal bersama keluarga pihak dan istri dan garis keturunan anak bersifat matrilineal.

Kriya

Tenun khas etnis Ratahan

Bentenan

Bentanan Marupokan budaya urang suku Rantahan khususnyo kaum padusinyo urang rantahan yang pandai bana manenun, dan biasonyo urang padusi kaum rantahan manjua hasia tanunannyo ko untuak manambah panghasilan, kain tanun iko biaso di buek dek kaum padusi suku rantahan dari Kapeh atau indak biasonyo mamakai serat ulek sutra malalui caro-caro tradisional.