Urang Lubu

Suku Lubu adolah suku nan mandiami wilayah perbatasan antaro Sumatra Utara jo Sumatra Barat. Urang ko dikana alah muncua sajak lamo, jauah sabalun suku-suku lainnyo tarutamo di Sumatera Utara mode Batak dan Melayu. Mayoritas urang ko mandiami Sumatera Utara bagian selatan, dan hinggo tahun 2014 populasi uran ko diparkirakan mancapai 45.000 urang.

Urang Lubu

Total populasi
Sakita 45.000 jiwa
Kawasan jo populasi nan signifikan
Indonesia. Perbatasan Sumatra Utara jo Sumatra Barat
Bahaso
Bahaso Lubu
Agamo
Hindu, Animisme

Sijarah

Pado zaman dulu, Urang Lubu iduik sacaro nomaden di pedalaman hutan Sumatera. Dek karano itu, Urang Lubu alah lamo mandiami wilayah itu sabalun kamunculan suku-suku lainnyo di Sumatera Utara. Tapi sasudah ribuan tahun tajadi pambauran budaya jo Urang Batak jo suku Melayu, sahinggo kini walaupun inyo tatap mangaku kalau inyo marupokan Uran Lubu, tapi budaya dan adaik-istiadatnyo alah terpengaruh sabahaian jo suku Mandailing dan Urang Padang Lawas.

Karakteristik

Berdasarkan pangalompokan ras, Urang Lubu tamasuak ras Weddoid, jo karakteristik kulik itam, rambut karitiang, jo badan nan badagok. Karakteristik tu babeda jo Urang Batak pado umumnyo nan mayoritas marupokan katurunan Mongoloid.

Dalam kesahariannyo Urang Lubu manecek jo Bahaso Lubu, nan tagolong ka dalam rumpun Austronesia. badasakan data dalam "Language Atlas of Pacifik Area" (1983), panutua Bahaso Lubu bajumlah kurang labiah 30.000 urang. Bahasa Lubu kabanyakan manyerap parbendaharaan kato bahaso Mandailing dan bahaso Padang Lawas, dek karano itu Bahaso Lubu kadang diangok sabagai ciek dari dialek dari Bahaso Batak Mandailing.

Kabanyakan masyarakaik Uran Lubu iduik jo mananam tanaman atau bakabun. Urang Lubu masih tau sistem tabang-baka hutan untuak mambukak ladang untuak patanian nyo. Salain bacocok tanam, bagian dari inyo pun karajo di pakabunan kajai sabagai buruah. Salain itu, inyo masih manggunoan hutan untuak mamanuhi kabutuhan jo a nan paralu untuak hiduiknyo, jo caro baburuan dan mangumpua hasil hutan. Babarapo jenis binatang taranak, sarupo jawi, ayam, dan itiak., dan inyo juo paliharo untuak mamanuhi kabutuan untuak kaluarga.

Bahaso

Bahaso Lubu adolah salah ciek bahaso nan tamasuak dalam rumpun PAN nan sahari-hari masih dipakai dek suku Lubu sabagai alat komunikasinyo. Inyo mandiami daerah perbatasan antaro Provinsi Sumatera Utara dan Provinsi Sumatera Barat, Refleksi Fonologis Protobahasa Austronesia (PAN) pado Bahasa Lubu (BL) yaitu di sekitar pagunuangan Kulabu, barat lauik kota Lubuksikaping. Panutua Bahaso Lubu manuruik catatan Helbig (1931) bajumlah kurang labiah dari 2.200 urang,. Namun, berdasarkan data dalam Language Atlas of Pacifik Area (1983) panutuik BL bajumlah kurang labiah labiah 30.000 urang.

Bahaso Lubu tatok bastatus sabagai bahaso modern karano masih dipakai sabagai alat komunikasi di antaro sesama urang Lubu sampai kini Bahaso nan dipakai Urang Lubu adolah bahaso Lubu. Bahasa Lubu ko banyak manyerap parbendaharaan kato bahaso Batak Mandailing dan bahaso Batak Padang Lawas, dek karano itu bahaso Lubu ko kadang dianggok sabagai ciek dari dialek dari bahaso Batak Mandailing. Walaupun basuruah dari bahaso nan babeda, tapi siap maraso proses salamo berabad-abad, antaro bahaso Lubu jo bahaso Mandailing, tajadi pembauran, sahinggo bahaso Lubu nan kini hampia dakek dan mirip jo bahaso Batak Mandailing dan bahaso Batak Padang Lawas.

Suku Lubu ko kadang disamakan jo suku Siladang. Menurut babarapo tulisan, manyatoan bahwa Suku Lubu masih ado ikatan karabatan masa lalu jo suku Siladang. Tapi manuruik urang Siladang mereka babeda jo urang Lubu.

Hubungan antar suku

Ciek dari suku di wilayah Sumatera Utara, Urang Lubu menjalin hubungan jo babarapo suku nan masih dakek-dakek wilayah khususnyo Kabupaten Mandailing Natal. Ciek dari suku nan punyo hubungan erat jo Urang Lubu adolah Urang Ulu. Acok juo disabuik "Orang Tanah Hulu", masyarakaik Urang Ulu punyo pamukiman nan talatak di Desa Sibinail dan Desa Tamiang Mudo di kacamatan Muara Sipongi, Kabupaten Mandailing Natal, Provinsi Sumatra Utara. Diperkiraan populasi suku Ulu ko sakitar 135 kapalo kaluarga. Suku Ulu surang dipakiroan barasa dari Urang Rao di Minangkabau nan kabua ka Mandailing karano sabalun ado pambagian suku di kalangan Urang Minangkabau di jaman dulu nan manyababkan peperangan-peperangan. Samo urang-urang Lubu, inyo lari ka tangah hutan sahinggo iduiknyo manjadi taisolasi dan manjadi satangah primitif. Saroman jo suku Lubu, karajo urang suku Ulu adolah baladang dan baburu serta mangumpua hasil hutan, nan ditukaran jo panduduak suku Lubu. Senjato nyo antaro lain sumpit dan panah baracun. Dibandiangan jo urang suku Lubu, urang suku Ulu punyo rumah dan baju labiah ancak.

Siring bajalan wakatu, pangambangan budaya juo dirasokan dek suku-suku di Indonesia, salah cieknyo di Sumatera Utara tamasuak suku Lubu. Salain suku Ulu, ado ciek dari suku nan banamo suku Siladang. Suku nan juo disabuik Batak Siladang, iko dapek ditamui di perkampungan dalam desa Sipagapaga, Kacamatan Panyabungan. Populasinyo diperkirakan labiah dari 2000 urang. Suku Siladang marupokan suku pandatang, nan pado awalnyo diramalkan manampuah daerah Sibinail. Suku ko juo diduga bantuak hasil percampuran duo suku, Ulu dan Lubu. Inyo dulunyo untuak babarapo abaik tingga di Muara Sipongi. Agamo nan dianut adolah Hindu yang bakaliran animisme. Karya masyarakat suku Ulu adolah baburu dan batani, nan hasilnyo ka dibarter jo hasil patanian suku Lubu. Dalam kesahariannyo, suku Siladang mangumpuakan jo manggunoan bahaso Siladang nan masih serumpun jo Bahaso Mandailing jo babarapo pabedaan. Adopun sacaro geograpis, masyarakaik Urang Siladang tingga di lambah pabukitan Tor Sihite nan di bagian Timur, Utara, dan Selatan babateh langsuang jo wilayah pamukiman Urang Mandailing.