Wikipedia

Urang Kalang

Urang Kalang atau Wong Kalang adolah ciek dari sub suku di masyarakaik Jawa. Inyo ado sajak zaman karajaan-karajaan Nusantara. Tapi dek suatu

Urang Kalang
Jumlah populasi
Kawasan bapopulasi cukuik banyak
 Indonesia, Jawa
Bahaso
Bahaso Kalang, Bahaso Jawa
Agamo
Islam, Animisme

lain hal, inyo dikucilkan dek masyarakaik mayoritas wakatu itu. Pangucilan itu nan maawali adonyo sabutan Kalang.[1]

Cikal bakal Urang Kalang suntiang

Kato "kalang" barasa dari bahaso Jawa nan aratinyo "bateh". Lingkup sosial urang-urang ko sangajo dibateh dek urang (atau dikalang) dek otoritas atau masyarakaik mayoritas wakatu itu. Urang Kalang sangajo diasiangkan dalam kahidupan masyarakaik luweh, Dek dulu ado anggapan kalau inyo lia dan babahayo.[1]

Istilah "kalang" partamo ditamui dalam prasasti Kuburan Candi di Desa Tegalasari, Kawedanan Tegalharjo, Kabupaten Magelang, nan batulihan tahun 753 Saka (831 Masehi). Jadi dapek dikatoan, suku ko alah ado sajak Jawa alun tau jo agamo Hindu.[2]

Manuruik mitos urang kalang adolah maestro tukang candi nan sacaro fisik babadan kuek jo badagok. Ado kamungkinan datang dari Khmer atau Kamboja di mano urang kuek di nagari tu diaratikan sabagai urang k'lang (មនុស្សខ្លាំង). di mano mode awak tahu candi di nagari Khmer punyo kamiripan jo candi di Jawa,[2]

Setelah agamo Hindu masuak, Wong Kalang samakin tasisiah dek sistem kasta nan ado pado wakatu itu, dek indak jaleh nenek moyangnyo. Urang Kalang pun dipaso tingga di daerah-daerah pangasiangan, mode pantai nan bapaya-paya, tapi sungai, lereang-lereang gunuang nan tinggi, jo tanah-tanah tandus. Sebagian lainnyo iduik nomaden dari hutan ka hutan. Lingkungan nan kareh tu mambuek inyo manjadi urang kareh. Jadi, pihak otoritas Karajaan Majapahit wakatu itu manggunoan tanahnyo untuak proyek-proyek fisik baskala gadang, antaro lain sabagai penebang kayu, kang angkuik, kadang-kadang juo parajurik tempur di medan paparangan nan dibawok dari sekitar gunuang Lawu, yaitu desa Kalang kabupaten Magetan.[2]

Alasan orang Kalang dikucilkan suntiang

Disabuikkan dalam buku Javaansch Nederduitsch Woordenboek[3] kalau kalang adolah namo suatu etnis di jawa nan dulu iduik di sekitar hutan, dan inyo diduga punyo asa katurunan nan hino. Sacaro fisik, manuruik Pieter Johannes Veth,[4] Urang Kalang memang punyo fisik nan lain jo panduduak lokal. Inyo labiah mirip jo suku Negrito di Filipina nan kulitnyo legam dan mampunyoi abuak karitiang. Urang Kalang juo dianggap pandatang dari Kedah, Kelang, dan Pegu pado tahun 800 Masehi.[4]

Dengan babarapo beda fisik dan latar belakang tu, urang Kalang mamiliah iduik mamisah diri dari pamukiman warga lainnyo. Akhirnyo, oleh otoritas Karajaan Hindu wakatu itu, inyo dicap ndak punyo kasta (kaum paria). Samakin gadanglah jarak antaro inyo jo masyarakat umum. Dek dalam sistem kasta, urang nan indak bakasta indak buliah berhubungan jo urang nan bakasta, walau itu urang dari kasta paliang bawah (Sudra).[4]

Walaupun baitu, hubungan karajo tatap tajalin sesekali. Namun, dek karakter urang Kalang nan kareh, lia, jo babahayo, acok tajadi hal-hal nan indak diinginkan. Di antaro lain pambangangan urang Kalang, sarupo tatulih dalam penelitian Hery Santoso. Dicapangan dalam buku Perlawanan di Simpang Jalan: Kontes Haria di Desa-Desa Sakitar Hutan di Jawa (2004), urang Kalang mangarajoan aksi panaangan kayu sacaro lia (h. 73-78).[5]

Mitos-mitos Urang Kalang suntiang

Dek asal-usulnyo nan idak jaleh dan jumlah anggota masyarakaiknyo yang saketek, Urang Kalang acok mandapek salah paham urang. Itulah mangko, di zaman dulu, inyo cenderung diindari dan dikucilkan. Indak hanyo itu, baedar juo mitos-mitos nan indak bisa ditanggauahan sacaro ilmiah. Babarapo di antaronyo sabagai berikut:[6]

Urang Kalang mampunyoi ikua suntiang

Mitos ko partamo kali dikaluaan dek Mitsuo Nakamura pado tahun 1983. Anthropolog Japang tu manyatoan bahwa urang-urang Kalang dulunyo adolah tawanan nan ditangkok dek Sultan Agung dari ekspedisinyo di Bali pado awal abad 17. Inyo dipicayo marupoan katurunan dari karo jo saurang putri, sahinggo punyo ikua pendek mirip karo.[6]

Urang Kalang adolah katurunan anjiang suntiang

Salain anggapan kalau urang Kalang marupokan blasteran kera, inyo juo dianggap katurunan anjiang. Urang Jawa punyo anggapan nan yo bana takhayul kalau Wong Kalang marupokan anak hasil parnikahan antaro surang padusi jo surang anjiang.[3]

Anggapan itu sabujurnyo indak tabantuak jo surang se. Dalam Gegumbregan Gegalungan, upacara nan kini alah jarang dikarajoan oleh masyarakaik Kalang, nampak bana ekspresi dan simbolisasi gerakan nan maniru parangai anjiang. Di antaro lain, partisipan upacara marangkak-rangkak mode anjiang. Hal ko dikarajoan supayo apo nan diinginkan dapek dikabuakan dek nenek moyangnyo. Anjiang dalam sistem upacara Galungan ko bisa dimanifestasikan juo dalam bantuak patuang ketek nan dilataan di muko urang nan marangkak tadi.[7][8]

Urang Kalang Sakti Mandraguna suntiang

Di era Majapahit, komunitas Kalang diagiah tugeh untuak manjago hutan supayo ndak masuak panyupup nan mambahayokan karajaan. Alasannyo, urang Kalang dianggap sakti. Salain itu, jo kesaktiannyo, inyo pun dipangajakan sabagai tukang candi. Ujarnyo, Wong Kalang mampu maangkek batu nan sangaik gadang. Katiko parjuang lawan suku Dayak nan sakti pun diketahui Majapahit banyak mambaok tentara Kalang, sahinggo akhirnyo mandapekan kemenangan gadang.[9]

Jo jasa-jasa ko, Majapahit maagiah ka kaum ko panghargaan. Tapi dek sipaik liarnyo, panghargaan tu kamudian dicabuik. Masyarakaik Kalang sabanta tu baliak dilapeh ka hutan. Inyo baanak pinak di sinan, sampai akhirnyo ciek-ciek kalua dari hutan dan mambaua jo warga lokal di Jawa.[9]

Urang Kalang kini suntiang

Siring jo pangambangan zaman dan indak balakuinyo sistem kasta, urang-urang Kalang alah banyak mambaua jo masyarakat lainnyo, antah dalam pargaulan sosial maupun pernikahan. Suku ko alah ditarimo elok di Indonesia. Bakcando itu pulo sabaliknyo, suku Kalang dapek juo manarimo urang-urang dari lua sukunyo.

Urang Kalang kini ko banyak tasaba di Provinsi Jawa Timur, Jawa Tengah dan Daerah Istimewa Yogyakarta, mode Magetan, Cilacap, Adipala, Gombong, Ambal, Petanahan, Kebumen, Bagelen, sampai wilayah Yogyakarta. Namun, di kalangan internal, tatap se ado pambagian kalompok,[1] yaitu:

  1. Kalang Obong: golongan Kalang dari laki-laki nan berhak untuak mengadoakan upacara Kalang obong, ritual ikonik Urang Kalang nan alah ditetapkan manjadi Warisan Budaya Takbenda pada 2018.
  2. Kalang Kamplong: golongan Kalang dari keturunan perempuan nan indak berhak maadoan upacara obong dek dianggap indak murni lai, dek alasan lakinyo barasa dari lua Urang Kalang.[1]

Sistem Kapercayaan suntiang

Sajak puluhan tahun, banyak di antaro Wong Kalang nan alah manjadi muslim dan manjalankan syariat-syariat Islam. Walaupun kabanyakan dari inyo masih setia malakuan upacara-upacara tradisionalnyo. Babarapo di antaro ritualnyo nan masih dikarajoan sampai kini ko bantuak Kalang obong (obong mitung dino dan obong mendhak, gegalungan gegrumbegan, nyayuti, dan macamnyo.[5]

Upacara-upacara sarupo ko sabujurnyo mamaraluan biaya nan indak saketek. Namun, hal ko tatap dipandang paralu dilakuan, karano tujuannyo untuak mangkumpuakan baliak anggota suku Kalang nan tasaba di babagai panjuru Indonesia, sambia ma ikuikan amanat leluhua inyo.

Ado juo urang Kalang nan alah malapeh identitasnyo. Inyo indak mangarajoan ritual-ritual khas kaum Kalang lai dan indak takuik ka tajadi sesuatu ka dirinyo.[5]

Mato Pancaharian suntiang

Karano alah bakulturasi dan adaptaa jo ancak, hampia indak ado parbedaan antaro urang Kalang jo ndak Kalang. Umumnyo, kahidupan Urang Kalang sangaik taratua dan makmua. Banyak katurunannyo nan sukses jadi wirausahawan.[5]

Rujuakan suntiang

  1. ↑ a b c d Paluseri, dkk, Dais Dharmawan (2018). Penetapan Budaya Warisan Takbenda Indonesia 2018. Direktorat Warisan dan Diplomasi Budaya, Direktorat Jenderal Kebudayaan, Kementerian Pendidikan dan Kebudayaan. p. 209. https://warisanbudaya.kemdikbud.go.id/dashboard/media/Buku%20Penetapan%20WBTb%202018.pdf. 
  2. ↑ a b c Suprapto, Hadi (2015-04-16). "Asal Usul 'Manusia Berekor' dari Kendal". VIVA.co.id. Diakses tanggal 2019-03-04. 
  3. ↑ a b Gericke, Johann Friedrich C. (1947). Javaansch Nederduitsch Woordenboek. Oxford University. p. 206. ISBN 9789814311915. https://books.google.co.id/books?id=TZsCAAAAQAAJ. 
  4. ↑ a b c Notosusanto, Marwati Djoened, Poesponegoro, Nugroho (2008) (dalam bahaso id). Sejarah Nasional Indonesia Jilid 4: Kemunculan Penjajahan di Indonesia. Balai Pustaka (Persero), PT. ISBN 978-979-407-410-7. https://books.google.com/books?id=IURPEAAAQBAJ&newbks=0&printsec=frontcover&pg=PA505&dq=Geographisch,+Ethnologisch,+Historisch+(Jilid+IV).&hl=id. 
  5. ↑ a b c d Muslichin (2011). "Orang Kalang dan Budayanya: Tinjauan Historis Masyarakat Kalang di Kabupaten Kendal". Institute of Southeast Asian Studies: 164-165. 
  6. ↑ a b Nakamura, Mitsuo (2012). The Crescent Arises Over the Banyan Tree: A Study of the Muhammadiyah Movement in a Central Javanese Town, C. 1910-2010. Institute of Southeast Asian Studies. p. 44. ISBN 9789814311915. https://books.google.co.id/books?hl=id&id=1o2OtdSTAvMC&dq=mitsuo+nakamura+kalang&q=tail+kalang#v=snippet&q=tail%20kalang&f=false. 
  7. ↑ Pontjosoetirto, Soelardjo (1971). Orang-Orang Golongan Kalang: Laporan 1: Hasil Penelitian Antropologis. Yogyakarta: Fakultas Hukum UGM Yogyakarta. p. 25. 
  8. ↑ Masruri, Bukhori (2021-10-27) (dalam bahaso id). Benantara. Kepustakaan Populer Gramedia. ISBN 978-602-481-655-1. https://books.google.com/books?id=X3BMEAAAQBAJ&newbks=0&printsec=frontcover&pg=PA78&dq=Orang-Orang+Golongan+Kalang&hl=id. 
  9. ↑ a b "Wong Kalang, Manusia Hutan Asli Jawa yang Konon Jadi Maestro Pembuat Candi". Boombastis.com. 2016-09-12. Diakses tanggal 2019-03-04. 
Diambiak dari "https://min.wikipedia.org/w/index.php?title=Urang_Kalang&oldid=2503967"