Urang Dondo
Urang Dondo marupoan suku bangso nan mandiami Kecamatan Dondo, Kecamatan Galang, jo Kecamatan Baolan di Kabupaten Buol Toli-Toli, Provinsi Sulawesi Tengah, Indonesia. Manuruik Ensiklopedi jumlah populasinyo sakitar 10.000 urang sadangkan manuruik Joshua Project jumlah populasinyo bajumlah 17.000 urang. Rato-rato urang Dondo ko baragamo Islam.[1][2] Urang Dondo manggunoan bahaso Dondo.[2]
| Urang Dondo |
|---|
| Jumlah populasi |
|
kurang labiah 17.000 Jiwa. |
| Kawasan bapopulasi cukuik banyak |
| Indonesia:
Sulawesi Tengah: Kabupaten Buol Toli-Toli 17.000 Jiwa |
| Bahaso |
| bahaso Dondo |
| Agamo |
| Mayoritas Islam |
| Kalompok etnik takaik |
| Suku Tomini |
Kahidupan masyarakaik suntiang
Salah satu caro hiduik urang Dondo iko iolah hiduik dengan caro batani. Sabagai bantuak raso syukur masyarakaik akan hasi pertanian nan malimpah, urang Dondo ko manggelar sabuah upacara. Upacara iko sabalumnyo sempat tahanti salamo 11 tahun lamonyo dan kambali dilakukan baliak pado tahun 2016.[3]. Salain batani urang Dondo bakagiatan pai baburu. Binantang buruan nan dicari di hutan biasonyo iolah babi, kijang, jo ayam lia. Untuak manangkok hasia buruang tasabuik urang Dondo manggunoan tombak, jarek atau parangkok, sarato jo panah, ditambah mambawo anjiang pamburu. Hasial panen lainnyo salain batani iolah hasil panen pisang, karambia, biji cokelat, jo kopi.[2]
Agamo suntiang
Urang Dondo sacaro umum mamaluak agamo Islam alah sajak lamo. Akan tatapi, banyak urang Dondo nan masih manjalankan praktik animisme, tarutamo bagi urang nan tingga di pagunuangan. Manuruik sijarah, urang Dondo manyimpan jasad anggota kaluarga di dalam sabuah batang pohon palem sagu nan alah dikaluaan isinyo. Kuburan tasabuik barado di halaman tampek tingga kaluarga, Kamudian para anggota kaluarga mangucapkan salamaik bapisah kapado roh dari jasad jo caro lalok di sakulilaing kuburan salamo babarapo hari.[2]
Bahaso suntiang
Urang Dondo dalam kasahariannyo bakomunikasi manggunoan bahaso Dondo. Bahaso Dondo tasabuik sabananyo bahaso asli di Kabupaten Parigi Moutong, Provinsi Sulawesi Tengah, Namun panyebaran bahaso iko jo panggunoannyo tadapek pula dibabarapo daerah sakitarannyo tamasuak di Kabupaten Toli-Toli dimana urang Dondo banyak bamukim. Bahaso Dondo tadiri ateh limo dialek, yaitunyo: Partamo, dialek Tialo ditutuaan di Desa Moutong Timur, Kecamatan Moutong, Kabupaten Parigi Moutong. Kaduo, dialek Dondo Toli-Toli ditutuaan di Desa Tinabogan jo Desa Malomba, Kecamatan Dondo, Kabupaten Toli-Toli. Katigo, dialek Dampelas ditutuaan di Desa Talaga, Kecamatan Dampelas, Kabupaten Donggala. Kaampek, dialek Dampal ditutuaan di Desa Tampiala jo Desa Bangkir, Kecamatan Dampal Selatan, Kabupaten Toli-Toli. Dan nak kalimo, Dialek Lauje ditutuaan di Desa Bobalo, Kecamatan Palasa, Kabupaten Parigi Moutong jo Desa Ogowele, Kecamatan Dondo, Kabupaten Toli-Toli.[4]
Namun demikian pambagian dialek dalam bahaso Dondo ko masih alum pasti, manuruik panaliti bahaso yaitunyo Wumbu dkk (1986) mangamukoan pandapaiknyo bahwasanyo dialek Tialo, dialek Dampelas, jo dialek Lauje marupoan bahaso nan tagak surang sarato babeda jo bahaso Dondo. Jadi, Tialo, Dampelas, Lauje, jo Dondo marupoan ampek bahaso nan babeda. Bahaso Tialo ditutuaan di Kecamatan Moutong jo Tomini, Kabupaten Parigi Moutong dan ditutuaan dek 42.735 urang; bahaso Dampelas (Dampelas-Sojol) ditutuaan di Kecamatan Balaesang, Kabupaten Donggala sarato di Kecamatan Dondo jo Galang, Kabupaten Toli-Toli nan dipakai atau dipagunoan dalam bakomunikasi kasaharian dek 250 urang; bahaso Lauje ditutuaan di Kecamatan Moutong, Tinombo, Tomini, Ampibabo, Kabupaten Parigi Moutong jo di Kecamatan Dondo, Kabupaten Toli-Toli.[4]
Upacara adaik suntiang
Mato pancaharian utamo urang Dondo iolah batani, mako dek karano itu katiko musim panen tibo urang Dondo salalu maadoan acara upacara adaik sarato jo syukuran ateh hasia panen nan diadoan di sawah. Kagiatan upacara adaik barupo syukuran tasabuik marupoan kagiatan nan alah turun tamurun samanjak zaman dahulu nan dilaukan dek masyarakaik katiko akan berakhirnyo musim panen. Dalam upacara adaik tasabuik satiok warga nan alah malaksanaan panen, manyarahkan sabagian ketek hasia panennyo untuak dibuek manjadi makanan tradisional nan bisa langusng sia untuak dimakan sacaro basamo-samoi, namun baiitu banyaknyo bahan makanan nan diagiaan tasabuik indak ditantuan scaro taparinci.[5]
Rujuakan suntiang
- ↑ Hidayah, Zulyani (April 2015). Ensiklopedi Suku Bangsa di Indonesia. Jakarta: Yayasan Pustaka Obor Indonesia. ISBN 978-979-461-929-2.
- ↑ a b c d Project, Joshua. "Dondo in Indonesia" (dalam bahasa Inggris). Diakses tanggal 2017-04-23.
- ↑ "Suku Dondo Gelar Upacara Adat Pascapanen". www.antarasulteng.com (dalam bahasa Indonesia). Diakses tanggal 2017-04-23.
- ↑ a b "Bahasa Dondo, Provinsi Sulawesi Tengah". Bahasa dan Peta Bahasa di Indonesia. Badan Pengembangan dan Pembinaan Bahasa, Kementerian Pendidikan dan Kebudayaan. Diakses tanggal 04-02-2023.
- ↑ Home; Terkini; News, Top; Terpopuler; Nusantara; Nasional; Sulteng, Seputar; Polhukam; Humaniora. "Suku Dondo Gelar Upacara Adat Pascapanen". Antara News Palu. Diakses tanggal 2023-02-04.