Anjiang

Anjiang, Lupak atau Gacik adolah mamalia nan alah mangalami domestikasi dari sarigalo sajak 15.000 taun nan lalu atau mungkin lah sajak 100.000 taun nan lalu badasar kapado bukti genetik barupa panamuan fosil jo tes DNA.

Anjiang aia Portugih, sajenis anjiang.

Terminologi

Istilah anjiang mangarah kapado serigala hasil domestikasi Canis lupus familiaris. Anjiang panah diklasifikasikan sabagai speseies nan babedo dari serigala, Canis familiaris, oleh Linnaeus pado tahun 1758. Pado tahun 1993, Lembaga Smithsonian jo Asosiasi Ahli Mamalia Amerika manatokkan anjiang sabagai subspesies serigala abu-abu Canis lupus. Di Indonesia, anjiang utan nan asli Pulau Sumatra dan Jao disabuik ajak.

Kapintaran

Pudel standar

Anjiang dianggok mampunyoi kapintaran nan cukuik tinggi manuruik panalitian ilmiah jo bukti-bukti lapangan. Tingkek kapintaran anjiang bagantuang pado ras dan masiang-masiang anjiang sacaro individu. Anjiang ras Border Collie takenal dapek mamatuahi jo manjalankan babagai macam parintah. Anjiang ras lain mungkin indak tatarik untuak manuruti parintah manusia, tetapi labiah suko manunjuakkan kapintaran dalam hal-hal lain saparti mangambalo binatang taranak.

Asa usua anjiang sabagai katurunan serigala nan hiduik bakalompoak mambuek anjiang jadi labiah mudah dilatiah dibandiangkan binatang lain. Sabagai anggota kalompoak, anjiang mampunyoi naluri untuak patuah. Sabagian gadang anjiang memang acok indak paralu barurusan jo tugaih nan payah-payah, sahinggo indak ado kasampatan baraja hal-hal nan payah saparti mambuka pintu tanpa bantuan manusia. Anjiang nan alah dilatiah sabagai anjiang panuntun bagi tuna netra dapek manganali babagai macam kaadoan bahayo jo caro mainda dari kaadoan tasabuik.