Urang Bali Majapahit

Suku Bali Majapahit marupokan salah satu suku yang mandiami wilayah pulau Bali yang dipangaruhi samo adat budaya Majapahit, yang barawal dari tujuan Mahapati Gajah Mada yang nyo mampasatukan Nusantara, basarato rombongan masyarakaik Majapahit tibo ka wilayah Bali. Adopun suku-suku yang mandiami pulau Bali iolah Bali Mula, Bali Aga jo Bali Majapahit, walaupun mayoritas marupokan Suku dari Bali Aga jo Bali Majapahit. Suku Bali Majapahit iolah suku yang berasal dari masyarakaik yang manganut kapircayoan Hindu jo adat istiadat Majapahit. Suku iko tibo sasudah adonyo utusan dari Majapahit. Zaman Bali Majapahit atau Urang Majapahit bamulo pado abad 14, yang tapeknyo katiko taun 1350 M,  pado maso Sri Kresna yang barasa dari Kepakisan Kediri sabagai utusan Gajah Mada untuak mandiami wilayah Bali.

Urang Bali Majapahit
Jumlah populasi
Kawasan bapopulasi cukuik banyak
Bahaso
Bali
Agamo
Hindu

Kekhasan suku Bali Majapahit dalam hal mato pancaharian iolah bacocok tanam di sawah, pado daerah dataran. Jo mampunyoi ciek subak atau ciek sumber mot aia yang samo. Suku Bali Majapahit juo diyakini mambarikan pangaruh gadang tahadap arsitektur Puri atau Keraton. Pangaruh Majapahit bakambang pado daerah pakraman bali pado wilayah dataran dan juo pangaruh kerajaan Majapahit iko bakambang di kampuang Menyali pado pakiroan taun 633 M. Pado awalnyo indak ado suatu konsep dasar pamukiman di desa Menyali katiko Majapahit masuak ka kampuang itu. Kampuang Menyali sasudah tu mampunyoi struktur konsep Tri Hita Karana. Hal iko dibuktian jo adonyo letak Pura Kahyangan Tiga, pamukiman panduduak, dan juo tampek setra agung. Kampuang Menyali marupokan tampek pacampuan adonyo kabudayaan Suku Bali Mula jo Suku Bali Majapahit, yang mampunyoi sikap saliang toleran dalam hal upacara ritual keugamoan, pamarintahan, ataupun parilaku kasaharian. Saliang toleransi iko tacarmin dari kagiatan upacara adat jo ritual dari Suku Bali Mula dan Bali Majapahit basamo-samo dalam manjalankan kagiatan di suatu Pura yang samo jo pamuko adat dari masiang-masiang suku saling batoleransi katiko malakukan ritual pado ciek tampek tatantu di Pura Kampuang, dan juo saliang toleran sarupo pambagian subak, maupun pamukiman di kampuang itu.

Pangaruh Puri/Keraton oleh Majapahit

Mandiami wilayah Bali bagi masyarakaik Majapahit bamulo dari ekspedisi yang dikarajoan samo Karajaan Majapahit pado taun 1343 M. Hal iko tabukti adonyo puri yang bararti istano atau keraton. Puri barasa dari kato pur yang mangartikan benteng patahanan. Balun ditamukan adonyo paninggalan siso bukti akan adonyo puri atau keraton dari Rajo-rajo Bali tadahulu sabalun pamarintahan tahun 1343 M, hal iko maagiah kayakinan kalau pangaruh Majapahit mambarikan kabangkitan adonyo Puri di wilayah Bali tasabuik. Rajo Bali nan tadahulu iolah Sri Asta Sura Ratna Bumi Banten yang alah dikalahkan samo karajaan Majapahit indak maniggahan jajak keraton/puri yang dipakirokan sakitar daerah Pejeng-Bedahulu.

Katiko Bali alah dikuasai Majapahit, dilantiklah raja Bali baru yang banamo Sri Kresna Kepakisan yang mandiami Puri atau kini ko disabuik banamo Kraton Samprangan daerah Gianyar. Puri Samprangan marupokan tampek pamarintahan sabagai pusaik dari Bali yang baru. Pado zaman kini ko daerah nan tasabuik tu marupokan daerah yang dikenang sabagai bakeh sarang tentara Majapahit, katiko Gajah Mada alah manaklukkan Rajo Bali iolah yang banamo Sri Asta Sura.

Sri Kresna Kepakisan yang barasa dari Majapahit iko me\ambarikan dampak yang dapek mampangaruhi sistim pamarintahan yang baru. Bangsawan-bangsawan yang tagolong dalam kalompok bangsawan elite ikuik ambiak peran dalam mambantuk lapisan-lapisan pamarintahan. Hal iko juo nan manjadikan dampak bagesernyo tahta dan peran dari bangsawan karajaan Bali Kuno.

Sri Kresna Kepakisan mangiriangi sijarah pado abad ka 17. Sasudah itu badirinyo puri-puri baru dari Kaurunan Rajo Gelgel ataupun para arya (bangsawan), sacaro kasaluruhan puri-puri tu didirikan ateh landasan dasar mampatahankan kasinambuangan pangaruah Majapahit. Indak hanyo itu sajo, Puri atau keraton Majapahit iko dijadian acuan dalam pandirian puri-puri sasudahnyo. Dalam aspek sosial puri sabagai tampet kadiaman rajo yang mampunyoi kuaso dari sagalo karajaan. Adopun dalam segi politik puri sabagai pusaik pamarintahan dalam suatu kerajaan.

Sijarah identitas Majapahit

Bamulo dari panaklukan Suku Bali Aga yang mandiami wilayah Bali talabiah dahulu sabalun Majapahit. Suku Bali Aga iko dipicayo marupokan sabagai Suku yang sulik untuak dikalahkan samo Mahapatih Gajah Mada yang baniek untuak mampasatukan Nusantara ko di wilayah Bali. Bali alah ditaklukan Gajah Mada pado taun 1343. (Ginarsa, 1968: 1; Yamin, 1957: 47-48). Hal iko bapangaruah ka adonyo segi sosial dan budaya, yang malahiakan pabedaan kelas-kelas sosial atau stratifikasi yang dipangaruhi samo kaum bangsawan atau biso dikecean feodal. Sabelum panaklukan Bali samo Majapahit, masyarakaik Bali mangenal stratifikasi sosial yang labiah tabukak dan egaliter yaitu basifat samo atau sadarajaik. Kadatangan Majapahit ikolah yang kini disabuik Suku Bali Majapahit atau Wong Majapahit dan Bali Asli iolah Suku Bali Aga. Suku Bali asli ikolah yang mambuek Majapahit mamerlukan wakatu Sambilan taun untuak manaklukan wilayah Bali.

Sasudah panaklukan Bali patih Gajah Mada mambarikan mandaik Sri Kresna Kepakisan pado taun 1352-1380 M yang diutuih sabagai rajo Bali yang mandiami istano Samprangan, Gianyar. Basamo jo 15 orang arya (gala untuak pegawai tingkek tinggi atau bupati dalam administrasi karajaan jawa pado zaman dahulu), Sri Kresna Kepakisan mambantuk kastanyo surang. Sri Kresna Kepakisan mampunyoi latar balakang sabagai Brahmana Majapahit yang barasa dari Kediri. Indak hanyo 15 arya sajo, tadapek 3 urang Wesia dan Prajurit Kaula Jawa ikuik ambiak andil dalam pamarintahan baru yang dipimpin samo Sri Kresna Kepakisan. Hal iko mambantuak suatu susunan pamarintahan yang bakambang di Bali sabagai Wangsa jo Soroh (sub-wangsa).

Ciri khas suku Bali Majapahit iko mampunyoi pangaruah gadang akan kapircayoan riligi yaitu agamo Hindu, Karano Sabab itulah Suku Bali Majapahit iko mampunyoi namo lain yaitu masyarakaik Bali Hindu. Masyarakaik Bali Hindu iko tagolong dalam ampek wangsa, yaitu Brahmana, Kesatria, Waisya, jo Sudra. Yang dinobatkan manjadi panguaso elite pamarintahan. Sadangkan Sri Kresna Kepakisan manduduaki diri sabagai tingkek wangsa Kesatria yang paliang tinggi samo disabuik sabagai Ksatrya Dalem. Para arya dari Jawa jo katurunannyo dinobatkan sabagai tingkek wangsa Kesatria yang disabuik arya pulo. Wangsa Waisya ditampati oleh katurunan Ton Kober, Tan Kaur, Tan Mundur. Sadangkan Wangsa Sudra marupokan masyarakaik dari Prajurit Majapahit dan masyarakaik Jawa yang alah babaruah jo masyarakaik Bali asli.

Bangsawan Majapahit yang mampuyoi kakuasaan mangakibaikkan adonyo dominasi jo pabedaan paham jo pandapek atau dualisme antaro lapisan masyarakaik Bali Majaphit atau Bali Hindu jo Bali asli atau Bali Aga. Hal iko disababkan karano Bali asli indak mampunyoi sistim wangsa akibaik kalah parang yang manjadi rakyat biaso. Sistim ikolah yang dibalakukan samo masyarakaik Suku Bali Majapahit atau wong Majapahit yang didominasi samo urang-urang panguaso dari bangsawan Jawa.

Sasudah Sri Kresna Kepakisan digantikan jo Putranyo yang banamo Agra Samprangan, hal iko indaklah batahan cukuik lamo, sasudahnyo kakuasaan digantikan samo Dalem Ketut Ngelesir pado taun 1380 M-1400 M, yang samulo barado di pura Samprangan, Gianyar dipindahan ka kraton Gelgel, Klungkung. Karajaan Gelgel iko yang manjadi istano gadang dan barubuangan antaro VOC jo istano Makassar. Gelgel iko alah bakuaso di wilayah Lombok jo Blambangan, yang masih tatap di bawah kakuasaan Majapahit.

Pariode maso kraton Gelgel iko, lapisan pamarintahan Bali mangalami pakambangan yang samakin rumik. Susunan lapisan Pamarintahan bakambang mirip kasta yang baitu tatutuik. Karajaan Gelgel iko yang akan dianggap manjadi kalanjutan kagadangan karajaan Majapahit. Kususnyo pado bidang kaugamoan Hindu. Jati diri kontemporer sacaro fungsi iko mangalami kalanjutan pado maso abad ka 21 oleh “Karajaan Majapahit Bali (Bali Post, 23 Agustus 2016).

Ksatrya Dalem yang marupokan katurunan langsuang dari Sri Kresna Kepakisan mangalami pakambangan dari generasi ka generasi yang mampunyoi ciri khas dalam manunjuakan jabatan pado masiang-masiang identitas stratifikasi. Dalam katurunan vertical dari Rajo Ksatrya Dalem mampunyoi jabatan I Dewa Agung (Raja), I Dewa bagi pria jo I Dewa Ayu bagi Wanita dan babagai macam variasi tagantuang dari Isteri. Sadangkan bagi arya sabagai pangikuik Kresna Kepakisan, yang mampunyoi jabatan I Gusti bagi pria dan I gusti Ayu bagi wanita yang mampunyoi variasi juo tagantuang pado isteri. Lalu untuak Waisya mampuyoi jabatan Gusi atau Si, yang bisuaknyo manjadi Gusti, karano Gusi atau Si dianggap kurang tinggi.

Pambarian galah atau jabatan baru mampunyoi dampak kabijakan politik yang alah dilakukan Gajah Mada yang mampunyoi tujuan untuak mamparoleh suatu raso kesetiaan dan pangabdian pado kakuasaan Majapahit. Strategi ikolah yang nantinyo dilakukan samo Belando pado abad 20 yaitu pado taun 1920 jo caro mambalakuan suatu galah baru untuak katurunan Ksatrya Dalem yang manjadikannyo Regent bagi jabatan Bupati pado daerah Bali yang dinamoi jo gelah baru Anak Agung atau Cokorda. Jabatan Cokorda bagi Regent wilayah Badung, Tabanan, dan Klungkung. Jabatan Anak Agung untuak Regent Jembrana, Buleleng, Bangli jo Gianyar. Galah Anak Agung lainnyo pado Regent Karangasem. Pado wilayah rajo bawahan di daerah Ubud untuak Regent Ubud mampunyoi galah Cokorda ataupun Anak Agung. Galah tadahulu Dewa jo Gusti mangalami kapunahan disababkan anggapan yang kurang tinggi.

Sambilan taun marupokan wakatu yang dibutuhkan untuak Majaphit dapek mangalahan wilayah Bali, walaupun harus babuek tipu daya. Pado taun 1343 jo taun 1380 Bali alah tunduak dengan pangangkatan Rajo Bali. Namun palawanan indak kunjuang baranti, kalompok masyarakaik suku Bali asli yang indak bisa manarimo kakalahan dan indak bisa manarimo kadatangan Majapahit, urang tu mangungsi ka wilayah pagunuangan Bali. Walaupun Majapahit alah marangkul tokoh-tokoh Bali Aga yaitu para Bendesa dan juo Pasek, namun indak saketek yang masih juo malakukan palawanan, sahinggo ado katagori Triwangsa jo Jaba Wangsa yang saliang balawanan. Kalompok Triwangsa iko mancari akar-akar niniak moyangnyo sampai ka Majapahit. Triwangsa dibedaan antaro katurunan langsuang raja (Dalem), sahinggo dikenal sabagai Kesatrya Dalem dan Ksatrya.

Baratuih taun nan alah balalu, kini Karajaan Majapahit memang indak ado lai, tapetnyo sajak taun 1478 M. Kini dalam kahidupan sosial memang indak ado lai kasta tatapi dalam babarapo pagaulan sacaro informal dalam kasaharian tadapek komunikasi akan status kabangsawanan atau antuk linggih. Dan kini kanyataannyo masih ado kasta dalam mobilitas tatutuik. Kini ko masih ado masyarakaik Bali yang mancari katurunan sah atau suatu legitimasi dari bangsawan yang bagalah arya dari Majapahit, Kediri atau dari Jawa. Urang masih bangga kalau inyo adolah katurunan Majapahit, yang mambarikan kasan dalam mampatahankan sistim asa muasa tadahulu dalam mancintoi diri.

Sistem ilmu pangatahuan

Lontar marupakan ciri suku Bali Majapahit. Hal iko sabagai sarana dalam pancatatan namo silsilah dengan mamakai huruf Jawa atau Aksara Jawa. Bahan Lontar dan aksara Jawa iko yang manunjuan kalau inyo adolah salah satu katurunan dari Suku Jawa atau katurunan Majapahit.