Universitas Islam Negeri Imam Bonjol Padang

Universitas Islam Negeri Imam Bonjol (UINIB) adolah paguruan tinggi Islam nagari di Kota Padang, Sumatra Barat. UIN Padang diagiah namo Imam Bonjol yaitu saurang Ulama jo Pahlawan Nasional Indonesia nan barasa dari Sumatra Barat. Badasaran Paraturan Presiden (Perpres) Nomor 35 tahun 2017, IAIN Imam Bonjol rasmi barubah manjadi UIN Imam Bonjol.[2]

Universitas Islam Negeri
Imam Bonjol
Rectorate of Imam Bonjol State Islamic University.jpg
Rektorat UIN Imam Bonjol
Tipe Paguruan tinggi Islam nagari
Didirian 29 November 1966
(Surek Keputusan Mantari Agamo RI No. 77/1966 tatanggal 21 November 1966)
Afiliasi Islam
Rektor Dr. H. Eka Putra Wirman, M.A.[1]
Address
Jl. Prof. Mahmud Yunus Lubuk Lintah
, ,
Colors Sirah
Website uinib.ac.id

SajarahSuntiang

UIN Imam Bonjol Padang awalnyo ditagakan sabagai Institut Agama Islam Negeri (IAIN) pado 29 November 1966, badasaran Surek Kaputusan Mantari Agamo RI No. 77/1966 tatanggal 21 November 1966. Jo Surek Kaputusan Mantari Agamo itu IAIN Imam Bonjol mampunyoi ampek fakultas, yaitu Fakultas Tarbiyah di Padang Fakultas Ushuluddin di Padang Panjang, Fakultas Syari’ah di Bukittinggi, jo Fakultas Adab di Payakumbuh.

Dalam babarapo taun kamudian tajadi panambahan Fakultas cabang di IAIN Imam Bonjol, yakni Fakultas Tarbiyah taun 1968 dan Fakultas Ushuluddin taun 1970 di Padang Sidempuan Sumatra Utara, Fakultas Dakwah taun 1968 di Solok, jo Fakultas Tarbiyah taun 1971 di Batusangkar. Pada tahun 1973 kaduo fakultas cabang di Padang Sidempuan bagabaung jo IAIN Sumatera Utara, jo samantaro Fakultas cabang di Batusangkar dan Bukittinggi.[3]

Sajak taun 1976 limo fakultas (Adab, Dakwah, Syari’ah, Tarbiyah, Ushuluddin) alah dipusatan di Padang, sabagai ibu kota provinsi Sumatra Barat. Tapi kabaradoan Fakultas Syari’ah di Bukittinggi jo Fakultas Tarbiyah d Batusangkar masih dipatahankan sabagai duo fakultas cabang. Sajak taun 1997 pamarintah malapehan sadoalah fakultas-fakultas cabang dari IAIN, STAIN tamasuak fakultas cabang IAIN Imam Bonjol Padang di Batusangkar dan Bukittinggi saat iko ado 33 STAIN sa-Indonesia. Badasaran Paraturan Presiden (Perpres) Nomor 35 taun 2017, IAIN Imam Bonjol rasmi barubah manjadi UIN Imam Bonjol.

Program/ FakultasSuntiang

Pado saat kini UIN Imam Bonjol mampunyoi 6 (anam) Fakultas jo Program Pascasarjana, yaitu:[4]

  1. Fakultas Adab dan Humaniora
  2. Fakultas Dakwah dan Ilmu Komunikasi
  3. Fakultas Syariah
  4. Fakultas Tarbiyah dan Keguruan
  5. Fakultas Ushuluddin
  6. Fakultas Ekonomi dan Bisnis Islam
  7. Program Pascasarjana S2 dan S3

GaleriSuntiang

RujuakanSuntiang

  1. "Rektor - IAIN Imam Bonjol Padang". Situs resmi UIN Imam Bonjol. Kasalahan: wakatu indak tapek. http://iainimambonjol.ac.id/informasi.php?p=15. Diakses pado 9 April 2017. 
  2. RESMI: IAIN Imam Bonjol Berubah Jadi UIN
  3. "Profil IAIN Imam Bonjol Padang" LPM Suara Kampus. Diakses 10 Januari 2015
  4. "Daftar Jumlah Wisudawan ke-77 UIN Imam Bonjol Padang". Suara Kampus. 8 April 2017. http://suarakampus.com/?mod=berita&se=detil&id=4589. Diakses pado 29 April 2017. 

Pranala luaSuntiang