Tunku Kurshiah dari Negeri Sembilan
Tunku Ampuan Besar Hajah Kurshiah binti Almarhum Tunku Besar Burhanuddin (tulisan Jawi: تونكو ڤوان بسر قرشية بنت المرحوم تونكو بسر برهان الدين; 16 Mei 1911 - 2 Pebruari 1999) adolah Tunku Ampuan Besar, permaisuri dari Negeri Sembilan mandampingi Tuanku Abdul Rahman. Katiko suaminyo itu manjadi Yang di-Pertuan Agong nan patamo dari taun 1957 hinggo 1960, inyo pulo manjadi Raja Permaisuri Agong patamo di Malaya.
| Kurshiah | |||||||||
|---|---|---|---|---|---|---|---|---|---|
| Raja Permaisuri Agong Malaya | |||||||||
| Bakuaso | 31 August 1957 – 1 April 1960 | ||||||||
| Panaruih | Raja Jemaah | ||||||||
| Tunku Ampuan Besar Negeri Sembilan | |||||||||
| Bakuaso | 21 April 1934 – 1 April 1960 | ||||||||
| Panaruih | Tunku Ampuan Durah | ||||||||
| Tunku Puan Besar of Negeri Sembilan | |||||||||
| Bakuaso | 1 April 1960 – 2 February 1999 | ||||||||
| Lahia | 16 Mei 1911 Seri Menanti, Negeri Sembilan | ||||||||
| Maningga | 2 Februari 1999 (umua 87) Kuala Lumpur, Malaysia | ||||||||
| Pamakaman | |||||||||
| Wangsa | Pagaruyung | ||||||||
| |||||||||
| Ayah | Tunku Besar Burhanuddin | ||||||||
| Mandeh | Che Puan Sharifah Alawiyah | ||||||||
| Pasangan | Tuanku Abdul Rahman (m. 1929–1960) | ||||||||
| Anak | Tuanku Bahiyah Tunku Shahariah | ||||||||
| Agamo | Islam | ||||||||
Kakak Tuanku Kurshiah, Tuanku Durah manikah jo anak tirinyo, Tuanku Munawir Ibni Al-Marhum Tuanku Abdul Rahman jo mandampingannyo sabagai Tunku Ampuan Besar pado taun 1960.
Mulo hiduik
suntiangKurshiah lahia pado tanggal 16 Mei 1911 di Seri Menanti, Negeri Sembilan, gadih suluang dari Tunku Besar Burhanuddin ibni Almarhum Tuanku Antah. Apaknyo ko iolah Tunku Besar Seri Menanti paliang lamo dalam sijarah Negeri Sembilan, dan sasakali manggantian Yamtuan Besar kalau bahalangan. Sabagai anggota kerajaan, inyo mandapek pandidikan awalnyo di Seri Menanti Malay School. Inyo pun manghadiri kelas privat bahaso Inggirih.[1]
Tunku Ampuan Besar
suntiangTuanku Kurshiah manikah Tuanku Abdul Rahman ibni Almarhum Tuanku Muhammad, Tuanku Muda Serting (anggota kerajaan Negeri Sembilan), sabagai bininyo nan katigo pado 21 Mei 1929. Palaminanyo baduo mambuahkan duo anak padusi; Tuanku Bahiyah, nan manjadi Sultanah Kedah dek pernikahannyo jo Abdul Halim rajo mudo Kedah, sadang Tunku Shahariah manjadi bininyo Tunku Abdul Rahman, Tunku Bendahara negeri Johor.[1]
Sasudah Tuanku Muhammad maningga pado taun 1933 dan Tuanku Abdul Rahman diangkek manjadi Yang di-Pertuan Besar baru, Tunku Kurshiah diangkek pulo manjadi Tunku Ampuan Besar, permaisuri Negeri Sembilan.[2]
Pado taun 1957, Tuanku Abdul Rahman dipiliah sabagai Yang di-Pertuan Agong patamo dari Malaya mardeka (kini Malaysia) dan inyo diangkek pulo manjadi Raja Permaisuri Agong atau Ratu patamo Malaysia.[3] Katiko suaminyo maningga pado taun 1960, Kurshiah mandapek gala Tunku Puan Besar Negeri Sembilan.[4] Inyo malanjuikkan hiduiknyo nan sederhana di Seri Menanti, sesekali bakunjuang ka Istana Kuala Cegar untuak maliek adiaknyo, Sultanah Bahiyah.[1]
Kontribusi sosial
suntiangPado taun 1954, Tuanku Kurshiah dipilah sabagai Presiden Girls Guides Negeri Sembilan, sabuah pandu. Inyo juo marupokan patron Institut Padusi Negeri Sembilan. Pado bulan Mei 1961, inyo mandirian Muslim Women Welfare Council dan sajak itu inyo manjadi Presiden Pendiri. Pado tanggal 27 Oktober 1974, inyo dianugerahi Medali Emas Tun Fatimah dek National Council of Women’s Organisations Malaysia untuak kontribusinyo dalam maningkekan standar padusi jo anak malalui kasejahteraan jo pandidikan.[1]
Kamatian
suntiangDek usianyo nan alah gaek jo sakiknyo, Tunku Kurshiah maningga dalam lalok pado pukul 4:50 diniari di Kuala Lumpur pado 2 Februari 1999. Jasadnyo dibaok dan disamayamkan di Istana Besar Seri Menanti dan dimakamkan Makam Diraja Seri Menanti, indak jauah dari situ.[1]
Kerabat Ratu-ratu
suntiangTunku Kurshiah basambuang tali kakarabatannyo jo kaluarga karajaan dari nagara-nagara lain, salain para Tunku Ampuan Besar Negeri Sembilan. Putrinyo Tuanku Bahiyah manjadi Sultan Kedah dek panikahannyo jo Tuanku Abdul Halim dan kudian manjadi Raja Permaisuri Agong ka limo mandampiangan suaminyo. Kadua adiaknyo manjabat pulo sabagai Tunku Ampuan Besar, nan partamo adolah Tunku Ampuan Durah nan manikah jo anak tirinyo Tuanku Munawir, nan kaduo iolah adiak bungsunyo Tuanku Najihah, nan manikah dengan anak tirianyo Tuanku Jaafar ibni Almarhum Tuanku Abdul Rahman. Tuanku Najihah pulo manuruik langkah Tunku Kurshiah jo manjabat sabagai Raja Permaisuri Agong ka-10 mandampingi Tuanku Ja'afar.[1]
Penghargaan jo pangkek
suntiang
Malaysia:
Kedah:
Anggota Royal Family Order of Kedah (DK) (29 February 1964)
Negeri Sembilan:
Anggota Royal Family Order of Negeri Sembilan (DKNS)
_-_SMN.svg){kind=small}
_-_DMN.svg){kind=small}
.svg){kind=small}
Tapak-tapak dari namonyo
suntiangPabagai tampek dinamoan dari namonyo, tamasuak:
- Jalan Tunku Kurshiah di Seremban, Negeri Sembilan
- Taman Tunku Kurshiah (taman nan ado di Seremban)
- Tunku Kurshiah College (diganti namo dari Maktab Perempuan Melayu)
- SK Tunku Kurshiah, sikolah dasar di Kuala Pilah, Negeri Sembilan
- SMK Tunku Kurshiah, sikolah menengah di Kuala Pilah, Negeri Sembilan
- Universitas Malaya juo mangganti namo Residential College Katigo manjadi Tunku Kurshiah Residential College.
Referensi
suntiang- ↑ a b c d e f A.i.l (2018-12-26). "WARISAN RAJA & PERMAISURI MELAYU: YMM Almarhum Tuanku Puan Besar Kurshiah, Lambang Kedaulatan Wanita Melayu". WARISAN RAJA & PERMAISURI MELAYU. Diakses tanggal 2024-01-21.
- ↑ Abdul Samad Idris (1961) Takhta Kerajaan Negeri Sembilan Utusan Printcorp Sdn Bhd
- ↑ (4 August 1957) Sunday Times, Singapore
- ↑ Mubin Sheppard (1960) The Death and Funeral of His Late Majesty Tuanku Abdul Rahman Malaya in History Vol 6 No. 1 Malayan Historical Society, Kuala Lumpur
- ↑ "Semakan Penerima Darjah Kebesaran, Bintang dan Pingat".
- ↑ "Semakan Penerima Darjah Kebesaran, Bintang dan Pingat".
| Gelar kebangsawanan | ||
|---|---|---|
| Didaului jo: Baru dibantuak |
Raja Permaisuri Agong | Digantian dek: Raja Jemaah (Tunku Ampuan Selangor) |