Tugu Pahlawan Kota Kinabalu
Tugu Pahlawan Kota Kinabalu (Bahaso Melayu "Monumen Pahlawan" atau "Monumen Prajurit") adoah sabuah monumen nan barado di Kota Kinabalu, Malaysia. Monumen iko dibangun dek pamarintah negara bagian Sabah untuak parayoan tahunan Hari Prajurit Negara Bagian Sabah. Monumen iko tapeknyo barado di kawasan taman hutan kota atau di sabuik juo jo namo Taman Ujana Rimba Tropika.
Sijarah suntiang
Pado Hari Paringatan (Hari Pahlawan; diparingati satiok tahun pado tangga 31 Juli), masiang-masiang negara bagian Malaysia mamparingati tentara nan maningga salamo Parang Dunia-2. Alasan dipilihanyo tangga tasabuik karano pado tangga tasabuik basamoan jo barakhianyo kaadaan darurat salamo duo baleh tahun pado tahun 1960. Dalam arti nan labiah lueh, hari paringatan tasabuik dipasambahan untuak manganang urang nan alah bakorban nyawo jo badannyo untuak negaranyo sapanjang sijarah Malaysia.[1]
Bantuak tugu suntiang
Pado bagian tangah tugu tadapek bagian nan di paek nan babantuak karucuik, bantuaknyo manyarupoi cangkang karucuik nan tapotong sarato di bagian mungko nyo tabukak leba. Tugu tasabuik tagak di ateh aleh nan babantuak lingkaran. Disampian tugu tadapek sabuah kolam aia nan babantuk pasegi. Diantaro kolam aia jo tugu tasabuik dibatahi dek lantai ubin dari simin nan babantuak pasegi pulo. Tadapek ampek jalan masuak ka dakek tugu nan manghubuangan bagain dalam tugu jo taman nan barado di sakitaranyo. Pado lempengan marmar itam di pintu masuak subalah baraik daya tadapek tulisan sarupo iko:[1]
TUGU PAHLAWAN
Tugu Pahlawan untuk mengabadikan Pahlawan-pahlawan Negeri Sabah
Lokasi suntiang
Monumen atau tugu iko barado di dalam Taman Ujana Rimba Tropika (Taman Hutan Hujan). Taman tasabuik mampunyoi luweh sakitar ampat hektar. Menuruik undang-undang di sinan, taman iko tamasuak tugu nyo dibangun untuak acara protokoler, rekreasi lokal, sarato manjadi tampek tujuan pambalajaran. Fasilitas nan dibangun maabian biaya sakitaran tigo juta euro. Pambiyaannyo dibiayai dari dana nan barasa dari dana asosiasi regional, kementerian pembangunan, jo pamerintah kota. Pambukaannyo balangsuang pado 12 April 2003. Pangelolaannyo barado di tangan Dewan Kota Kota Kinabalu. Taman iko tapeknyo barado di jalan Penampang, sakitar ampek kilometer dari pusek kota.[2]
Rujuakan suntiang
- ↑ a b "Rekindling the spirit of Warriors Day - Citizens Journal" (dalam bahasa Inggris). 2011-07-28. Diakses tanggal 2024-02-24.
- ↑ Taman Ujana Rimba Tropika Archived 2016-04-11 di Wayback Machine.; Zugriff am 10. Januari 2013