Tugu Bateh Linggajati

Tugu Bateh Linggajati marupoan tugu untuak maingekan pajanjian Linggajati (Desa Cillimus Kab. Kuningan Jawa Barat) ditagakan karano ado nyo pajanjian antaro Republik Indonesia jo Balando pado tanggal 25 Maret 1947. Tugu Bateh Linggajati ko dibangun pado taun 1985.

Pajanjian Linggajati marupoan pamuloan pangakuan kadaulatan RI dari Balando untuak daerah-daerah di pulau Jawa, Madura, jo Sumatera. Pasatujuan ko indak hanyo hadir baitu sajo, tapi alah ado parundiangan-parundiangan sabalumnyo di babarapo tampek di Jakarta, iyolah di Konsulat Inggeris, Kadiaman pihak Balando, Pegangsaan Timur No.56, dan pernah juo di kadiaman rasmi Perdana Menteri Sutan Sjahrir.

Sijarah

Parundiangan-parundiangan antaro RI jo Balando  ko balansuang salamo 10 ari, sajak tanggal 14-24  tahun 1946. Pado saat itu Balando mangundang delegasi RI ka nagarinyo di Hooge Veluwe. Pado awalnyo Balando hanyo mangajuan pangakuan kadaulatan untuak Pulau Jawa jo pulau Madura sajo. Usulan Balando di tolak dek delegasi Indonesia walaupun mereka diundang ka dalam acara kebesaran itu.

Satalah malakuan parundiangan nan alot antaro pamarintah RI jo Balando akhirnyo pado tanggal 25 maret 1947 pado pukul 17.30 tajadi pajanjian linggajati. Sedangkan di Padang tanggal 3 Mei 1947 parundiangan tajadi untukan manatakan garih demarkasi nan disetujui kaduo balah pihak iyolah Front Timur, Malintang dari selatan ka Utara sampai ka sungai Barameh, lubuak Bagaluang, jo kampuang kalawi. Front Utara, Nanggalo dari jalan raya sampai ka Tabiang tapi indak masuakan Satasiun Kereta api Tabiang. Parundiangan tasabuik bagian dari parundiangan linggajati Jawa Barat nan balaku untuak saluruh daerah kapandudukan Balando di Nusantara.