Taufiq Ismail

Taufiq Ismail gala Datuak Panji Alam Khalifatullah, (lahia di Bukittinggi, Hindia Balando, 25 Juni 1935; umua 89 taun), adolah surang panyair sarato sastrawan Indonesia.

Taufiq Ismail
Lahia	25 Juni 1935 Bukittinggi, Hindia Balando
Kabangsaan	Indonesia
Alma mater	Universitas Indonesia
Karojo	Sastrawan
Dikana dek	Panyair
Pagarakan	Angkatan '66
Urang tuo	A. Gaffar Ismail Sitti Nur Muhammad Nur
Panghargoan	- Anugerah Seni dari Pamarentah RI (1970) - Cultural Visit Award dari Pamarentah Australia (1977) - South East Asia Write Award dari Karajaan Thailand (1994)
Signature

Latar Balakang

Taufiq Ismail laia dari pasangan A. Gaffar Ismail (1911-1998) asa Banuhampu, Agam jo Sitti Nur Muhammad Nur (1914-1982) asa Pandai Sikek, Tanah Data, Sumatera Barat. Apaknyo adolah surang ulama sarato pandiri PERMI. Taufiq mahabihan maso SD di Solo, Semarang, jo Yogyakarta, SMP di Bukittinggi, sarato SMA di Pekalongan. Taufiq tumbuah dalam kaluarga guru jo wartawan nan suko mambaco. Taufiq alah bacito-cito manjadi sastrawan sajak masih SMA. Ateh piliahan surang, Taufiq manjadi dokter hewan sarato ahli pataranak-an karano nio mampunyoi bisnis pataranak-an untuak manafkahi cito-cito kasusastraannyo. Taufiq tamaik FKHP-UI Bogor pado 1963 tapi gagal punyo usaho taranak nan dulu dirancanaannyo di sabuah pulau di Selat Malaka.

Kagiatan

Samaso kuliah Taufiq giat sabagai Aktivis Palajar Islam Indonesia (PII), Katua Senat Mahasiswa FKHP-UI (1960-1961) sarato WaKa Dewan Mahasiswa UI (1961-1962).

Di Bogor pernah jadi guru di SKP Pamekar jo SMA Regina Pacis, mengajar pulo di IPB. Karano manandotangani Manifesto Kebudayaan, gagal malanjuik-an studi manajemen pataranak-an di Florida (1964) sarato dipecat sabagai dosen di Institut Pertanian Bogor. Taufiq manulih di babagai media, jadi wartawan, salah surang pandiri Horison (1966), sato mandirian DKJ jo jadi pimpinannyo, Pj. Direktur TIM, Rektor LPKJ jo Manajer Hubuangan Luar Unilever. Panarimo beasiswa AFS International Scholarship, sajak 1958 aktif di AFS Indonesia, manjabat sabagai Katua Dewan Pembina Yayasan Bina Antarbudaya, panyalanggaro patukaran palajar antarbangso nan salamo 41 taun (sajak 1957) alah mangirim 1700 siswa ka 15 nagaro sarato manarimo 1600 siswa asiang di siko. Taufiq tapiliah manjadi anggota Board of Trustees AFSIS di New York, 1974-1976.

Pangkategoriannyo sabagai panyair Angkatan '66 dek Hans Bague Jassin marisauannyo, misalnyo Taufiq pueh diri lalu proses panulisannyo jadi macet. Taufiq manulih buku kumpulan puisi, sarupo Malu (Aku) Jadi Orang Indonesia, Tirani dan Benteng, Tirani, Benteng, Buku Tamu Musim Perjuangan, Sajak Ladang Jagung, Kenalkan, Saya Hewan, Puisi-puisi Langit, Prahara Budaya:Kilas Balik Ofensif Lekra/PKI dkk, Ketika Kata Ketika Warna, Seulawah-Antologi Sastra Aceh, sarato nan lain-lain.

Banyak puisinyo dinyanyian Himpunan Musik Bimbo Archived 2013-02-14 di Wayback Machine., pimpinan Samsudin Hardjakusumah, atau sabaliaknyo Taufiq manulih lirik untuak mareka dalam karajo samo. Taufiq-pun manulih lirik untuak Chrisye, Yan Antono (dinyanyian Ahmad Albar) jo Ucok Harahap. Manuruiknyo karajo samo samacam ko pantiang supayo jangkauan publik puisi labiah laweh.

Taufiq acok mambaco puisi di muko umum. Di lua nagari, Taufiq alah mambaco puisi di babagai festival jo acara sastra di 24 kota Asia, Australia, Amerika, Eropa, jo Afrika sajak 1970. Dek Taufiq, puisi baru ‘mamparoleh tubuah nan langkok’ apobilo sasudah ditulih, dibaco di muko orang. Pado April 1993 Taufiq mambaco puisi tantang Syekh Yusuf jo Tuan Guru, para pajuang nan dibuang VOC ka Afrika Salatan tigo abaik nan lalu, di 3 tampek di Cape Town (1993), katiko apartheid baru dibongka. Pado Agustus 1994 mambaco puisi tantang Laksamana Cheng Ho di musajik kampuang kalahiran panjalajah samudra legendaris tu di Yunan, RRC, nan dibacoan pulo tajamahan Mandarinnyo dek Chan Maw Yoh.

Bosan jo kacandaruangan puisi Indonesia nan talalu sarius, di awal 1970-an, Taufiq manggarap humor dalam puisinyo. Santuahan humor taraso tarutamo dalam puisi bakaba atau narasinyo. Mungkin dalam hal iko indak ado kawan untuaknyo di Indonesia. Antologi puisinyo bajudul Rendez-Vous ditabik-an di Rusia dalam tajamahan Victor Pogadaev sarato jo ilustrasi dek Aris Aziz dari Malaysia (Rendez-Vous. Puisi Pilihan Taufiq Ismail. Moskow: Humanitary, 2004.)

Pangaragoan

Mandapek Anugerah Seni dari Pamarentah RI (1970), Cultural Visit Award dari Pamarentah Australia (1977), South East Asia Write Award dari Karajaan Thailand (1994), Panulisan Karya Sastra dari Pusek Bahaso (1994). Duo kali Taufiq manjadi panyair tamu di Universitas Iowa, Amerika Serikat (1971-1972 dan 1991-1992), lalu jadi pangarang tamu di Dewan Bahaso jo Pustaka, Kuala Lumpur (1993).

Bibliografi

• Ismael, Taufiq (1995) (dalam bahaso Bahasa Indonesia). Prahara Budaya:kilas-balik ofensif Lekra/PKI dkk.:kumpulan dokumen pergolakan sejarah. Bandung: Mizan dan H.U. Republika. pp. 469. ISBN 979-433-064-7. 
• Taufiq Ismail. Vernite Mne Indoneziyu (Kembalikan Indonesia Padaku). Puisi Pilihan. Diselenggarakan dan diterjemahkan dek Victor Pogadaev. Moskow: Klyuch-C, 2010, ISBN 978-5-93136-119-2
• Taufiq Ismail. Dengan Puisi Aku. 1 Puisi, 80 Bahasa, 80 Tahun. Terjemahan Puisi dalam 58 Bahaso Dunia dan 22 Bahaso Daerah. Prakata Prof. Victor A. Pogadaev. Jakarta: Horison, 2015, ISSN 0125-9016
• Taufiq Ismail. Dengan Puisi Aku. Dalam 60 Bahasa. Editor Victor Pogadaev. Kuala Lumpur: Esasatera Enterprise, 2016 ISBN 978-967-5043-68-0

Pautan lua

• Taufik Ismail Pukau Mesir Archived 2013-04-16 di Wayback Machine. KOMPAS.com, 12 April 2013. Diakses 11 Mei 2013.
• Di Mesir, Taufiq Ismail Menyindir Ariel Archived 2013-05-17 di Wayback Machine. Hidayatullah.Com, 20 April 2013. Diakses 11 Mei 2013.

Sumber

• Ismail,Taufiq. 2004. Malu (Aku) Jadi Orang Indonesia. Jakarta:Yayasan Indonesia.