Tari Lilin

Tari Lilin adolah sabuah tarian tradisional nan barasa dari Sumatra Barat. Tari lilin iko biasonyo dibawokan dek sakalompok panari perempuan maupun bapasangan nan mambawo lilin sarato jo diiriangi dek musik nan dimainkan dek sakalompok musisi. Para panari iko inyo mambawo lilin nan manyalo nan talatak diateh piriang ketek nan dipacik dek kaduo talapak tangan panari. Panari iko akan manarikan tarian bakalompok jo caro mamuta piriang barisi lilin nan manyalo sacaro hati-hati supayo piriang tasabuik salalu barado diateh talapak tangan sarato jo manjago supayo lilin indak padam.[1]

Tari Lilin
270px
Panari Tari Lilin Padang, Sumatra Barat, Indonesia
Nama asliTari lilin
AsalIndonesia

SijarahSuntiang

Pado zaman dahulu, tari lilin iko marupoan salah ciek tarian nan ditampilkan di istano dan di adoan pado malam hari. Manuruik asal-usulnyo tarian iko barasa juo dari carito rakyat. Dalam carito rakyat tasabuik dicaritoan bahwasanyo pado zaman dahulu ado saurang gadih nan ditinggaan dek tunangannyo untuak pai badagang. Pado suatu hari sang gadih kahilangan cincin patunangannyo, kamudian inyo mancari cincin tasabuik hinggo sampai laruik malam dengan manggunoan lilin nan dilatakan di ateh piriang. Sang gadih bausaho kareh untuak mancari cincin tasabuik, sang gadih kamudian bakaliliang mangaliliangi pakarangan rumahnyo, bahkan into harus sampai mambungkuak untuak manarangi tanah dan kadang gerakan sang gadih ko taliek sarupo bagarak maliuk-liuk sahinggo taliek sarupo gerakan tari nan rancak. Gerakan badan nan maliuk, mambungkuak, jo manengadah sarupo badoa tasabuik kamudian malahiakan kaindahan. Dari sinilah kamudian tari lilin iko lahia jo mulai tanamo di kalangan gadih-gadih desa katiko itu.[2]Tari Lilin dahulunyo hanyo ditampilkan pado acara-acara adat, yaitu sabagai ungkapan raso syukur kapada Tuhan ateh hasia jo pancapaian nan didapekan dek masyarakaik. Sairiang jo pakambangan zaman, pado maso kiniko fungsi tari Lilin tasabuik indak hanyo ditampilan untuak acara adaik sajo, namun juo sabagai sabuah patunjukan kesenian dan juo hiburan. Salain itu tari ko acok pulo diselipkan sabagai panampilan selingan pado katiko prosesi acara panyambutan tamu, nan ditampilkan sasudah penampilan tari pasambahan.[3]

Garak tariSuntiang

Tari lilin mampunyoi garak tari nan indak sambarangan atau sangaik selektif. Karano salain harus manunjukkan kaanggunan panari dalam kilauan cahayo lilin, garak tari nan dipilih haruslah nan indak heboh atau indak talampau atraktif bia lilin nan dipacik dek panari indak jatuah atau tetesan lilin tasabuik indak maleleh kamano-mano. Aratinyo tarian tasabuik indak mambutuahan banyak gerak tari dan hanyo mamparaluan konsentrasi panuah sahinggo siapopun dapek malakukanyo.[4] Tarian nan dimainkan jo caro mambawo lilin diateh tangan jo sacaro bakalompok tasabuik mampunyoi garak nan mambungkuak, gemulai sarato garakan badoa. Hal tasabuik manggambaran suasana sakalompok gadih kampuang nan sadang mambantu kawannyo mancari cincin tunangan nan ilang. Sahinggo tarian iko manganduang drama jo carito.[5]

Alaik paragoSuntiang

Dalam panampilan seni tari lilin tadapek babarapo aliak parago nan harus disadioan. Partamo alaik parago tari tu yaitunyo piriang ketek jo lilin. Lilin tasabuik nantinyo akan di nyaloan jo dilatakkan di ateh piriang ketek tadi. Kaduo yaitunyo pakaian nan di gunoan dek si panari tari lilin. Pakaian atau baju nan digunoan dek panari untuak tari lilin tasabuik adolah busana khas asa Minangkabau, yakninyo hiesan kapalo nan disabuik tangkuluak, Baju nan disabuik baju batabue, bawahan nan disabuik jo lambak, salempang jo pahiasan barupo dukuah atau kaluang, galang jo cincin,[1] Kemudian selanjutkan perlengkapan dalam kegiatan tari lilin tersebut ialah adanya musik pengiring. Tari lilin tersebut biasanya diiringi oleh musik khas Melayu Sumatra, dengan beberapa alat musiknya yakni accordeon, biola, gong, gitar, kenong, gendang, bonang, saxophone, dan tok-tok.[2]

RujuakanSuntiang

  1. a b "Lilin, Seni Tari". encyclopedia.jakarta-tourism.go.id. Diakses tanggal 2020-09-17. 
  2. a b Satu, Reporter (2020-06-09). "Tari Lilin, Perpaduan Cahaya dan Gerakan Indah Penari Latar". reportersatu.com (dalam bahasa Indonesia). Diakses tanggal 2020-09-17. 
  3. "Tari Lilin : Sejarah, Fungsi, Gerakan dan Musik Pengiring • Wonderful Minangkabau". Wonderful Minangkabau (dalam bahasa Inggris). 2017-05-10. Diakses tanggal 2020-09-17. 
  4. Nusantara, Solusi Sistem. "Tari Lilin dari Indonesia Pukau Warga Belanda | Budaya". www.gatra.com (dalam bahasa Inggris). Diakses tanggal 2020-09-17. 
  5. PI, Redaksi (2020-05-04). "Tari Lilin dari Sumatera Barat | Pariwisata Indonesia" (dalam bahasa Inggris). Diakses tanggal 2020-10-04.