Taman Nasional Bukit Barisan Selatan

Taman Nasional Bukit Barisan Selatan (disingkek TNBBS) adolah sabuah taman nasional yang ditujuan untuak malindungi hutan hujan tropis pulau Sumatra sarato kakayaan alam hayati nan dimilikinyo. UNESCO manjadian Taman Nasional Bukit Barisan Selatan ko basamo Taman Nasional Gunung Leuser jo Taman Nasional Kerinci Seblat sabagai warisan dunio dalam Warisan Hutan Hujan Tropis Sumatra.

Taman nasional ko mamiliki luweh wilayah sakitar 355.511 hektare. TNBBS marupoan bagian dari pagunungan Bukit Barisan. Wilayah pagunungan Bukit Barisan ko mamiliki baragam vegetasi alam misalnyo vegetasi hutan mangrove, hutan pantai, jo hutan pamah tropika.

Sacaro administrasi pamerintahan, kawasan TNBBS talatak di wilayah Provinsi Lampung (Kabupaten Lampung Barat, Kabupaten Pesisir Barat, dan Kabupaten Tanggamus), sarato Provinsi Bengkulu (Kabupaten Kaur). Sacaro geografis, area ko talatak antaro 4°29’-5°57’ Lintang Salatan jo 103°24’-104°44’ Bujua Timua.

TNBBS dikatahui punyo babarapo hutan dataran randah di Sumatra. Taman nasional ko juo sangaik kayo dalam hal kaanekaragaman hayati, tu marupoan tampek tingga bagi tigo jinih mamalia gadang nan paliang tarancam di dunio, yaitu gajah sumatra, badak sumatra, jo harimau sumatra.

Salain tu, manuruik hasil analisis temuan tapak badak per 2019, dipakiroan ado 7-11 ikua badak nan lewat di taman nasional ko.

TNBBS tamasuak ka dalam Global 200 Ecoregions, yaitu paringkek habitat daraik, aia tawa, jo lauik di bumi nan paliang mancolok dari suduik pandang biologi nan dibuek oleh WWF. Taman ko disorot sabagai daerah prioritas untuak palestarian badak sumatra malalui program Asian Rhino and Elephant Action Strategy (AREAS) dari WWF.

Siap tu, IUCN, WCS, jo WWF alah maidentifikasi taman nasional ko sabagai Unit Pelestarian Macan (Wikramanayake, dkk, 1997), yaitu daerah hutan nan paliang penting untuak palestarian harimau di dunio. Tarakhir, pado tahun 2002, UNESCO alah mamiliah daerah ko untuak diusuan sabagai World Heritage Cluster Mountainous Area basarato Taman Nasional Gunung Leuser jo Kerinci Seblat.

Flora

Sacaro umum, di taman nasional ko, alah taidentifikasi paliang saketeknyo ado 514 jinih pohon, 98 jinih tumbuhan bawah dari babagai famili, antaro lain Dipterocarpaceae, Lauraceae, Myrtaceae, Fagaceae, Annonaceae, Rosaceae, Zingiberaceae, dan sabagainyo. Salain tu, ado pulo 126 jinih anggrek, 26 jinih rotan, 24 jinih liana, jo 15 jinih bambu nan hiduik.

Badasaan data FIMP, untuak tanaman ubek, alah taidentifikasi sabanyak 124 jinih. Sabagai informasi, kawasan TNBBS ko marupoan habitat bagi jinih-jinih tumbuhan babungo unik jo langka, yaitu bungo Rafflesia (Rafflesia sp) sarato 2 jinih bungo bangkai masiang-masiang Amorphophallus titanum jo Amorphophallus deculsivae.

Amorphophallus titanium ko disabuik pulo sabagai bungo bangkai jangkung yang tingginyo dapek mancapai 2 meter. Tumbuhan lain nan manjadi ciri khas taman nasional ko adolah anggrek raksasa/tebu (Grammatophylum speciosum).

Badasarkan hasil inventarisasi, tadapek sabanyak 157 jinih tumbuhan di Taman Nasional Bukit Barisan Selatan nan dapek digunoan sabagai tanaman ubek, saperti pasak bumi (Eurycoma longifolia), jo pulai (Alstonia scholaris).

Taman Nasional ko mah marupoan pulo habitat bagi jinih-jinih tumbuhan endemik dilindungi sarato langka, yaitu bungo rafflesia (Rafflesia sp) sarato 2 jinih bungi bangkai Amorphophallus titanum jo A. Deculsilvae.

Vegetasi nan dapek dijumpai di TNBBS babeda-beda untuak satiok tipe ekosistem. Vegetasi nan umum dijumpai di lahan basah sarato pasisia adolah Terminalia cattapa, Hibiscus sp, Baringtonia asiatica, Callophyllum inophyllum, Casuania sp, Pandanus sp, jo Ficus septica.

Hutan hujan dataran randahnyo didominasi jo Shorea sp, Dipterocarpus sp, jo Hopea sp, dengan jinih tumbuhan bawah di antaranyo Urophyllum sp, Phrynium sp, Korthalsi sp, jo Calamus sp. Siap tu, hutan hujan bukik di taman nasional ko didominasi jo famili Dipterocarpaceae, Lauraceae, Myrtaceae, tu Annonaceae dengan tumbuhan bawah Neolitsea cassianeforia, Psychotria rhinocerotis, Areaca sp, jo Globba pendella.

Salanjuiknyo, hutan hujan pagunungan bawah dihuni jo jinih-jinih dari keluarga Lauraceae, Myrtaceae, Dipterocarpaceae sarato Fagaceae, sarupo Magnolia sp, Quercus sp, dan Garcinia sp. Sadang hutan hujan pagunungan tingginyo didominasi oleh Eugenia sp, jo Castanopsis sp. Jinih-jinih sea weed ditamuan di pasisia Selatan Sumatera, saperti Sargasum gracillum, S. echinocarpum, Acanthopora specifesa, Hypnea musciformis, jo Turbinaria ornata, samantaro sea weed jinih Thallasis sp hiduik di sapanjang taluak Belimbing.

Famili pohon nan banyak tumbuah di hutan hujan bukiik di taman nasional ko adolah Dipterocarpaceae, Lauraceae, Myrtaceae dan Annonaceae. Kawasan TNBBS tamasuak marupoan habitat penting dari Damar Mata Kucing (Shorea javanica), Damar Batu (Shorea ovalis), jo Jelutung (Dyera sp).

Kawasan taman nasional ko tamasuak pulo marupoan habitat penting bagi babagai jinis tumbuhan nan mamiliki pamanfaatan tradisional, saperti jinih penghasil gatah damar mata kucing (Shorea javanica), damar batu (S. Ovalis), jo jelutung (Dyera costulata). Selain tu, tadapek 11 flora endemik Sumatera, yaitu Bacaurea multiflora, Madhuca magnifolia, Memecylon multiflorum, Drypetes subsymetrica, Drypetes simalurensis, Ryparosa multinervosa, dan sabagainyo..

Fauna

Hampia saluruah jinih fauna khas Pulau Sumatera ado di kawasan ko kacuali orangutan sumatera. Sacaro umum, di taman nasional ko, alah taidentifikasi pulo 122 jinih mamalia, 7 jinih primata, 450 jinih buruang tamasuak 9 jinih buruang rangkong, 123 jinih herpetofauna (reptil jo amfibi), 221 jinih insekta/saranggo, 7 jinih moluska, 2 jinih krustasea, sarato 53 jinih ikan.

Satwa nan manghuni TNBBS antaro lain badak sumatera (Dicerorhinus sumatrensis), gajah sumatera (Elephas maximus), harimau (Panthera tigris), tapia (Tapirus indicus), ruso (Cervus sp), kancia (Tragulus javanicus), kabau lia (Bubalus bubalis), kijang (Muntiacus muntjak), kambiang hutan (Capricorn sumatrensis), ajak (Cuon alpinus), ungko (Hylobates agilis), ula sanca (Phyton reticulatus), dan sabagainyo.

Babagai jinih karo sarato monyet ikuik mandiami habitat nan sangaik elok di kawasan taman nasional ko, antaro lain siamang (Symphalangus syndactylus), owa (Hylobates agilis), karo (Macaca fascicularis), baruak (Macaca nemestrina), lutuang (Presbytis cristata), sarato Presbytis melalophos.

Bukan hanyo itu, di daerah nan agak ka dalam, dijumpai pulo baruang madu (Helarctos malayanus). Babagai jinih rangkong (Buceros sp) sarato jinih buruang lainnyo banyak pulo tingga di siko.

Di sapanjang pantai salatan sarato baraiknyo dapek pulo dijumpai babarapo jinih penyu saperti penyu sisik (Eretmochelys imbricata). Di siko, tadapek pulo 6 jinih binatang mamalia nan tarancam manuruik Red Data Book IUCN masiang-masiang gajah sumatra (Elephas maximus sumatranus) dengan dugaan jumlah populasi dipakiroan 498 ekua (Hedges, et. al, 2005), badak sumatra (Dicerorhinus sumatrensis) dengan dugaan populasi dipakiroan 60–80 ikua (RPU), harimau sumatra (Panthera tigris sumatrensis) dengan dugaan populasi dipakiroan 40–43 ikua (O’brien dkk, 2003), tapia (Tapirus indicus), baruang madu (Helarctos malayanus), jo ajag (Cuon alpinus).

Pranala lua

• WWF: Illegally grown coffee threatens tiger habitat in Indonesia
• World Database on Protected Areas: Entry of Bukit Barisan Selatan National Park Archived 2009-09-27 di Wayback Machine.
• Website TN Bukit Barisan Selatan Archived 2018-12-01 di Wayback Machine.
• tfcasumatera.org/