Syiah

Syiah atau Syi'ah (bahaso Arab: شيعة, bahaso Persia: شیعه) adolah kalompok atau sekte dalam dunia Islam nan tagadang kaduo sasudah Islam Sunni, nan muncua dek manganggap Ali bin Abi Thalib sabagai panaruih Rasulullah nan samustinyo. Ado baragam mazhab dalam Syiah dan salah satu nan tabanyak panganuiknyo iyolah madzhab Duo Baleh Imam atau Itsna Asyariyyah, nan mano sacaro umum istilah Syiah acok marujuak pado mazhab ko. Pado umumnyo, Syiah manulak kapamimpinan tigo khalifah partamo. Namun, ado nan indak manulak kapamimpinan sabalunnyo do sarupo madzhab Syiah Zaidiyyah.

Sacaro bahaso, kato "Syiah" adolah bantuak tungga, sadang bantuak jamaknyo adolah "Syiya'an" (شِيَعًا). Syī`ī ( Bahaso Arab: شيعي.) marujuak kapado pangikuik dari kalompok tasabuik.