Syekh Balubuih
Syekh Mudo Abdul Qadim Balubuih atau labiah tanamo jo sabutan Syekh Balubuih (lahia 1875 – maningga 1957)[1] adolah saurang ulama sufi jo tokoh pangambang Silek Kumango. Inyo maaja di Surau Belubus jo mampunyoi banyak murid dari babarapo daerah di Sumatera. Surau Belubus adolah salah satu pusek Tarikaik Naqsabandiyah di Minangkabau.[2]
| Biografi | |
|---|---|
| Kalompok etnis | Urang Minangkabau  |
| Kagiatan | |
Murid (id)  | Syekh Tuanku Jadid (id) |
Syekh Balubuih maabihkan maso keteknyo jo baraja ilimu ugamo. Inyo baguru ka babarapo ulama tanamo takah Syekh Abdurahman Batuhampar (atuak Mohammad Hatta), Syekh Muhammad Saleh Padangkandih, jo Syekh Abdurahman Kumango. Dari guru gurunyo nan tun, inyo mandapek babarapo ijazah, salah satunyo ijazah Tarikaik Samaniyah dari Syekh Abdurahman Kumango.[2]
Sasudah baguru dari babarapo syekh, inyo managakan surau di Balubuih, tapeknyo di Jorong Balubuih, Nagari Sungai Talang, Guguak, Kabupaten Lima Puluh Kota. Surau iko talatak di areal pasawahan nan punyo suasana nan mandukuang untuak baraja jo balatih ilimu sufi. Salain ruang sumbayang bajamaah surau iko tadiri dari babarapo ruangan, yakni biliak syekh jo tampek suluak katiko Ramadhan jo bulan Zulhijjah. [2]
Di sampiang surau, ado bangunannyo duo lantai nan tabuek dari batu nan punyo duo ruangan untuk latihan Silek Kumango. Palatihan jo pangajaran Silek Kumango tadiri ateh babarapo bagian. Patamo, murid diajaan malangkah (kudo-kudo). Sasudah itu, diajaan garakan pacah anam, yaitu anam kalompok garakan katiko basobok lawan.[2]
Karya
suntiang- As-Sa’adatul Abdiyah fima Ja’a bihin Naqsyabandiyah (2 edisi)
- Risalah Tsabitul Qulub (2 jilid)
- Al-Manak
Rujuakan
suntiang- ↑ "BEBERAPA FAKTA TENTANG ARIF BILLAH SYAIKH BALUBUIH/ BELUBUS". Impiannews. Diarsipkan dari versi asli tanggal 2019-12-27. Diakses tanggal 2019-12-27.
- ↑ a b c d 2018. Ensilokpedia Silek Minangkabau. Padang: Dinas Kebudayaan Sumatra Barat. hal. 154-155.