Sutan Zaili Asril
Sutan Zaili Asril (lahia di Korong Kiambang, Kanagarian Pakanbaru, Kecamatan 2 x 11 VI Lingkung, Padang Pariaman, Sumatera Barat, 17 Mei 1955, maningga di Padang, pado 11 Januari 2016, pado umua 60 tahun) adolah wartawan Indonesia. Inyo alah manulih sajak masih remaja. Katiko sakolah di Sekolah Pendidikan Agama Islam (PGAI, satingkek SMA) di Padang, tulisannyo barupo cerpen jo puisi alah dimuek di babagai media di Padang. Sasudah malanjuikan kuliah ka IAIN Imam Bonjol, inyo manjadi pangasuah Majalah Suara Kampus nan ditabikan almamaternyo. Inyo mangasuah surek kaba kampus itu basamo antaro lain Fachrul Rasyid jo Yulizar Yunus.
| Biografi | |
|---|---|
| Lahia | 17 Mai 1955  |
| Kamatian | 11 Januari 2015 (59 tahun (id)  )Koto Padang |
| Kalompok etnis | Urang Minangkabau |
| Kagiatan | |
| Karajo | Pangarang jo wartawan |
| Periode aktif | 1975 – |
Karier jurnalistik profesionalnyo dimulai sabagai koresponden Kompas di Padang jo mentor wartawan senior Marthias Dusky Pandoe awa taun 1980. Ndak lamo di Padang inyo kamudian ditugasan sabagai wartawan Kompas untuak daerah Riau di Pakanbaru. Di sinan inyo mulai mampaliekan potensinyo jo mangasilkan kaba-kaba utamo nan dimuek di laman ciek surek kaba tagadang di Indonesia itu.
Manjalang akia taun 1980-an, Zaili ditugasan Kompas untuak mangambangkan pers daerah jo manabikan Harian Sriwijaya Pos di Palembang. Inyo mambidangi surek kaba itu, dan di dalam wakatu singkek manjadi koran tanamo di Sumatera Selatan.
Awa taun 1990-an, Zaili basamo sajumlah wartawan sanior kalua dari Kompas. Kasadonyo antaro lain Azkamin Zaini, Purnama K, dan Sudirman Tebba.[1]
Rujuakan
suntiang- ↑ Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 406-409. ISBN 978-602-51382-0-1.
 |
Iko baru laman rancangan. Bantulah Wikipedia untuak mangambangannyo. |