Subwilayah Mekong Raya
Subwilayah Mekong Raya atau hannyo Mekong Raya (bahaso Inggirih: Greater Mekong Subregion, disingkek sabagai GMS), adolah wilayah cekungan Sungai Mekong di Asia Tenggara. Daerah iko marupoan rumah bagi labiah dari 300 juta urang dan manjadi bagian program pangambangan nan diteken dek Bank Pembangunan Asia pado 1992 dengan malibaikan basamo-samo anam nagara, yakni Kamboja, Tiongkok (tarutamo Provinsi Yunnan jo Daerah Otonomi Guangxi Zhuang), Laos, Myanmar, Thailand, jo Vietnam.[1]
Mekong Raya punyo kakayaan alam sarato budaya nan indak tagantian dan dianggap sabagai salah ciek pusek kaanekaragaman hayati nan paliang signifikan di dunia. Wilayah iko marupoan panyedio sumber pangan nan sangaik pantiang jo marupoan lokasi bamacam proyek konstruksi barskala gadang jo implikasi sosial dan ekonomi.[2]
Bentang alam dan keanekaragaman hayati
suntiang
Wilayah iko mamiliki baragam lanskap geografis tamasuak massif, dataran tinggi, kars batu kapua, dataran randah, dataran banjir subur, jo delta sungai, hutan (tumbuhan hijau abadi jo tumbuhan hijau semi-abadi, tumbuhan paluruh, dipterocarpaceae, hutan bakau jo rawa), sarato padang rumpuik. Lingkungan air tamasuak aliran sungai babatu jo lahan basah (takah Tonle Sap di Kamboja).[3]
Ragam geografis wilayah jo berbagai zona iklim mandukuang kaanekaragaman hayati nan signifikan, dengan labiah dari saribu spesies baru basobok di siko pado dekade patamo tahun 2000-an. Wilayah geografis iko marangkum 16 dari 200 kawasan ekologi global WWF, jo marupoan habitat bagi sakitar 20.000 jinih tumbuhan, 1.300 spesies lauak, 1.200 spesies buruang, 800 spesies reptil jo amfibi, serta 430 spesies mamalia. Spesies pantiang di wilayah iko tamasuak badak jawa, pesut jo patin raksasa mekong (salah ciek lauak tabek paliang gadang).[3]
Kaanenaragaman hayati kawasan iko masuak dalam daftar limo titiak biodiversitas nan tarancam punah dek Conservation International. WWF mangutip bahasonyo parcapatan pambangunan ekonomi, partumbuhan populasi jo paningkekan pola konsumsi sabagai panyebab utamo karusakan kawasan, tamasuak juo panabangan hutan untuak partanian, panabangan kayu jo pardagangan kayu ilegal, pardagangan satwa lia, panangkokan barlabiah, pambangunan ampang jo jalan gadang, sarato patambangan. WWF jugo manyatoan bahasonyo wilayah iko sangaik rantan tarhadap parubahan iklim global.[3]
Konservasi
suntiangDengan kancangnyo parkambangan pambangunan di kawasan iko, upayo konservasi untuak malindungi sumber daya alam, habitat, kaanegaragaman hayati jo budaya lokal di GMS manjadi sangaik mandasak. Ancaman paling baru nan paliang mandasak adolah pangambangan PLTA, parubahan iklim, pardagangan satwa lia, jo pangrusakan habitat.[2]
Organisasi
suntiangOrganisasi pantiang nan ikuik sato dalam GMS maliputi:
- Komisi Sungai Mekong (MRC)
- Bank Pembangunan Asia (ADB)
- Jaringan Akademik jo Riset GMS (GMSARN)
- Jaringan Penelitian Mekong Berkelanjutan (SUMERNET)
- Perserikatan Bangsa-Bangsa
- Organisasi pangan dan Pertanian (FAO)
- United Nations Environment Programme (UNEP)
- World Wide Fund for Nature (WWF)
- Programme on Forests (PROFOR)
- Pengembangan Terbuka Mekong, yang didirikan oleh EastWest Institute
Caliak pulo
suntiangRujuakan
suntiang- ↑ yronald (2016-04-15). "About the Greater Mekong Subregion". Greater Mekong Subregion (GMS) (dalam bahasa Inggris). Diakses tanggal 2020-11-21.
- ↑ a b "Greater Mekong". WWF. Diakses tanggal 18 November 2015.
- ↑ a b c "First Contact in the Greater Mekong: new species discoveries". WWF. 2012-08-23. Diakses tanggal 2018-10-08.