Stadion Agus Salim

Stadion Gelanggang Olah Raga Haji Agus Salim adolah sabuah stadion Sipak bola di Kota Padang, Sumatera Barat, nan marupoan juo markas klub Sipak bola Semen Padang FC jo PSP Padang. Stadion ko dibangun taun 1985. Stadion Agus Salim mamiliaki dayo tampuang 28.000 tampek duduak.

Stadion Agus Salim, Kota Padang.

Namo

Stadion ko dinamoan untuak maoromaiki Haji Agus Salim, salah surang Pahlawan Nasional Indonesia dan bakeh Mantari Lua Nagari Indonesia, nan asanyo dari Koto Gadang, Agam. Gilo

Sijarah

Stadion GOR Haji Agus Salim dibangun pado taun 1985 dek Pamarentah Kota Padang sabagai pangganti Stadion Imam Bonjol nan kini lah manjadi taman kota (lapangan tabukak). Stadion ko sajak awanyo badayo tampuang 28.000 tampek duduak, sato ado tribun tatutuik di sektor baraik.

Pado tanggal 30 September 2009, tajadi gampo nan manggoncang Kota Padang dan marusak ampia kasaluruahan fasilitas stadion. Babarapo fasilitas panunjang patandiangan indak lapeh dari karusakan, sarupo gangguan koneksi pado panarangan, ruang ganti pamain nan barantakan, sarato lapangan nan ratak-ratak jo lakang, manyabaukan stadion ko lah indak patuik dipakai lai. PT Semen Padang jo pasatujuan pamarentah kota kudian marenovasi stadion ko sainggo dapeklah dipagunoan baliak untuak patandiangan Liga Super Indonesia. Pabaiakan nan dikarajoan antaronyo manaman rumpuik, mampaeloki drainase, paga, ruang ganti pamain, ruangan wasit jo ruangan pers, manambahan biliak mandi jo kakuih, sarato mamasang keramik lantai jo lampu stadion.

Mulai musim kompetisi 2010-2011, Semen Padang lai baliak bamarkas di stadion ko, sasudah salamo labiah dari sataun mangunsi ka Stadion M. Yamin di Sijunjung.

Pautan lua

• Stadion Haji Agus Salim Archived 2012-08-15 di Wayback Machine. di situs rasmi Spartacks.
• Stadion Haji Agus Salim di Soccerway.
• Stadion Haji Agus Salim Archived 2011-09-28 di Wayback Machine. di World Stadiums.com