Soedjatmoko
Soedjatmoko (EYD: Sujatmoko) (lahir dengan nama Soedjatmoko Mangoendiningrat; lahia di Sawahlunto, Sumatra Barat, Hindia Belanda, 10 Januari 1922 – maningga di Yogyakarta, Indonesia, 21 Desember 1989 pado umua 67 taun), tanamo pulo jo panggilan Bung Koko,[1] adolah intelektual, diplomat, sarato politikus Indonesia.
Soedjatmoko | |
|---|---|
| Berkas:ImgSoedjatmoko.jpg Soedjatmoko pada tahun 1978 | |
| Lahia | Soedjatmoko Mangoendiningrat 10 Januari 1922 |
| Maningga | 21 Desember 1989 (umua 67) |
| Kawarganagaraan |  Indonesia |
| Karojo | Diplomat, akademisi |
| Title | Anggota Konstituante |
| Term | 1955–1959 |
| Pandahulu | Tidak ada (dibentuk) |
| Panaruih | Tidak ada (dibubarkan) |
| Partai politik | Partai Sosialis Indonesia |
| Pasangan | Ratmini Gandasubrata |
| Anak | 3 putri: Kamala Chandrakirana Isna Marifa Galuh Wandita |
| Urang tuo | Saleh Mangoendiningrat (ayah) Isnadikin (ibu) |
| Dusanak | Miriam Budiardjo (adik perempuan) Nugroho Wisnumurti (adik laki-laki) Sutan Sjahrir (kakak ipar)[1] |
Lahia di kaluarga bangsawan, inyo sakola dotor di Batavia (kini Jakarta). Sasudah dikaluakan dari sakolah dotor dek urang-urang Japang pado tahun 1943, inyo pindah ka Surakarta sarato mambukak praktik pangobatan basamo ayahnyo. Pado tahun 1947, sasudah kamerdekaan Indonesia, Soedjatmoko basamo duo pamuda lainnyo dikirim ka Lake Success, New York, Amerika Serikat untuak mawakili Indonesia di Perserikatan Bangsa-Bangsa. Sasudah itu, Soedjatmoko manjalani babarapo kagiatan politik. Pado tahun 1952 inyo baliak ka Indonesia jo bagabuang jo pers baraliran sosialis jo Partai Sosialis Indonesia, kamudian tapiliah sabagai anggota Konstituante. Namun, karano pamarintahan Presiden Soekarno samakin otoriter, Soedjatmoko mulai mangkritik pamarintah. Supayo indak tatangkok, Soedjatmoko pai ka luaa nagari kamudian bakarajo sabagai dosen di Universitas Cornell di Ithaca, New York salamo duo tahun. Tigo tahun kamudian inyo indak bakarajo lai, bia pun alah baliak ka Indonesia.
Sasudah pamarintah Sukarno diganti, Soejdatmoko dikirim sabagai ciek dari banyak wakia Indonesia di PBB, sarato pado tahun 1968 inyo manjadi Duta Besar Indonesia untuk Amerika Serikat; inyo juo manjadi panasihat untuak mantari luaa nagari Adam Malik. Katiko alah baliak ka Indonesia pado tahun 1971, inyo mandapekkan pencekalan pamarintah sasudah paristiwa Malari pado Januari 1974, karano disangko alah marancanakan protes itu. Pado tahun 1978, Soedjatmoko manarimo Panghargaan Ramon Masaysay untuak Hubungan Internasional, sarato pado tahun 1980 inyo diangkek sabagai rektor Universitas Perserikatan Bangsa Bangsa di Tokyo, Japang.
Kahidupan awal
suntiangSoedjatmoko dilahiakan pado tanggal 10 Januari 1922 di Kota Sawahlunto, Sumatra Barat, Indonesia jo namo Soedjatmoko Mangoendiningrat.[2] Inyo marupokan anak ka 2 dari pasangan Saleh Mangoendiningrat, saurang dotor katurunan bangsawan Jawa asal Madiun, jo Isnadikin, ibu rumah tangga asal dari Ponorogo; pasangan itu mampunyoi 3 anak lain jo 2 anak angkek. Adik Soedjatmoko, Nugroho Wisnumurti, katiko gadang bakarajo untuak Pasarikatan Bangsa-Bangsa (PBB).[1] Katiko mulai mamasuki umua duo tahun, Soedjatmoko basamo kaluarganyo pindah ka Bulando sasudah ayahnyo mandapekan beasiswa untuak baraja di nagari itu salamo 5 tahun.[3] Katiko baliak ka Indonesia, Soedjatmoko malanjuikkan sakolahnyo di suatu sakolah dasar di Manado, Sulawesi Utara, Indonesia.
Soedjatmoko kamudian basakolah di HBS Surabaya sampai inyo lulus pado tahun 1940.[3] Sakolah itu maajakan inyo jo bahasa Latin sarato Yunani Kuno, jo ado surang gurunyo mampakenalkan Soedjatmoko jo kesenian Eropa; dalam sabuah wawancara katiko inyo alah gadang, hal itu mambuek inyo manganggap urang Eropa labiah dari sakadar kolonis. Inyo kamudian malanjuikkan pandidikannyo ka sakolah kadokteran di Batavia (kini Jakarta). Katiko mancaliak daerah kumuah di Jakarta, Soedjatmoko manjadi tatarik jo masalah kamiskinan; topik itulah nan kamudian ditalitinyo. Namun, sasudah Japang manduduki Indonesia, pado tahun 1943 inyo dikaluakan dari sakolah karano kakarabatannyo jo Sutan Sjahrir– nan nantik manikah jo kakak Soedjatmoko, Siti Wahyunah[1]– dalam protes ka pandudukan Japang.[3]
Sasudah dikaluakan, Soedjatmoko pindah ka Surakarta. Di situ, inyo mambaco tantang sijarah Barat jo ilmu politik nan mamicu katertarikannyo jo sosialisme;[3] inyo bakarajo di rumah sakik punyo ayahnyo. Sasudah kamerdekaan Indonesia, Soedjatmoko dimintak manjadi Wakia Kapalo Bagian Pers Asing di Kamantarian Panarangan. Pado tahun 1946, inyo basamo duo sahabatnyo diminta dek Sjahrir nan alah manjadi Perdana Menteri Indonesia untuak mandirikan jurnal mingguan babahaso Bulando, Het Inzicht (Di Dalam) sabagai tanggapan ateh Het Uίtzicht (Pandangan) nan disponsori dek Bulando. Tahun barikuiknyo, mereka manabikkan jurnal sosialis Siasat nan ditabikkan satiok minggu.[3]Dalam pariode iko Soedjatmoko mulai indak manggunokan namo Mangoendiningrat, sabab namo bapaknyo tu mambuek inyo takana jo aspek feudalisme dalam budaya Indonesia.
Rujuakan
suntiang- ↑ a b c d "Contemplating Soedjatmoko's Thought about Intellectuals" (dalam bahasa Inggris). Universitas Gadjah Mada. Diarsipkan dari versi asli tanggal 2012-03-23. Diakses tanggal 23 March 2012.
- ↑ Mengenang Soedjatmoko: Kumpulan Berita dan Obituari: Disusun Dalam Rangka Peringatan 40 Hari Wafat Dr. Soedjatmoko. Lembaga Penelitian, Pendidikan dan Penerangan Ekonomi dan Sosial (LP3ES). 27 Desember 1990.
- ↑ a b c d e Kahin, George McT.; Barnett, Milton L. (April 1990). "In Memoriam: Soedjatmoko, 1922 – 1989". Indonesia. Cornell University's Southeast Asia Program. 49: 133–140.