Silek lanyah

Silek Lanyah marupokan seni beladiri nan barasal dari Minangkabau, tapeknyo di Kubu Gadang, kalurahan Ekor Lubuk, Koto Padang Panjang. Jiko dicaliak dari namonyo, tantulah Silek ko diadokan di ateh lanyah atau kubangan. Biasonyo ddiadokan di wakatu akan mambajak sawah sasudah panen gadang.Garakan nan dipagunoan dalam Silek Lanyah marupokan gerakan silek nan ado di Minangkabau, namun baitu jikok dicaliak tampek atau medannyo, akan ado saketek pabedoan dalam langkah atau garak dari Silek tasabuik.Aksi Silek lanyah ko di asuang dek pamuda-pamudi di kampuang satampek nan paduli jo kaarifan lokal. Walapun taliek sadarhano, tantangan basilek dalam medan kubangan tantu sulik jo barek.

Silek lanyah

Sijarah

Silek Lanyah dibantuak dek saurang panggiat budayo di Sumatera Barat nan banamo Mevi Rosdian di taun 2015. Silek Lanyah pamulo hanyo samacam pamainan anak nagari sajo. Silek Lanyah kamudian mampunyoi roh surang pulo, inyo manjadi “tradisi baru” jo namo “Silek Lanyah”, sabuah pamikiran bahwa kasanian tradisi harus lahia, di bantuak sasuai jo kabutuhan hari ko dan kagiatan sosial ekonomi masyarakaik satampek samo kondisi geografisnyo.