Sentot Prawirodirdjo

Sentot Prawirodirdjo (1807 - Bengkulu, 17 April 1855) nan juo di kanali sabagai Sentot Ali Pasha, atau urang-urang manganalinyo sabagai Sentot Ali Basah. Sentot Ali Basah Abdullah Mustafa Prawirodirdjo adolah saurang panglima parang pado maso Parang Diponegoro. Inyo adolah putra dari Ronggo Prawirodirjo, ipa Sultan Hamengkubuwono IV. Ayahnyo dianggap pahlawan karano malawan Balando nan tubunuah dek panjajah Balando nan katiko tu dipimpin dek Daendels. Dek karano kamatian ayahnyo, Sentot Prawirodirdjo maraso dandam kapado Balando sahinggo akhirnyo bagabuang jo Pangeran Diponegoro.

Galanyo Ali Pasha nan juo bararti Panglima Tinggi diagiah ka Sentot Prawirodirjo dek Pangeran Diponegoro tainspirasi militer kerajaan Turki.

Asa Usua

Ali Basah Sentot Prawirodirjo (sakitar 1808-1855) adolah putra Raden Ronggo Prawirodirjo III, Bupati Wedana Madiun (manjabaik 1796)-1810), jo saurang garwa paminggir (selir), Nyi Mas Ajeng Genosari. Sabagai adiak laki-laki istri sah kaduo Pangeran Diponegoro, Raden Ayu Maduretno (sakitar 1798-1827), Sentot ikuik jo kaluarga Pangeran Diponegoro pado 28 September 1814.

Sabagai bocah 6 taun, Sentot labiah suko bamain di kandang kudo Pangeran na luweh samparono jo labiah sanang manjadi pambalap kudo daripado manjadi saurang calon santri di pesantren sarupo nan didambakan dek Pangeran Diponegoro, sahinggo baliau sangek pandai jo lia salamo paparangan dikaranokan kamampuannyo tasabuik dan manjadi basah (kumandan tantara) Pangeran Diponegoro nan pambarani. Karano kaindakniyoannyo manjadi santri Sentot indak dapek mambaco atau manulih jo sajak ketek indak manyukai sikap Diponegoro nan mangginginkan supayo Basah ko diaja manjadi santri.

Sentot manikahi kaponakan padusi Pangeran Diponegoro, putri saudaranyo surang, Pangeran Prawirodininggrat atau Suryobrongto (sakitar 1789-1854).

Gala Sentot Ali Basah

Namo "Sentot" adolah namo samaran parang nan bararti "tabang" atau "maleset" iko marujuak pado karakter prilaku urangnyo. Sentot bararti malolosan diri, malarian diri, manarik diri, tabang, dan pado umumnyo urang manafsirannyo sabagai karakter nan indak mudah dikenal, saurang nan temperamennyo rumik jo kompleks.

Akhir hayat

Dalam pajuangannyo malawan panindehan dek Balando di tanah Jawa Sentot Prawirodirdjo akhirnyo dibujuak Balando untuak malatakan sanjato pado tanggal 1829 jo dikirim ka Sumatera Barat untuk malawan pambarontakan para ulama dalam ParangPadri.

Sumber Baco Lanjuik

Peter Carey, (Percakapan dengan Diponegoro), Jakarta: KPG (Kepustakaan Populer Gramedia), 2022, ISBN9786024819002