Wikipedia

Sarkies Badunsanak

Sarkies Badunsanak adolah urang ampek badunsanak kanduang katurunan etnis Armenia, nan tamusaua dek karano mambuek jaringan hotel nan taseba di Asia Tenggara. Sadonyo laia di Isfahan, Iran,[1] namo-namo mareka adolah:

  • Martin Sarkies (1852–1912)
  • Tigran Sarkies (1861–1912)
  • Aviet Sarkies (1862–1923)
  • Arshak Sarkies (1868–1931)
Saarah jarun jam dari ateh: Arshak, Tigran, jo Aviet Sarkies

Jaringan hotel suntiang

Nan patamo tajun ka dunia pahotelan adolah Tigran saaik baumua 23 taun, nan malieknyo labiah elok daripado galeh lelangnyo nan indak talalu bakambang. Satalah maambiak aliah seo rumah komplek gadang di 1A Light Street, inyo manamoannyo Eastern Hotel dan pado 15 April 1884 maumuman baso hotel ko lah siap manarimo tamu.[2]

Hotel-hotel nan mareka kalola manuruik wakatu badirinyo, yaitu:[3]

  • 15 April 1884: Eastern Hotel, George Town, Penang, Malaysia
  • 1885: Oriental Hotel, George Town, Penang, Malaysia. Sabalunnyo banamo Hotel de l’Europe.[1]
  • 1 Desember 1887: Raffles Hotel, Singapura
  • Agustus 1889: Eastern Hotel dijua, Oriental Hotel dinamoan ulang jadi Eastern & Oriental Hotel
  • 1901: Strand Hotel, Rangoon (Yangon), Burma (Myanmar). Mareka jua pado 1925.
  • 1923: Sea View Hotel, Singapura,[4] didirian patamo kalinyo pado 1906 dan dijalanan dek Sarkies Badunsanak inggo 1931.
  • 1905:[5] Crag Hotel, Penang Hill, Malaysia.[6]

Sepupu suntiang

Salain kaampek urang badunsanak ko, sepupu mareka Arathoon Sarkies (1882–1932) mangalola juo Adelphi Hotel di Singapura antaro 1903 inggo 1908.[7]

Sepupu lainnyo Lucas Martin Sarkies (1876–?) jo sudaronyo John pado 1910 mandirian Hotel Majapahit (namo lamonyo Hotel Oranje) di Surabaya, Indonesia;[8][9] sarato Hotel Kartika Wijaya di Batu, Jawa, Indonesia, nan awanyo untuak villa baistirahat untuak kaluargo Sarkies tapi kudian manjadi hotel juo.[10]

Satalah wafaik suntiang

Arshak adolah nan taakia dari Sarkies Badunsanak ko nan wafaik, iyolah pado 9 Januari 1931. Pado 10 June taun tu pulo, diajuan tuntutan bangkaruik ateh Raffles Hotel, nan kasudahannyo kaluargo Sarkies kailangan panguasoan ateh jaringan hotel mareka di Singapura jo Penang.[3] Sungguahpun damikian, hotel nan Surabaya tatap miliak katurunan Sarkies' inggo 1969,[11] baitu pulo jo The Niagara Hotel miliak Sarkies nan di Lawang, Jawa Timur, inggo kini ko masih tatap bajalan.

Di Singapura, namo Sarkies iduik kaka sabagai namo jalan iyolah Sarkies Road,[12] sarato sabagai namo dari para katurunan Arathoon nan ado di sinan.[13]

Rujuakan suntiang

  1. ↑ a b The History of Armenians in Singapore and Malaysia Archived 2017-10-28 di Wayback Machine..
  2. ↑ "archive copy". Diarsipkan dari versi asli tanggal 2017-10-28. Diakses tanggal 2016-08-16. 
  3. ↑ a b Sarkies Brothers.
  4. ↑ Old Sea View Hotel.
  5. ↑ The Straits Times, 28 July 1905, Page 6 NL300
  6. ↑ Chong, Debra. (2010-05-26) Main – Malaysia – Penang opens tender to restore Crag Hotel @ Wed May 26 2010.
  7. ↑ July « Preservation Of Monuments Board
  8. ↑ "archive copy". Diarsipkan dari versi asli tanggal 2012-11-29. Diakses tanggal 2016-08-16. 
  9. ↑ A. Mirzaian, Armenians in Australia and New Zealand.216
  10. ↑ "Kartika Wijaya Hotel". Diarsipkan dari versi asli tanggal 2008-02-26. Diakses tanggal 2016-08-16. 
  11. ↑ Hotel Majapahit Archived 2011-07-12 di Wayback Machine.,
  12. ↑ Wright, Nadia H. (2003). Respected citizens: the history of Armenians in Singapore and Malaysia. Amassia Publishing. 
  13. ↑ "Proud of the legendary Sarkies name". The Straits Times. September 17, 2015. 

Pautan lua suntiang

Diambiak dari "https://min.wikipedia.org/w/index.php?title=Sarkies_Badunsanak&oldid=2464886"