Sarasah Lubuak Bulan

Sarasah Lubuak Bulan adolah sarasah talatak di Nagari Simpang Kapuak, Mungka, Lima Puluh Kota, Sumatera Barat. Namo lubuak dapek diaratikan sabagai tabek, tapi nan unik di siko tabek nan dimakasuikan adolah tabek nan indak baraia, bahkan indak pulo ditamukan sungai nan dapek maaliran sarasah ko. Di bagian lubuak, ado ngalau nan dapek pulo dikecekan sabagai sungai bawah tanah nan maaaliran aia turun dari ateh bukik sajauah 1 km. Sungai bawah tanah ko nan mambuek aia nan jatuah nampak ilang.

Sarasah ko mampunyoi tinggi kurang labiah 50 meter jo jalan nan payah ditampuah. Aktivitas nan dapek pangunjuang lakukan iyolah barandam ataupun baranang, dapek juo malakukannyo di sungai bawah tanah.