Sampelong marupokan salah satu alaik musik tradisional Minangkabau yang caro mainnyo diambuih atau aerofon. Sampelong barasa dari Kabupaten Limo Puluah Koto. Sampelong tabuek dari batuang tipih nan disabuik talang (Schizostachyum brachycladum). Panjang alaik musik iko 30-66 cm jo diameternyo 4-6 cm sarato punyo ampek lubang, tigo di antaronyo marupokan lubang pokok nan talatak di bagian ateh jo ciek lubang nan baguno untuak improvisasi atau parancak bunyi. Sampelong punyo limo tanggo nada, yaitu sol, la, do, re sarato mi nan tamasuak jenis pentatonis minor. Sampelong diiriangi jo lagu nan juo disabuik lagu Sampelong. Sampelong digunoan masyarakaik satampek untuak hiburan katiko mangampo gambia, hiburan di tampek baralek, sarato hiburan saari-ari dek masyarakaik.[1]

Alaik musik tradisional sampelong
Alaik musik sampelong nan sadang dimainkan.

Sijarah suntiang

Manuruik sijarahnyo, sampelong ko kalau didanga dari nadanyo bahubuangan jo nada alaik ambuih lainnyo nan barasa dari Asia Tenggara. Sampelong ko sanada jo nada musik Thailand jo Sumatera Selatan. Sampelong ko alah ado samanjak maso Buddha di Indonesia.[2]

Irama sampelong ko adolah irama nan dimainkan jo saluang sajinih bansi. Daulunyo sampelong ko dimainkan wakatu mangampo gambia. Pado maso itu musik sampelong alun diiriangi jo dendang. Baru samanjak taun 1965 sampelong diiriangi jo dendang. Syair atau lagu dendang banyak bacarito tantang paiknyo iduk, padiahnyo nasik, patah bacinto, bansaiknyo iduik sarato sagalo sansainyo iduik.[1]

Caro mambuek suntiang

Sampelong tabuek dari talang atau batuang tipih nan panjangnyo 30-66 cm sarato diameter 4-6 cm.

Caro mambueknyo yaitu:

  1. Sabalum mambuek sampelong, tantuan dulu nada dasar nan ka dibuek. Nada dasar manantuan gadang atau ketek sampelong.
  2. Piliah batuang nan kualitasnyo rancak.
  3. Mamotong batuang sasuia ukuran nan alah ditantuan.
  4. Manjamua batuang bia capek kariang aianyo.
  5. Mambarasiahan batuang dari serbuk-serbuk aluih.
  6. Malubang bagian batuang (jarak dari bawah ka lubang partamo adolah salingkaran banang, dari lubang partamo ka lubang kaduo salingkaran banang, dari lubang duo ka lubang tigo adolah satangah lingkaran banang, dari lubang tigo ka lubang ampek, satangah lingakaran banang pulo, dari lubang ampek ka lubang resonator adolah satu satangah lingkaran banang).
  7. Mambuek pangabek pado ateh sampelong.
  8. Tarakhia, malakuan steam nada jo tuner.

Teknik mambaokan lagu suntiang

Barikuik babarapo tenik mambaokan musik sampelong:

  1. Suaro pacah, teknik mambaokan lagu sampelong jo produksi suaro nan punyo kesan bunyi sember. Teknik iko dianggap salah, sarato bunynyo indak musikal.
  2. Baliang atau sumbang, teknik mambawoan lagu sampelong indak jo instrumen pangiringnyo. Mambawoan lagu sampelong jo teknik iko indak pulo musikal.
  3. Lewe (lewar), teknik nan salah dalam mambawoan lagu sampelong, panyababnyo dek melodi kalua dari jalur nan indak samustinyo.
  4. Manciluk ongok, teknik vokal untuak mandapekan angok nan rancak. Tujuan manculik ongok adolah supayo dapek mamproduksi garapan melodi tarutamo ornamentasi nan rancak.
  5. Garinyiak atau dorai, teknik membawoan lagu sampelong jo hasia nan ornamentasi, tarutamo wakatu manggunokan nada-nada tingkek duo jo partamo dari tangga nadanyo.
  6. Ombak, teknik mambawoan lagu sampelong jo ornamentasi, tarutama nada tingkek duo sarato partamo dari tangga nadanyo.
  7. Maisok ongok, teknik nan digunoan pado bagian tando istirahat, antaro baris teks jo baris teks lagu sampelong sarato sebalum mamulai membaokan lagu pado saat melodi imbauan instrumen sadang balansuang. Tujuannyo agar mampu mamproduksi nada-nada panjang, sahinggo tidak terjebak pada panggala-panggalan nan marusak artikulasi (pangucapan) silabel lagu sampelong.
  8. Suaro kumbang bacucuak, teknik iko dianggap suaro musikal yaitu suaro nan paling barkomunikasi jo penonton.
  9. Suaro togang, teknik membawoan lagu sampelong indak sarato mamasuan ornamentasi melodinyo. Teknik iko dianggap sabagai bunyi indak musika, sakaligus dianggap teknik nan salah.
  10. Suaro luruh, teknik lagu sampelong membawoan sabuah nada jo sabuah silabel atau silabik.
  11. Lorem, Lagu dalam tradisi sampelong marupokan rangkaian melodi nan ado pado satiok judul lagu sampelong.[1]

Durasi not lagu suntiang

Durasi not nan ado disatiok lagu sampelong mampunyoi babarapo satuan nilai nada satiok sapartigo puluah duo, saparanam baleh, saparanam baleh pakai titiak bernilai tigo puluah duo, sapardelapan. Kerangko melodi jo ornamentasi dalam lagu sampelong dapek dianalisis jo jalinan babarapo unsur bantauk kerangka melodi, 'garinyiak', atau ombak. Ornamentasi lagu sampelong ado duo macam yaitu ombak dan derai. Ombak merupokan ornamentasi nan dibantuak jo nada-nada tingket partamo jo kaduo. Derai marupokan ornamentasi nan dibantauk jo nada-nada tingkek duo,tingkek tigo, tingkek ampek sarato tingkek limo.[1]

Rujuakan suntiang

  1. a b c d Niyat, 1990. Studi Deskriptif Penyajian Musik Tradisional Minangkabau: Musik Vokal Lagu sampelong di Kecamatan Guguk Kabupaten Lima Puluh Kota. Skripsi. Universitas Sumatera Utara
  2. Shaidra, Aisha (2017-12-03). "Keunikan Alat Musik Tiup Limapuluh Kota". Tempo (dalam bahasa Inggris). Diakses tanggal 2019-11-26.